စတိုးဆိုင်တွင်း တီဗီကြော်ငြာ ဘယ်လောက်တွင်ကျယ်လာနိုင်မလဲ

ဦးလှမြင့်(မားကက်တင်း)

စတိုးဆိုင်ကြီးများအတွက် ဆိုင်တွင်း ရုပ်မြင်သံကြား(in-store television) ကြော်ငြာခြင်းမှာ အသေးအမွှားအရာ အဖြစ် ထား၍မရတော့ပါ။ လူသုံးကုန် ပစ္စည်းထုတ်လုပ်သည့်ကုမ္ပဏီများအပေါ် ယင်းစတိုးဆိုင်မျိုးမှာ ဆွဲဆောင်မှုပိုမိုရရှိ စေသည်။ အကြောင်းမှာ ယင်းကုမ္ပဏီများ အနေနှင့်ယင်းတို့၏ထုတ်ကုန်များကို ပိတ် မိနေသည့်ပရိသတ်သို့ တိုက်ရိုက်ကြော်ငြာ နိုင်ခြင်းကြောင့်ပင်။ လက်လီရောင်းချသူ များအနေနှင့်လည်း ယင်းတို့၏ကိုယ်ပိုင် ကြော်ငြာများနှင့် အရောင်းမြှင့်တင်မှုတို့ကို ဆောင်ရွက်ခွင့်ရရှိစေသည်။ ဆိုင်တွင်းကွန် ရက်တွင် အရင်းအနှီးပြုပြီးနောက်ပိုင်း ယင်းသည် ကြော်ငြာဝင်ငွေကောင်း ကောင်းရှိရာ အရင်းအမြစ်တစ်ခုဖြစ်လာ နိုင်ပေသည်။

သို့တိုင် စတိုးဆိုင်တွင်းရုပ်မြင်သံကြား မှာနိုင်ငံတချို့နှင့်လက်လီဆိုင်တချို့အတွက် သာ လုပ်ငန်းကောင်းမွန်သည်ကိုသာတွေ့ ရှိရသေးသည်။ ကမ္ဘာ့အကြီးဆုံး လက်လီ အရောင်းဆိုင်ဖြစ်သည့် အမေရိကမှ Wal-Mart သည် ဆန်ဖရန်စစ္စကို အခြေစိုက် ပြင်သစ်နည်းပညာကုမ္ပဏီ Premier Retail Network(PRN)ကုမ္ပဏီနှင့်ပူး ပေါင်းပြီး လွန်ခဲ့သည့် ၁ဝနှစ်မှစ၍ စတိုး ဆိုင်တွင်း ရုပ်မြင်သံကြားထုတ်လွှင့်မှုကို စတင်ခဲ့သည်။ ယင်းသည် ကမ္ဘာ့အကြီးဆုံး ကွန်ရက်ဖြစ်သည်။ အမေရိကရှိ ဆိုင်ကြီး ၃ဝဝဝကျော်တွင် တီဗီစကရင်များရှိသည်။ ကမ္ဘာ့စားသုံးကုန်ပစ္စည်းထုတ်လုပ်သည့် အကြီးဆုံးကုမ္ပဏီများဖြစ်သည့်Procter & Gamble(P&G)နှင့် ယူနီလီဗာတို့အပါ အဝင် ကုမ္ပဏီ၁၄ဝခန့်က Wal-Mart တီဗီ တွင် အခကြေးငွေပေး၍ ကြော်ငြာတင်ကြ သည်။ စတိုးဆိုင်တွင် တီဗီကြော်ငြာခြင်း က စုစုပေါင်းရောင်းရခြင်းတွင် ၂ရာခိုင်နှုန်း တိုးမြှင့်ရရှိစေကြောင်း အတိုင်ပင်ခံကုမ္ပဏီ တစ်ခု၏ စစ်တမ်းကောက်ချက်တစ်ခုမှ သိရှိရသည်။

‘ချန်နယ်’ တစ်ခုတည်းနှင့်စတင်ခဲ့ သည့် Wal-Mart သည် ယခုအခါ ချန်နယ် ခြောက်ခုရှိလာသည်။ အစားအစာ၊ အီ လက်ထရောနစ်ပစ္စည်းများနှင့်ကျန်းမာရေး ဆိုင်ရာ ထုတ်ကုန်ပစ္စည်းအကြောင်းအရာ ကို စတိုးဆိုင်၏ဌာနအသီးသီးတွင် ဧရာမ စကရင်များပေါ်တွင် ပြသသည်။ အချိန် လုနေရသည့် ဈေးဝယ်သူများ၏အာရုံစိုက် နိုင်မှုသက်တမ်းမှာတိုသည့်အလျောက် ယင်းတို့၏ပြကွက်များမှာ ပုံမှန်ရုပ်မြင်သံ ကြားနှင့်တော့ ကွာခြားသည်။ ပုံမှန်တီဗီ တွင် ၃ဝစက္ကန့် ကြော်ငြာပြကွက်သည် ရှည်လွန်းသည်။ ၅စက္ကန့်မှ ၁၅စက္ကန့်စာ ‘မက်ဆေ့ခ်ျ’ တစ်ခု၊ နှစ်ခုမျှသာရှိသည့် ကြော်ငြာပြကွက်သည် အကောင်းဆုံးဖြစ် သည်။ ကြော်ငြာချည်း တရစပ်ပြသလျှင် လည်း ဈေးဝယ်သူများကို ကြော်ငြာမှ ခွာ စေသည်။ ထို့ကြောင့် ကြော်ငြာများနှင့် ဖျော်ဖြေရေး၊ မိုးလေဝသခန့်မှန်းချက်များ၊ ချက်ပြုတ်နည်းပြကွက်များကို ကြားညှပ် တင်ဆက်သည်။ တစ်ခါလာရောက်လျှင် ဖောက်သည်က ယင်းအစီအစဉ်ကို ပျမ်းမျှ တစ်မိနစ်စာမျှ ကြည့်ရှုသည်ဟုဆိုသည်။ အသံကျယ်လျှင် ဖောက်သည်များက စိတ် တိုတတ်သည့်အတွက် ဆိုင်တွင် လူပါး သည့်အခါ အသံကို တိုးပေးထားရသည်။

ဗြိတိန်တွင် စတိုးဆိုင်တွင်းကွန်ရက် ကို ကမ္ဘာ့တတိယအကြီးဆုံး လက်လီ ဆိုင်လုပ်ငန်းဖြစ်သည့် Tesco က တည် ဆောက်သည်။ စဦးအခြေအနေ၌သာရှိ သေးသည်။ ၂ဝဝ၄ခုနှစ်တွင် ပြင်သစ် ကြော်ငြာကုမ္ပဏီတစ်ခုနှင့်ပူးပေါင်းပြီး ပျော်ပွဲရွှင်ပွဲများဖြင့် စခဲ့သည့် Tesco သည် ကြော်ငြာမည့်သူ များများစားစား မရရှိသည့်အတွက် လုပ်ငန်းပျက်လုဖြစ်ခဲ့ရ သည်။ သို့သော် ၂ဝဝ၆ခုနှစ်တွင် ဗြိတိသျှ မားကက်တင်းကုမ္ပဏီတစ်ခု၏ အကူအညီ ဖြင့် ယင်းလုပ်ငန်းကို တစ်ဖန်ပြန်စတင် သည်။ ‘Tesco TV’ ကို ယင်း၏စူပါမား ကက် ၁ဝဝတွင် စတင်သည်။ တီဗီစကရင် ပေါ် ပြကွက်နှင့် စတိုးဆိုင်တွင်း ရောင်း အားမြှင့်တင်ခြင်းတို့ကို ပိုမိုဆက်စပ်ထား သည့်အတွက် တချို့ထုတ်ကုန်ပစ္စည်း ရောင်းချရမှုမှာ ၂၅ရာခိုင်နှုန်းအထိ ပိုမို တိုးတက်လာကြောင်းဆိုသည်။

စတိုးဆိုင်တွင်းတီဗီကြော်ငြာပြသ ခြင်းမှာ ထွက်ပြူစဈေးကွက်များ(Emerg-ing Markets) တွင် မျှော်လင့်ချက်အကြီး မားဆုံးရှိနေသည်။ အကြောင်းမှာ ယင်း ဈေးကွက်များအတွင်းရှိ စားသုံးသူများ သည် ချမ်းသာသည့်နိုင်ငံများရှိ စားသုံးသူ များထက် စားသုံးကုန်ဝယ်ယူရာတွင် အမှတ်တံဆိပ်အပေါ် ပို၍အာသာပြင်းပြမှု ရှိခြင်းကြောင့်ဖြစ်သည်။ PRN က ၎င်း သည် ကမ္ဘာ့ဒုတိယအကြီးဆုံးလက်လီ အရောင်းဆိုင်ကုမ္ပဏီကြီးဖြစ်သည့် Car-refour အား ဘရာဇီးနိုင်ငံအတွင်းရှိ Car-refour ပိုင် ဟိုက်ပါမားကက်အားလုံးကို ကြော်ငြာတီဗီများဖြင့် တပ်ဆင်ရန်စီစဉ် နေကြောင်း ပြီးခဲ့သည့် နိုဝင်ဘာလက ထုတ်ဖော်ပြောကြားသည်။ ပိုလန်နိုင်ငံရှိ Carrefour ဆိုင် အားလုံးမှာ ဆိုင်တွင်း ကြော်ငြာတီဗီများတပ်ဆင်ပြီးဖြစ်သည်။ တရုတ်နိုင်ငံတွင် ဒေသခံကုမ္ပဏီဖြစ်သည့် Focus Media က လက်လီဆိုင်လောက ရှုခင်းကို ဧရာမကြော်ငြာတီဗီများဖြင့် နေရာချ ပုံဖော်နေသည်။

ဆိုင်တွင်းကြော်ငြာတီဗီထားရှိသည့် လုပ်ငန်းမော်ဒယ်မှာ တစ်နေရာနှင့်တစ် နေရာ မတူချေ။ တစ်ခါတစ်ရံ(ပမာအား ဖြင့် PRN လိုမျိုး)ကုမ္ပဏီစကရင်များ အတွက် အကုန်အကျခံသည်။ ကြော်ငြာ ကွက်များကို ရောင်းချပြီး ဝင်ငွေအများစု ကို အိတ်ထဲထည့်သည်။ အနည်းစုဝင်ငွေ သာ လက်လီဆိုင်သို့ရောက်ရှိသည်။တစ်ခါ တစ်ရံတွင်တော့ လက်လီဆိုင်သမားက စကရင်များအတွက် အကုန်အကျခံပြီး ယင်းတို့ကိုလုပ်ကိုင်မည့်သူကို ငှားရမ်းပြီး ဝင်ငွေကို ၎င်းကိုယ်တိုင်က ရယူသည်။ ဆိုင်တွင်းကြော်ငြာတီဗီကွန်ရက်ထားရှိခြင်း မှာ လက်လီဆိုင်ကြီးများအတွက် ပို၍ အဓိပ္ပာယ်ရှိသည်ဟု ဝေဖန်သူတစ်ဦးက ထောက်ပြသည်။ အကြောင်းမှာ စကရင် များကိုတပ်ဆင်ရသည့်စရိတ်(ဆိုင်တစ်ဆိုင် လျှင် သာမန်အားဖြင့် ဒေါ်လာ၎ဝဝဝခန့် ကျသည်)နှင့် အကြောင်းအရာကို အမြဲ ဆန်းသစ်အောင် လုပ်ဆောင်ရသည့်စရိတ် မြင့်မားမှုကြောင့်ဖြစ်ကြောင်းဆိုသည်။ သည့်အပြင် ဆိုင်ခွဲများသည့်လက်လီဆိုင် လုပ်ငန်းကြီးများအနေဖြင့် နေရာများများ တွင် စကရင်များများချပေးနိုင်ခြင်းကြောင့် ကြော်ငြာမည့်သူများကို ပိုမိုဆွဲဆောင်အား ရှိသည်။

စတိုးဆိုင်တွင်းကြော်ငြာတီဗီ အောင် မြင်မှုမှာ စားသုံးကုန်ပစ္စည်းထုတ်လုပ်သူ များ၏ကြော်ငြာကွက်များဝယ်ယူလိုသည့် ဆန္ဒအပေါ် မူတည်နေသည်။ ကြော်ငြာ ရှင် ၈ဝရာခိုင်နှုန်းမှာ သူတို့၏ကြော်ငြာများ ကို နောက်ထပ်ကြော်ငြာကြသော်လည်း သူတို့၏လုပ်ဆောင်ချက်အပေါ် အပြည့် အဝယုံကြည်အားထားပုံမရသေးကြပါ။ P&G မှ ပေါလ်ဖောက်စ်ဆိုသူက ယခုမီဒီ ယာအသစ်အတွက် အဆုံးအဖြတ်ပေးရန် မှာ စောလွန်းနေသေးကြောင်းဆိုသည်။ ဆိုင်တွင်းကြော်ငြာတီဗီက ပိုမိုကျယ်ပြန့် သည့်မားကက်တင်းအရော(Marketing mix)နှင့် ဘယ်နည်းဘယ်ပုံ အံဝင်မှုရှိနိုင် သည်ကို ကုမ္ပဏီဘက်မှ အသေအချာ မသိရှိသေးပါ။ သို့သော် တစ်စုံတစ်ရာကို ဝယ်ယူရန် ဆုံးဖြတ်ချက်ချမှု၏လေးပုံ သုံး ပုံမှာ ဆိုင်အတွင်း၌ပင် ချမှတ်ကြောင်း လေ့လာမှုများကညွှန်ပြထားသည့်အတွက် မှန်မှန်ကန်ကန်လုပ်ဆောင်နိုင်ပါလျှင် ဆိုင် အတွင်းတီဗီကြော်ငြာခြင်းသည် သီအိုရီ သဘောအရ ကြီးမားသည့်ခြားနားချက်ကို ဖော်ဆောင်နိုင်မှာဖြစ်ကြောင်းပါ။

Ref:The Economist/5-11,