လူငယ်လူရွယ်နှင့်ကျန်းမာရေး

သွေးချို၊ ဆီးချိုနှင့် မျက်စိပြဿနာ

ဒေါက်တာအေးကျော်(ဇီဝကမ္မဗေဒ)

M.B.,B.S, D.A Psychology, Dip.Med.Sc.Gp (Family Medicine), MPA: DAE.,

သွေးချို၊ ဆီးချိုရောဂါဟာ ကောင်း စွာထိန်းချုပ်မှုမပြုနိုင်ရင် နောက်ဆက် တွဲ ဆိုးကျိုးတွေ ဖြစ်လာနိုင်တယ်လို့သိ ထားရပါတယ်။ ဘယ်လိုဆိုးကျိုးတွေ များပါလဲဆရာ။

သွေးချို၊ ဆီးချိုရောဂါဖြစ်လာရင် သွေးမှာ သကြားဓာတ်မှန်ကန်မှုရှိအောင် ထိန်းဖို့ အလွန်အရေးကြီးပါတယ်။ ဒါကို ဂရုမစိုက်မိရင် နောက်ဆက်တွဲ အရှုပ် အထွေးပြဿနာ တသီတတန်းကြီး ပေါ် လာနိုင်ပါတယ်။ ဇီဝဓာတုလက္ခဏာစု (Metabolic syndrome) ခေါ် Syn-drome X ဆိုတာဖြစ်နိုင်တယ်။ မျက်စိ ပြဿနာတွေ ကြုံလာနိုင်တယ်။ ကျောက် ကပ်ပျက်စီးသွားနိုင်ပါသေးတယ်။ ခြေ ထောက်ပြဿနာ(Diabetic Foot) ကလည်း မသေးဘူး။ ခြေထောက်ဖြတ် တောက်ပစ်ရတာမျိုးထိဖြစ်နိုင်တယ်။ အာရုံကြောနဲ့ဆိုင်တဲ့ပြဿနာတွေလည်း အများကြီးရှိသေးတယ်။ ကိုယ်ဝန်ဆောင် အမျိုးသမီးမှာ သွေးချို၊ ဆီးချိုဖြစ်ခဲ့ရင် လည်း အန္တရာယ်တွေဖြစ်လာနိုင်တယ်ဗျာ။

သွေးချို၊ ဆီးချိုရဲ့ နောက်ဆက်တွဲ အရှုပ်အထွေးပြဿနာတွေက များလှ သားဗျာ။ အဲဒီအထဲက မျက်စိနဲ့ပတ် သက်တာလေး ပြောပြပေးနိုင်မလား ခင်ဗျာ။

သွေးချို၊ ဆီးချိုကို ကောင်းကောင်း မကုရင်၊ ကောင်းကောင်းမထိန်းချုပ်နိုင်ရင် မျက်စိကွယ်သွားသည်အထိ အန္တရာယ်ရှိ တယ်။ မျက်စိမှာ အမြင်အာရုံခံလွှာ ရက်တီနာ(Retina)ဆိုတာရှိတယ်။ အာရုံကြောကလာပ်စည်းတွေ အများ အပြားရှိတယ်။ အမြင်အာရုံကိုသိနိုင်တဲ့ လက်ခံပစ္စည်း(photoreceptors)ဆိုတာ တွေလည်းပါတယ်။ သွေးချို၊ ဆီးချိုကြောင့် အမြင်အာရုံခံလွှာ ယိုယွင်းပျက်စီးသွားနိုင် ပါတယ်။ Diabetic Retinopathy လို့ ခေါ်ကြပါတယ်။

မျက်စိရဲ့ အမြင်အာရုံခံလွှာမှာ ဘယ်လိုပြောင်းလဲမှုတွေ ဖြစ်ပါသလဲ ဆရာ။

တချို့ ဝေါဟာရတွေကတော့ မြန်မာ လို အဓိပ္ပာယ်ပြန်ရာမှာ နည်းနည်းခက် တယ်ဗျာ။ ကျွန်တော်သိနားလည် သလောက်ပြောပြပေးပါမယ်။ သွေးကြော တွေမှာ အဖောင်းငယ်လေးတွေဖြစ်လာ တယ်။ Microareurysms လို့ခေါ်ပါ တယ်။ မျက်စိအမြင်အာရုံခံလွှာမှ သွေးယို စီးတာ၊ သွေးထွက်တာ Haemorrh-ages တွေ တွေ့ရနိုင်တယ်။ Exudates လို့ခေါ်တဲ့ပစ္စည်းတွေလည်းပေါ်လာတယ်။ သွေးကြောငယ်လေးတွေဟာ ပုံမှန်မဟုတ် ကြတော့ဘူး။ သွေးကြောအသစ်တွေ လည်း ဖြစ်ပေါ်လာတာ တွေ့ရနိုင်ပါသေး တယ်။ သွေးပြန်ကြောတွေကျယ်လာတာ၊ တွန့်ခေါက်လာတာတွေလည်းရှိလာနိုင်ပါ တယ်။ ဆေးပညာရှင်တွေကတော့ အဲဒီ ပြောင်းလဲမှုတွေရဲ့အခြေအနေကို သေ သေချာချာ လေ့လာရှာဖွေဖော်ထုတ်ကြရ ပါတယ်။

အဲဒီပြောင်းလဲမှုတွေကြောင့် ဘယ်လိုဝေဒနာလက္ခဏာတွေဖြစ်ပေါ် လာနိုင်ပါသလဲ သိပါရစေ။

အဓိကကတော့ အမြင်အာရုံချို့ယွင်း လာမယ်။ သိပ်ပြီး ဆိုးဝါးလာရင်တော့ မျက်စိကွယ်သွားနိုင်တယ်။

အဲဒီလိုမဖြစ်အောင် ကာကွယ်နိုင် ပါသလားဆရာ။

ရပါတယ်။ ရောဂါကို မဖြစ်ခင်က ကြိုတင်ကာကွယ်တာဟာ အကောင်းဆုံး ပါ။ အဓိက အရေးကြီးဆုံးက သွေးမှာ သကြားဓာတ် မှန်ကန်အောင် ထိန်းချုပ် ပေးဖို့ပါပဲ။ အစားအစာနဲ့ဖြစ်ဖြစ်၊ ဆေးဝါး နဲ့ပဲဖြစ်ဖြစ် အရေးကြီးဆုံးက သွေးမှာ သကြားဓာတ် မလွန်ကဲဖို့၊ အလွန်အကျွံ မတက်ဖို့။ ဒါကို ထိန်းနိုင်ရင် မျက်စိ ပြဿနာကို ကာကွယ်တာနဲ့အတူတူပါပဲ။

နောက်ပြီး အရေးကြီးတာတစ်ခုက မိမိမှာ သွေးချို၊ ဆီးချိုရောဂါရှိပြီဆိုရင် ဆေးပညာရှင်နဲ့မှန်မှန်တွေ့ဖို့၊ ညွှန်ကြား တာတွေ အတိအကျလိုက်နာဆောင်ရွက် ဖို့၊ တစ်ချိန်တည်းမှာပဲပေါ့ဗျာ မျက်စိ ဆရာဝန်နဲ့ပြသပြီး မျက်စိကိုမှန်မှန် စစ် ဆေးခံယူဖို့၊ ရောဂါကို နုစဉ်မှာ အချိန်မီ သိပြီး ကုသဖို့ လိုအပ်တယ်။ ဒါကြောင့် မကြာခဏ မျက်စိစမ်းသပ်စစ်ဆေးသင့် တယ်။ လူတစ်ယောက်မှာ အမြင်အာရုံ ဟာ သိပ်အရေးကြီးတယ်။ မျက်စိကွယ် သွားပြီဆိုရင် လူဖြစ်ရှုံးသွားရသလိုပဲ။ ဒါကြောင့်မျက်စိပြဿနာကို အထူးဂရုစိုက် သင့်တယ်ဗျာ။

မျက်စိမှာပေါ့ဆရာ၊ မျက်စိနဲ့ အမြင်အာရုံခံလွှာဟာ သွေးချို၊ ဆီးချို ကြောင့် ပျက်စီးယိုယွင်းသွားနိုင်တယ်။ မျက်စိကွယ်သည်အထိ အန္တရာယ်ရှိ တယ်။ ဒါ့အပြင် မျက်စိမှာ သွေးချို၊ ဆီး ချိုရောဂါကြောင့် ဘာတွေဖြစ်နိုင်ပါ သေးလဲဆရာ။

မျက်စိမှာ Cataract လို့ခေါ်တဲ့ တိမ် ရောဂါရှိတယ်။ အဲဒီတိမ်ရောဂါဟာလည်း သွေးချို၊ ဆီးချိုကြောင့်ဖြစ်နိုင်တယ်။ သွေး ချို၊ ဆီးချိုရောဂါရှင်တွေရဲ့ ၃ဝရာခိုင်နှုန်း မှာ မျက်စိတိမ်စွဲတာ ဖြစ်နိုင်တယ်လို့ဆိုကြ ပါတယ်။ တချို့လည်း မျက်စိတိမ်စွဲပေမဲ့ အမြင်ကွယ်လောက်အောင် မဖြစ်ကြ တော့ သတိမပြုမိဘဲလည်း နေတတ်ကြပါ တယ်။ သွေးချို၊ ဆီးချိုရောဂါမှာ ဇီဝဓာတု ဖြစ်စဉ်တွေ ပြောင်းလဲယိုယွင်းမှုကြောင့် တိမ်စွဲလာရတာလို့ သုတေသနပညာရှင် တွေကပြောခဲ့ပါတယ်။ သွေးချို၊ ဆီးချို ရောဂါကလည်းရှိ၊ အသက်ကလည်းကြီး ဆိုရင်တော့ မျက်စိတိမ်စွဲတာ ပိုဖြစ်နိုင်ပါ တယ်။ အမြင်အာရုံထိခိုက်လာရင်တော့ လူနာကလည်း သတိထားမိမယ်ဆိုရင် ဆရာဝန်ကို လာရောက်ပြသကြမှာပါ။ လေဆာကုထုံးနဲ့ပဲဖြစ်ဖြစ်၊ ခွဲစိတ်လို့ပဲဖြစ် ဖြစ် ကုသလို့ရပါတယ်။

မျက်စိပြဿနာများ မဖြစ်ရ အောင် ဆောင်ရန်၊ ရှောင်ရန်လေးများ လည်း လမ်းညွှန်ပေးပါဦးဆရာ။

ဒါကတော့ ကျွန်တော်ပြောခဲ့တဲ့ အထဲမှာလည်း ပါသွားပါပြီ။ သွေးချို၊ ဆီး ချိုဖြစ်လာရင် သွေးထဲမှာ သကြားဓာတ် မျှတအောင် အဓိကထိန်း၊ အစား အသောက်ဆင်ခြင်စား၊ သွေးနဲ့ဆီး မှန်မှန် စစ်၊ ဆရာဝန်ညွှန်ကြားတဲ့ဆေးတွေ မှန် မှန်မှီဝဲသုံးစွဲ၊ လမ်းညွှန်မှုကို အတိအကျ လိုက်နာ၊ ဒါဆိုရင် ရပါပြီဗျာ။