၂၀၀၈ ခုနှစ်ကို မျှော်ကြည့်ခြင်း
အမေရိကမှာ ဒီမိုကရက် --- ဗြိတိန်မှာ ကွန်ဆာဗေးတစ်

သူ့ကိုနှစ်သက်သည် ဖြစ်စေ၊ မုန်းသည်ဖြစ်စေ မဲဆန္ဒရှင်များ၏ ဆန္ဒအရသူသမ္မတဖြစ်လာခဲ့သည်။ ပထမ လေးနှစ်သက်တမ်းစေ့တော့ ဒုတိယလေးနှစ်သက်တမ်းအတွက် ဆက်လက်ရွေးချယ်ခံခဲ့ရသည်။ ယခုထိ အမေရိကန်နိုင်ငံသား သုံးပုံတစ်ပုံတို့က သူ့ကိုထောက်ခံလျက်ရှိသေးသည်။ ဂျော့ဘုရ်ှသည် အမေရိကန်သမ္မတအဖြစ် ၂၀၀၈ ခုနှစ်တစ်နှစ်လုံးရှိနေဦးမည့်အပြင် ၂၀၀၉ ခုနှစ် ပထမရက် ၂၀ အထိ ရှိနေဦးမည်။

ဒီမိုကရက်ပါတီကြီးစိုးထားသော ကွန်ဂရက်များ၏အနေအထားများရှိနေမှုများကြောင့် ယခုတစ်ကြိမ် သမ္မတရွေးပွဲသည် နှစ် ၈၀ အတွင်း စိတ်ရှုပ်ထွေးစရာများနှင့် ပြည့်နှက်နေသည့် ကာလဖြစ်သည်။ ၂၀၀၈ ခုနှစ်သည် အမေရိကန်နိုင်ငံရေးလောက၌ မအီမသာဖြစ်နေမည့် ကာလတစ်ခုအဖြစ်တွေ့ကြရမည်ဖြစ်သည်။

ပြည်တွင်းရေးမူဝါဒ

ပြည်တွင်းရေးကို ကြည့်မည်ဆိုလျှင် သမ္မတဘုရ်ှသည် သူတစ်ဦးတည်းလွတ်လပ်စွာ ဆောင်ရွက်မည့်အခွင့်အလမ်းတွေ အပြည့်အဝရှိနေသည်။ အချို့သောကဏ္ဍများ၌ တိုးတက်လာမှုတွေ့ရ၍ ပိုမိုကောင်းမွန်လာသည်ဟု ယူဆရပေတော့မည်။

သို့သော် သူသည်တမူထူးခြားပြီး အလွန်အမင်းအင်အားချည့်နဲ့နေသည်။ သူရင်ဆိုင်နေရသော ပြသာာနာများကား အလွန်ဖြေရှင်းရခက်သည်။ ထို့ကြောင့်ပင် သူတာဝန် ထမ်းဆောင်နေစဉ် တိုးတက်လာသည်ဆိုသော အခြေအနသည် အနည်းငယ်သာရှိပေလိမ့်မည်။ ခြားနားသော ဖြစ်ရပ်များကမူရှိနေသည်။ အစိုးရ၏အာဏာခွဲဝေမှုကြောင့် ဖြစ်ပေါ်လာသော အကျိုးရလဒ်နှင့်ပက်သက်သည့် ဥပမာ၊ ဥပမေယျများသမိုင်း၌ များစွာရှိသည်။ ယေဘုယျအားဖြင့် ထိုကဲ့သို့သော အခြေအနေအောက်တွင် နိုင်ငံရေးပါတီများအပေါ် ညီမျှသောနိုင်ငံရေးအန္တရာယ်နှင့် ရင်ဆိုင်ကြရတတ်သည်။ ထိုအခါ ကြမ်းတမ်းသောပြုပြင်ပြောင်းလဲမှုများ ပြုလုပ်ကြရသည်။ ၂၀၀၇ ခုနှစ်သည် ပြည်တွင်းရေးမူဝါဒနှင့်ပက်သက်၍ အလွန်အမင်း စိတ်သောကကြုံကြရသည့်နှစ်ဖြစ်သည်။ မှန်သည်ဖြစ်စေ၊ မှားသည်ဖြစ်စေ တိုက်ခိုက်ခံရမှုများကြောင့် သေကျေဒဏ်ရာအနာတရဖြစ်မှုများ ရှိနေခဲ့ရာအဆုံးတွင် လွတ်လပ်လှပါသည်ဆိုသော အမေရိကန်၏ လူဝင်မှုကြီးကြပ်ရေးမူဝါဒကို ပြုပြင်ပြောင်းလဲခဲ့ရသည်။ ဒီမိုကရက်တစ်ပါတီ၏ ကာဘွန်ဓာတ်ငွေ့ထုတ်လုပ်မှု တားဆီးရေးအစီအစဉ်ကို လက်ရှိဘုရ်ှအစိုးရက သဘောမကျသော်လည်း လိုက်လျောအလျော့ပေးကာ ပြောင်းလဲပေးကောင်းပေးရမည်။ ပမာအားဖြင့် ကားများမှ ထွက်လာသော ကာဘွန်အညစ်အကြေးများနှင့် ပက်သက်၍ တင်းကြပ်သောစံများ သတ်မှတ်ရမည့် အဖြစ်မျိုးဖြစ်သည်။ အခြားပြည်တွင်းရေးကိစ္စရပ်များ၌ အလောတကြီးပြောင်းလဲရန်လိုအပ်လာနိုင်သော်လည်း သူ့လက်ထက်၌ ဘာမျှမည်မည်ရရဖြစ်မလာနိုင်။ ပမာအားဖြင့် လူဝင်မှုကြီးကြပ်ရေးနှင့် လူမှုဝန်ထမ်းကိစ္စများ၌ ဖြစ်သည်။ ယင်းအစီအစဉ်မှာ အစိုးရသစ်ပေါ်လာသည့် အခါမှသာ ဖြစ်လာမည်ဟုလူများက စောင့်ကြည့်နေကြသည်။

နိုင်ငံခြားရေးမူဝါဒ

အမေရိကန်နိုင်ငံ၏ နိုင်ငံခြားရေးမူဝါဒသည် ထင်သာမြင်သာမရှိသော်လည်း ပို၍စိတ်ဝင်စားဖွယ်ကောင်းသည်။ သမ္မတဘုရ်ှနှင့်သူ၏ နိုင်ငံခြားရေးဝန်ကြီး ကွန်ဒိုလီဇာရိုက်စ်တို့သည် ဥရောပတိုက်နှင့် အာရှတိုက်ရှိသူတို့၏ မဟာမိတ်များကြားကောင်းမွန်သော ဆက်ဆံရေးတံတား ပြန်လည်တည်ဆောက်ရန် ကြိုးပမ်းနေကြသည်။ အထူးသဖြင့် ရိုက်စ်သည် ၂၀၀၈ ခုနှစ်၌ ယင်းလုပ်ငန်းကို ရှေ့တန်းမှ နေ၍ ဆက်လက်လုပ်ဆောင်နေရပေမည်။ ယင်းတို့ဒေသတိုက်ကြီးများ တစ်ခုနှင့်တစ်ခု ဆက်ဆံရေး တိုးတက်ကောင်းမွန်လာမည့်ကိစ္စရပ်များကို စိတ်ရောကိုယ်ပါကူညီမည့်သူမှာ ပြင်သစ်သမ္မတကြီး နစ်ကိုးလပ်ဆာကိုဇီဖြစ်သည်။ ဂျာမနီနိုင်ငံအဓိပတိ အန်ဂျလာမာကဲလ်ကလည်း အမေရိကန်နှင့် ဂျာမနီနှစ်နိုင်ငံကြား ဆက်ဆံရေးကို ပြောင်းလဲပစ်လိုမည့်ပုံကို တွေ့နေရသည်။ ဥရောပ သံတမန်များမျှော်လင့်ထားသည့် အချက်တစ်ခုမှာ အမေရိကန်တို့အနေဖြင့် နိုင်ငံစုံပါဝင်သော အဖွဲ့အစည်းဖြစ်သည့် ကုလသမဂ္ဂနှင့်အတူ ဆက်လက်ကြိုးစားအားထုတ်လာမည့် ကိစ္စဖြစ်သည်။ မြောက်ကိုးရီးယားနိုင်ငံ၌ ညူလက်နက်ပြသာာနာရှင်းလင်းသွားခြင်းကြောင့် အမေရိကန်နှင့် အာရှဒေသဆက်ဆံရေး၌ အသီးအပွင့်များကို တွေ့ကြရသည်။ သို့သော် အီရတ်နှင့် အီရန်ပြသာာနာကမူ နိုင်ငံခြားရေးမူဝါဒ၌ တစ်သီးတစ်ခြားဖြစ်နေသည်။ သမ္မတဘုရ်ှသည် ယင်းကိစ္စကို ရှင်းလင်းပေးခဲ့ရသည်။ ယင်းအရပ်ဒေသ၌ ခန့်မှန်းခြေအရ တပ်ဖွဲ့ဝင်တစ်သိန်းခန့်သာ ချထားရန် သူသမ္မတတာဝန်စွန့်လွှတ်ချိန်၌ ဆုံးဖြတ်ချက်ချပေးရမည်။ ထိုနေရာ၌ တိုးတက်မှုရှိသည်ဖြစ်စေ၊ အခြေအနေဆိုးရွားသထက်ဆိုးရွားသည်ဖြစ်စေ သူ့အနေနှင့် တတ်စွမ်းသရွေ့ တားဆီးပေးရမည်။ ကွန်ဂရက်လွှတ်တော်၌ ရှိနေသော ဒီမိုကရက်တစ်ပါတီဝင် အမတ်များက ၂၀၀၇ ခုနှစ်၊ နွေရာသီ၌ ယင်းစစ်ပွဲအဆုံးသတ်ရန် အားမထုတ်နိုင်ခဲ့ပေ။ ၂၀၀၈ ခုနှစ်တွင်လည်း ပို၍အင်အားသုံးပြီး ကြိုးစားမည့်ပုံလည်း ပေါ်မလာနိုင်ပေ။ ယင်းအဓိပ်ပါယ်မှာ သမ္မတဘုရ်ှနေရာကို ဆက်ဆံမည့် မည်သူမဆို အမျိုးသမီးသမ္မတဖြစ်စေ၊ အမျိုးသားသမ္မတဖြစ်စေ၊ သမ္မတဖြစ်လာမည့် သူ၏ ပထမလေးနှစ်သက်တမ်းတွင် အီရတ်နိုင်ငံ၏ ပြသာနာသည် အဆိုးဆုံးအမွေဆက်ခံရမှုဖြစ်လာသည်။ အီရန်ကိစ္စကမူ တစ်မျိုးဖြစ်သည်။ ဘုရှ်၏နောက်ဆုံးနှစ်ကာလ၌ သူမည်သို့ကိုင်တွယ်ခဲ့သနည်း။ သူ့ကိုင်တွယ်ပုံသည် အဓိကသော့ချက်ဖြစ်လာမည်။ ဘုရ်ှအစိုးရသည် နိုင်ငံပေါင်းစုံပါဝင်သော သံတမန်ချည်းကပ်နည်းဖြင့် အပြင်းအထန်ကြိုးစားအားထုတ်ခဲ့သည်။ မည်သို့မျှအကျိုးဖြစ်မလာ။ ယခုထက်တိုင်ဖြစ်နိုင်သည့် အခြေအနေပေါ်မလာ။ ထူးခြားမလာသည့်အတွက် အမေရိကန်နိုင်ငံသည် ၂၀၀၈ ခုနှစ်တွင် သူ့သဘောတစ်ခုတည်းနှင့် အားထုတ်ရတော့မည်။ ယင်းသို့သာဖြစ်လာပါက သူ့မဟာမိတ်များနှင့် ဆက်ဆံရေးသည် ထူးခြားစွာနောက်သို့ဆုတ်သွားပေလိမ့်မည်။

ပထမသက်တမ်း၌ မိမိသဘောကျ၊ နောက်သက်တမ်း၌ မူဝါဒ

အမေရိကန်ပြည်တွင်း၌ပင် လူအနည်းငယ်ခန့်က စိတ်ဝင်စားမှုရှိသည်။ ၂၀၀၈ ခုနှစ် သမ္မတရွေးချယ်ပွဲအတွက် နိုင်ငံရေးလှုပ်ရှားမှုများဖြင့် စခန်းသွားနေလိမ့်မည်။ ဒီမိုကရက်တစ်တို့သည် ဆီးနိတ်လွှတ်တော်အတွင်း၌ အမတ်အများစုရထားသည့် လက်ရှိအခြေအနေကို ကျော်လွန်သွားအောင် ဆောင်ရွက်နိုင်မည်မဟုတ်ပေ။

လုပ်ငန်းစဉ်မတူသော အဆင့်နှစ်ခုကို ဖြတ်ကျော်ရတော့မည်။ လာမည့်နှစ်၏ ပထမပိုင်းလများ၌ သမ္မတရွေးကောက်ပွဲ ပဏာမအခြေခံအဆင့်အတွက် ဆောင်ရွက်နေခြင်းဖြင့် အချိန်ကုန်ဆုံးသွားမည်။ ယင်းကာလဆောင်ရွက်မှုများသည် မူဝါဒထက်ပုဂ္ဂိုလ်ရေးရာထိုးနှက်ချက်များအကြောင်းနှင့်သာ အချိန်ကုန်ဆုံးမည်။ ထို့နောက် သက်ဆိုင်ရာပါတီက သမ္မတလောင်းအတွက် နောက်ဆုံးရွေးချယ်မှု အဖြေထွက်လာသည့်အခါ မူဝါဒချမှတ်ရေးလည်း ရုပ်လုံးပေါ်လာမည်။ ယင်းသို့ဖြစ်ရခြင်းမှာ ပါတီအတွင်း သဘောတူညီမှုရရှိစေရန် ကြိုးစားနေရ၍ ဖြစ်သည်။ ပါတီတစ်ခုနှင့်တစ်ခုကြား မတူညီသောကွဲပြားမှုပုံသဏ္ဍာန်များကို ပီပီပြင်ပြင်တွေ့ကြရမည်။ ဒီမိုကရက်တစ်ပါတီဝင်များအကြား၌သာ ယင်းဖြစ်ရပ်ကို တွေ့ကြရပြီး ရီပတ်ဘလီကန်ပါတီဝင်များကြား၌ တွေ့ရမည်မဟုတ်ပေ။ အဘယ်ကြောင့်ဆိုသော် သမ္မတဘုရ်ှအနေနှင့် အခွန်ကောက်မှုလျော့ချရန် ရုပ်သိမ်းရန်လို၍ဖြစ်သည်။ သို့မှလည်း မဲဆန္ဒရှင်များက ဟီလာရီကလင်တန်နှင့် ဘာရက်အိုဘားမားတို့နှစ်ဦးအမြင် တူညီမှုမရှိဘဲ များစွာခြားနားနေကြောင်း တွေ့ကြရမည်။ ဟီလာရီကလင်တန်သည် အိုဘားမားနှင့် ယှဉ်ပြိုင်လျှင် အီရတ်နိုင်ငံမှ တပ်များရုပ်သိမ်းရန်ကိစ္စကို အလွန်သတိကြီးစွာထားရန်နှင့် အီရန်ကိစ္စအပေါ်၌မူ တင်းမာသောသဘောထားရှိကြောင်း ပြရမည်။ သို့သော် ရီပတ်ဘလီကန်ပါတီက နောက်ဆုံးအဆင့်သမ္မတလောင်း ရွေးချယ်ပြီးသွားလျှင်ရွေးကောက်ပွဲ၌ အနိုင်ရရန်အတွက် ပိုမိုကွဲပြားသောအမြင်များကို ထုတ်ဖော်ရတော့မည်။ ရီပတ်ဘလီကန်ပါတီ၏ သမ္မတလောင်းများသည်လည်း ကိုယ်ကျင့်တရား။ ကိုယ်ဝန်ဖျက်ချမှုနှင့် လိင်တူချင်းလက်ထပ်မှုကိစ္စများအပေါ် အဆုံးအဖြတ်ပေးရမည်။ လာမည့်ရွေးကောက်ပွဲကာလ မဲဆွယ်ပွဲများ၌ အီရတ်ပြသာနာသည် အလွန်စိတ်လှုပ်ရှားဖွယ် ကိစ္စရပ်တစ်ခုဖြစ်သည်။ သို့သော် အထူးခြားဆုံးသော ကိစ္စရပ်မှာ ကျန်းမာရေးပြုစုစောင့်ရှောက်မှု အရေးဖြစ်ပေသည်။ အကယ်၍ ၂၀၀၈ ခုနှစ်တွင် အကြမ်းဖက်သမားများ၏ တိုက်ခိုက်မှု ကြီးကြီးမားမားတစ်ခုပေါ်ပေါက်လာပါက လုံခြုံရေးကိစ္စသည် အဓိကပြသာနာတစ်ခုဖြစ်လာကာ ရီပတ်ဘလီကန်သမ္မတလောင်းက မမျှော်လင့်ဘဲ နိုင်ကောင်းနိုင်သွားမည်ဖြစ်၏။ ထိုအချိန်၌ နိုင်ငံ၏စီးပွားရေးသည် ထူးထူးခြားခြားရပ်တန့်သွားလျှင် ဒီမိုကရက်တစ်ပါတီသမ္မတလောင်းက အနိုင်ရသွားနိုင်သည်။

ကျန်းမာရေးသည် အဓိက

အမေရိကန်နိုင်ငံရှိ မဲဆန္ဒရှင်များက သမ္မတလောင်းကို အဓိကထားရွေးချယ်သည့်ကိစ္စမှာ ကျန်းမာရေးစောင့်ရှောက်မှုအပေါ် သဘောထားဖြစ်သည်။ မဲဆန္ဒရှင်များက သိလိုကြ၊ မေးလိုကြသည်မှာ ကျန်းမာရေးစောင့်ရှောက်မှုအပေါ် ပြည်ထောင်စုအစိုးများထံမှ မည်မျှသော ငွေကြေးထောက်ပံ့မှုရမည်နည်း။ ဆိုလိုသည်မှာ US$ ဘီလီယံ ၁၀၀ မှ US$ ဘီလီယံ ၂၀၀ အထိ ပြည်နယ်အစိုးရများက သုံးစွဲမည်လော။ အမေရိကန်နိုင်ငံတွင် ပြည်သူသန်း ၅၀ တို့သည် ကျန်းမာရေးအတွက် အာမခံချက်ချို့တဲ့နေကြသည်။ ဆေးဝါးကုသမှု၌ ထောက်ပံ့ငွေလည်းမရကြ။ ကျန်းမာရေးပြုစုစောင့်ရှောက်မှုလည်း မခံရ။ အကယ်၍ ကြီးမားသော ရောဂါဘယခံစားရပါကဆိုသော ထိတ်လန့်စိုးရိမ်မှုများက သူတို့စိတ်ဝယ်အစဉ်ရှိနေသည်။ အဘယ့်ကြောင့်ဆိုသော် အချိန်မီဆေးကုသမှုမရရှိပါက သူတို့ဘဝပျက်ဖို့သာ ရှိနေတော့သည်။

ဝန်ခံချက်........ဤဆောင်းပါးကို ဈေးကွက်ဆိုဒ်မှကူးယူဖော်ပြပါသည်။