Nokia နဲ့မိုဘိုင်းဖုန်းဈေးကွက် ယှဉ်ပြိုင်မှု

မောင်ပုဆိုးကြမ်း

ယခုအခါ လူပေါင်းသန်း ၉၀၀ လောက်ဟာ နေ့စဉ်Nokia ဖုန်းတွေနဲ့ စကားပြောနေကြပါတယ်။ လာမယ့်လအနည်းငယ်အတွင်းမှာပဲ လူပေါင်းတစ်ဘီလီယံအထိ အသုံးပြုလာနိုင်ပါတယ်။ မိုဘိုင်းဖုန်းဝယ်ယူသူအတော်များများဟာ Nokia ကိုပဲ ရွေးချယ်ပြီး ဝယ်ယူလာကြတာကို တွေ့ရပါတယ်။ ၂၀၀၇ ခုနှစ်အတွင်း Nokia ဖုန်းသန်းပေါင်း ၄၃၀ ရောင်းချခဲ့ရပါတယ်။ အဲဒီအရေအတွက်ဟာ Motorola, Samsung နဲ့ Sony Ericsson ကုမ်ပဏီသုံးခုက ရောင်းချခဲ့တဲ့ မိုဘိုင်ဖုန်းပေါင်းပိုပါတယ်။ ၂၀၀၇ ခုနှစ်အတွင်း Nokia ရဲ့ဝင်ငွေဟာ ၃၀ ရာခိုင်နှုန်းမြင့်တက်လာပြီး အမေရိကန်ဒေါ်လာ ၇၆ ဘီလီယံအထိ ရရှိခဲ့ပါတယ်။ အမြတ်ငွေဟာလဲ ၂၅ ရာခိုင်နှုန်းတိုးမြင့်တက်လာပြီး အမေရိကန်ဒေါ်လာ၇.၈ ဘီလီယံရရှိခဲ့ပါတယ်။ Nokia ဖုန်းတွေရဲ့ အရောင်းဟာ တရုတ်၊ အရှေ့တောင်အာရှနဲ့ အိန္ဒိယနိုင်ငံတွေလို ဈေးကွက်လျက်မြန်ကြီးထွားလာနေတဲ့ နိုင်ငံတွေမှာ နံပါတ်တစ်နေရာမှာ ရှိနေပါတယ်။ လွန်ခဲ့တဲ့ငါးနှစ်ခန့်က မြောက်အမေရိကဈေးကွက်မှာ မိုဘိုင်ဖုန်းသုံးလုံးရောင်းရရင် တစ်လုံးဟာ Nokia ဖုန်းဖြစ်ခဲ့ပါတယ်။ ဒါပေမယ့် ယခုအခါ ဆယ်လုံးရောင်းရရင် Nokia က တစ်လုံးပဲရှိတော့တယ်။ အမေရိကန်ဈေးကွက်မှာဆိုရင် ၂၀၀၂ တုန်းက Nokia ဖုန်းတွေဟာ ဈေးကွက်ဝေစု ၃၃ ရာခိုင်နှုန်းကျော်ရှိခဲ့ပေမယ့် ယခုအခါဆယ်ရာခိုင်နှုန်းပဲရှိတော့တယ်။ ဒီလိုဈေးကွက်ဝေစုကျဆင်းလာရတဲ့ အကြောင်းရင်းကတော့ အမေရိကန်ဆက်သွယ်ရေးလုပ်ငန်းဟာ မိမိလုပ်ငန်းအတွက်လိုအပ်တဲ့ဖုန်းတွေကို အမျိုးမျိုးစည်းကမ်းချက်တွေ သတ်မှတ်ပြီးဝယ်လေ့ရှိတဲ့အတွက်ကြောင့်ပဲ ဖြစ်ပါတယ်။ မြောက်အမေရိကမှာ တစ်နှစ်ကို ဖုန်းသန်းပေါင်း ၁၆၀ လောက်ဝယ်ယူအသုံးပြုနေတဲ့အတွက် အကြမ်းအားဖြင့် တရုတ်နိုင်ငံက ဝယ်ယူမှုနှုန်းနဲ့ညီမျှပါတယ်။ အကယ်၍ Nokia အနေနဲ့ တခြားကမ္ဘာ့နိုင်ငံတွေမှာ ရရှိထားတဲ့ ဈေးကွက်ဝေစုအတိုင်း အမေရိကန်မှာ ပြန်ရရှိအောင် လုပ်ဆောင်နိုင်ရင် ဝင်ငွေဟာ ယခုထက် အမေရိကန်ဒေါ်လာ ငါးဘီလီယံပိုမိုရရှိလာနိုင်ပါတယ်။

ဥရောပနဲ့ အာရှနိုင်ငံကလူတွေဟာ သူတို့ကြိုက်နှစ်သက်တဲ့ မိုဘိုင်းဖုန်းအိမ် Handset တွေကို ရွေးချယ်ဝယ်ပြီးနောက်မှ ဆက်သွယ်ရေးလုပ်ငန်းတစ်ခုခုနဲ့ ချိတ်ဆက်အသုံးပြုတတ်ကြပါတယ်။ ဒါကြောင့် အမေရိကန်မှအပ ကမ္ဘာ့အနှံ့အပြားမှာ Nokia ဟာ မိမိထုတ်လုပ်တဲ့ မိုဘိုင်းဖုန်းထက်ဝက်လောက်ကို လက်လီအရောင်းဆိုင်တွေမှာတင်ပြီး ရောင်းချပါတယ်။ တရုတ်နိုင်ငံမှာဆိုရင် Nokia ဖုန်းကို ရောင်းချတဲ့ ပျမ်းမျှဈေးနှုန်းဟာ အမေရိကန်မှာထက်နည်းပါတယ်။ ယခုအခါ Nokia ရဲ့ CEO ဖြစ်သူ Kallasvuo ဟာ အမေရိကန်ဈေးကွက်မှာ မ်ိမိဖုန်းတွေကို ဝေစုပိုမိုရရှိလာအောင်ကြိုးပမ်းလာတာကို တွေ့ရပါတယ်။ လွန်ခဲ့တဲ့နှစ်အတွင်း Nokia ကုမ်ပဏီဟာ အမေရိကန်ဆက်သွယ်ရေးလုပ်ငန်းကြီးဖြစ်တဲ့ AT & T အတွက် မိုဘိုင်းဖုန်းတွေကို ထုတ်လုပ်ပေးဖို့ ဆန်ဒီယေဂိုမှာ အင်ဂျင်နီယာဌာနကြီးတစ်ခု ဖွင့်လှစ်ပြီးလုပ်ကိုင်ခဲ့ပါတယ်။ AT & T နဲ့ပူးပေါင်းပြီး Nokia ၆၅၅၅ မိုဘိုင်ဖုန်းအသစ်တစ်မျိုးကို ထုတ်လုပ်ခဲ့ပါတယ်။ AT & T ကုမ်ပဏီရဲ့ မြန်နှုန်းမြင့်ဆက်သွယ်ရေးကွန်ယက်နဲ့ အံဝင်ခွင်ကျဖြစ်တဲ့ ဒီဇိုင်းကိုရေးဆွဲထုတ်လုပ်ထားပါတယ်။ တစ်လုံးကို အမေရိကန်ဒေါ်လာ ၄၉ ဒေါ်လာနဲ့ ရောင်းချနိုင်ခဲ့ပါတယ်။ AT & T ဒုတိယဥက္ကဌဖြစ်သူ စတီဗင်မက်ဂေါက Nokia ဟာ ကမ္ဘာ့အဆင့်အတန်းမီတဲ့ဖုန်းတွေကို ထုတ်လုပ်နိုင်ပြီး အဲဒီဖုန်းတွေကိုလဲ ကမ္ဘာအနှံ့ဖြန့်ဖြူးရောင်းချနိုင်ခဲ့ပါတယ်။ Nokia ၆၅၅၅ တစ်လုံးကို အမေရိကန်ဒေါ်လာ ၄၉ ဒေါ်လာရောင်းချနိုင်တာဟာ Nokia ရဲ့ အရောင်းမြှင့်တင်ရေးအစီအစဉ်နဲ့ ကြော်ငြာကရတဲ့ ဒေါ်လာငွေတွေကြောင့်ပဲဖြစ်ပါတယ်။ အဲဒီဖုန်းတွေဟာ AT & T ကုမ်ပဏီ အတွက် ၂၀၀၈ ခုနှစ်မှာ ဝင်ငွေအမြောက်အများရရှိအောင် ဆောင်ရွက်ပေးမယ့် ဖုန်းတွေဖြစ်လာနိုင်တယ်လို့ ပြောပါတယ်။ လွန်ခဲ့တဲ့နှစ်စမှာ Verizon ဆက်သွယ်ရေးကုမ်ပဏီနဲ့ ဖက်စပ်ပြီး CDMA နည်းပညာအပေါ်အခြေခံတဲ့ မိုဘိုင်းဖုန်းတွေထုတ်လုပ်ဖို့ သဘောတူစာချုပ်ချုပ်ခဲ့ပါတယ်။ Nokia-Verizo ဖုန်းတွေဟာ ၂၀၀၈ ခုနှစ်အတွင်း ထွက်ပေါ်လာစရာရှိပါတယ်။ လွန်ခဲ့တဲ့နှစ်ထဲမှာပဲ Nokia ဟာ ကယ်လီဖိုးနီးယားပြည်နယ် ပိုလိုအော်တူမှာ ဆော့ဖ်ဝဲသုသေတနဌာနတစ်ခုကို ဖွင့်လှစ်ခဲ့ပါတယ်။ အဲဒီဌာနမှာ Nokia N ၇၅ ဖုန်းအမျိုးအစားကို စမ်းသပ်တီထွင်လျက်ရှိပါတယ်။ အဲဒီဖုန်းမှာပါရှိတဲ့ ကင်မရာနဲ့ လိုချင်တဲ့ပစ္စည်းတစ်မျိုးကို ဓာတ်ပုံရိုက်လိုက်ရင် အဲဒီပစ္စည်းမျိုးရောင်းချနေတဲ့ ဝက်ဘ်ဆိုက်တွေနဲ့ ချိတ်ဆက်ပေးပြီး အနီးဆုံးဘယ်ဆိုင်မှာ ဝယ်ယူနိုင်တယ်ဆိုတာ သိနိုင်ပါတယ်။ ဒါ့အပြင် AT & T Wireless စတိုးဆိုင်မှာ ပြသထားတဲ့ ပစ္စည်းတစ်ခုခုကို ကင်မရာနဲ့ချိန်ပြီး ဝယ်ယူနိုင်ပါတယ်။ ဒါမှမဟုတ် ရုပ်ရှင်ပိုစတာတစ်ခုကို အဲဒီကင်မရာနဲ့ ရိုက်ပြီး ရုပ်ရှင်မှာပါတဲ့ တေးသီချင်းတွေကို နားထောင်နိုင်ပါတယ်။ လွန်ခဲ့တဲ့လအနည်းငယ်ကလည်း Nokia ကုမ်ပဏီဟာ ဒစ်ဂျစ်တယ်မြေပုံ သတင်းအချက်အလက်တွေကို ဖန်တီးတဲ့ Navteq လုပ်ငန်းနဲ့ဖက်စပ်လုပ်ကိုင်ဖို့ အမေရိကန်ဒေါ်လာ ၈. ၁ ဘီလီယံရင်းနှီးမြှပ်နှံခဲ့ပါတယ်။ ဒါကြောင့် Nokia ဖုန်းတွေနဲ့ ကမ္ဘာ့အကြီးဆုံးတည်နေရာကို ရှာဖွေသိရှိနိုင်တဲ့ကွန်ယက်ကြီး Location Aware Network ကို အသုံးပြုလာနိုင်စရာရှိပါတယ်။ Navteq ရဲ့ ကွန်ယက်ကို Yahoo, Google, Garmin နဲ့ တခြားလုပ်ငန်းအများအပြားကလဲ အသုံးပြုနေကြပါတယ်။ လောလောဆယ်ကမ္ဘာမှာ အင်တာနက်အသုံးပြုနေသူပေါင်း ၁.၂ ဘီလီယံခန့်ရှိပါတယ်။ အဲဒီအရေအတွက်ရောက်အောင် ၁၂ နှစ်ကြာကြိုးပမ်းခဲ့ကြပါတယ်။ နောက်ထပ်အင်တာနက်အသုံးပြုသူ တစ်ဘီလီယံတိုးပွားလာဖို့ ခုနှနှစ်လောက်ပဲ ကြာနိုင်ပါတယ်။ တိုးပွားလာတဲ့ဦးရေအများအပြားဟာလည်း ဖွံ့ဖြိုးလာတဲ့ ဈေးကွက်ကြီးတွေထဲမှာပဲဖြစ်နိုင်ပြီး ရှေးဦးစွာ Nokia လိုမိုဘိုင်းဖုန်းမျိုးတွေနဲ့ အင်တာနက်ကို စတင်အသုံးပြုလာဖို့ရှိပါတယ်။ ဒါကြောင့်လွန်ခဲ့တဲ့ နှစ်နှစ်လောက်ကစပြီး Nokia ဟာ ဝက်ဘ်မီဒီယာ Web media ကုမ်ပဏီဖြစ်လာအောင် အမေရိကန်ဒေါ်လာ ကိုးဘီလီယံသုံးစွဲပြီးလုပ်ကိုင်လာတာ တွေ့ရပါတယ်။ ဥပမာ-ဒစ်ဂျစ်တယ်မြေပုံ သတင်းအချက်အလက်လုပ်ငန်းဖြစ်တဲ့ Navteq ကိုဝယ်ယူခဲ့တာ ကမ္ဘာ့အကြီးဆုံးမိုဘိုင်းဖုန်းကြော်ငြာ အေဂျင်စီလုပ်ငန်းကြီးဖြစ်တဲ့ Enpocket ကို ထူထောင်ထားတာ အင်တာနက်ဓာတ်ပုံနဲ့ ဗီဒီယိုဖလှယ်တဲ့ လုပ်ငန်းဖြစ်တဲ့ Twango ကို ဝယ်ယူခဲ့တာတွေကို တွေ့ရှိရပါတယ်။ Credit Suisse သုသေတနလုပ်ငန်းနဲ့ ခန့်မှန်းချက်အရလာမယ့် ငါးနှစ်အတွင်း Nokia ဟာမိုဘိုင်ဖုန်းမြေပုံနဲ့ တေးသီချင်းတွေကို ရောင်းချလို့ရရှိတဲ့ဝင်ငွေဟာ အမေရိကန်ဒေါ်လာ နှစ်ဘီလီယံအထိ ရရှိနိုင်တယ်လို့ဆိုနိုင်ပါတယ်။ ဒါကြောင့် ၂၀၀၈ ခုနှစ်ဇန်နဝါရီလ ၁ ရက်နေ့ကစပြီး Nokia ကုမ်ပဏီဟာ မိုဘိုင်းဖုန်းထုတ်လုပ်တဲ့ လုပ်ငန်းအပြင် အင်တာနက်ဝန်ဆောင်မှု လုပ်ငန်းပေါ်အခြေခံတဲ့ ဌာနအသစ်တစ်ခုကိုပါ တိုးချဲ့ဖွဲ့စည်းပြီး လုပ်ကိုင်လာနေတာကို တွေ့ရကြောင်းပါခင်ဗျား။