လူငယ်လူရွယ်နှင့်ကျန်းမာရေး

ပန်းသေ၊ ပန်းညှိုး၊ ပန်းကြာရှည်မလန်းခြင်း

ဒေါက်တာအေးကျော်(ဇီဝကမ္မဗေဒ)

M.B.,B.S, D.A Psychology, Dip.Med.Sc.Gp (Family Medicine), MPA: DAE.,

ဆရာခင်ဗျာ၊ အမျိုးသားများနဲ့ပတ် သက်တဲ့ကိစ္စတစ်ခုကို ပွင့်ပွင့်လင်းလင်း မေးမြန်းခွင့် ပြုစေချင်ပါတယ်။

ဘာအကြောင်းများပါလိမ့်၊ ကျွန် တော်သိထားတာဆိုရင် ဖြေကြားပေး ပါမယ်။

ဒီလိုပါဆရာ။ ပန်းသေ၊ ပန်းညှိုး ခြင်းဟာ လူငယ်လူရွယ်မှာရော ဖြစ်နိုင် ပါသလား။ ကျွန်တော် ထင်မိတာ ကတော့ လူကြီးတွေမှာသာ ဖြစ်တာလား လို့ပါ။

ပန်းသေ၊ ပန်းညှိုး၊ ပန်းကြာရှည် မလန်းတဲ့ပြဿနာဟာ လူကြီးတွေမှာ အဖြစ်များတာမှန်ပေမဲ့ လူငယ်တွေမှာ လည်း ဖြစ်နိုင်ပါတယ်။ အမျိုးသားများ အားလုံးရဲ့ ၁ဝရာခိုင်နှုန်းမှ ၁၅ရာခိုင်နှုန်း ထိ ပန်းသေ၊ ပန်းညှိုးပြဿနာရှိနေတတ် ကြပါတယ်။ အသက်အရွယ်ကြီးလာရင် တော့ ဖြစ်နှုန်းပိုများလာတာပေါ့။ အသက် ၄ဝအရွယ်မှာ ၄ဝ ရာခိုင်နှုန်းရှိပြီး အသက် ၇ဝ ရောက်ရင်တော့ ၇ဝရာခိုင်နှုန်းလောက် ထိ များလာတာတွေ့ရနိုင်ပါတယ်။ တစ် ကမ္ဘာလုံး အတိုင်းအတာနဲ့ပြောရရင် အမျိုးသား သန်း၁ဝဝလောက်မှာ ပန်း သေ၊ ပန်းညှိုး၊ ပန်းကြာရှည်မလန်းတဲ့ ပြဿနာရှိနေကြတယ်။

ပန်းသေ၊ ပန်းညှိုးဖြစ်ရခြင်း အကြောင်းလည်း သိပါရစေဦးဆရာ။

အဓိကအကြောင်းရင်းက ငါးမျိုးပါ။ တစ်မျိုးစီမှာတော့ ထပ်ကြည့်ရင် အများ ကြီးတွေ့ရနိုင်ပါတယ်။ ပထမတစ်မျိုးက သွေးလွှတ်ကြောဆိုင်ရာ ပြဿနာပါ။ အဲဒီ သွေးလွှတ်ကြောဆိုင်ရာပြဿနာဖြစ်နိုင် တာတွေ လေ့လာကြည့်ရင် သွေးချို၊ ဆီး ချိုရောဂါ၊ သွေးတိုးရောဂါ၊ သွေး၌ ကို လက်စထရောများခြင်း၊ ဆေးလိပ်သောက် ခြင်း စတာတွေတွေ့ရနိုင်ပါတယ်။ ဒါကို ပြန်ရှင်းပြရရင် ဥပမာပေါ့ဗျာ၊ ဆေးလိပ် သောက်လို့ သွေးလွှတ်ကြောတွေ ယိုယွင်း မယ်။ ဒါကြောင့် ပန်းသေ၊ ပန်းညှိုးဖြစ် နိုင်တယ်။

ဒုတိယတစ်မျိုးက အာရုံကြောနဲ့ဆိုင် တဲ့ပြဿနာတွေပေါ့ဗျာ။ ထိခိုက်ဒဏ်ရာ ရတာ၊ သွေးချို၊ ဆီးချိုရောဂါခံစားရတာ၊ အရက်အလွန်အကျွံသောက်တာ၊ ဝမ်းဗိုက် အောက်ပိုင်းခွဲစိတ်တာ၊ အာဟာရချို့တဲ့ တာ စတာတွေကြောင့် အာရုံကြောထိခိုက် ယိုယွင်းရင်လည်း ပန်းသေ၊ ပန်းညှိုးဖြစ်နိုင် တာပဲပေါ့။

တတိယတစ်မျိုးက စိတ်ပိုင်းဆိုင်ရာ ပြဿနာတွေပါ။ စိတ်ပူပင်သောက ဝေဒနာ(Anxiety disorder)ပေါ့။ နောက် တစ်မျိုးက စိတ်ကျဝေဒနာ(Depres-sion)။ ဒါတွေဖြစ်ရင်လည်း ပန်းသေ၊ ပန်း ညှိုး ဖြစ်နိုင်ပါတယ်။

စတုတ္ထတစ်မျိုးကတော့ ဟော်မုန်း ပြောင်းလဲမှုကြောင့်ဖြစ်တဲ့ ပန်းသေ၊ ပန်း ညှိုးပါ။ အဓိကအနေနဲ့က အမျိုးသားလိင် ဟော်မုန်း(Male Sex hormone)ဖြစ်တဲ့ တက်စတိုစတီရုန်း(Testosterone)နည်း လို့ဖြစ်တာပါ။ အသက်အရွယ်ကြီးလာရင် တက်စတိုစတီရုန်း လျော့နည်းလာပြီး ပန်း သေ၊ ပန်းညှိုးဝေဒနာ ပိုမိုဖြစ်လာနိုင်ပါ တယ်။ ပရိုလက်တင်(Prolactin)ဟော် မုန်းများရင်လည်း ပန်းသေ၊ ပန်းညှိုးဖြစ် တတ်ပါသေးတယ်။

အမျိုးသားလိင်ဟော်မုန်းကတော့ ကြားဖူး၊ သိဖူးပါတယ်ဆရာ။ အခု ဆရာပြောတဲ့ ပရိုလက်တင်ဟော်မုန်း အကြောင်း သိချင်ပါသေးတယ်။

ပရိုလက်တင်ဆိုတာက ဦးနှောက်ရဲ့ အောက်ခြေမှာရှိတဲ့ ပီကျူထရီဆိုတဲ့>ပန်မဲ့ ဂလင်းကထွက်တာပါ။ အမျိုးသမီးတွေမှာ တော့ နို့ရည်တည်ဆောက်ထုတ်လုပ်မှုနဲ့ ဆိုင်ပါတယ်။ အမျိုးသားတွေမှာ ပရိုလက် တင်ရဲ့အာနိသင် အတိအကျမသိနိုင်သေး ပါဘူး။ ဒါပေမဲ့ တစ်စုံတစ်ခုသော အကြောင်းကြောင့် ခန္ဓာကိုယ်မှာ ပရိုလက် တင်ဟော်မုန်းများလာရင် အမျိုးသားတွေ မှာ ပန်းသေ၊ ပန်းညှိုး၊ ပန်းကြာရှည်မလန်း နိုင်တဲ့ပြဿနာဖြစ်နိုင်ပါတယ်။

နောက်ဆုံးတစ်ချက်ကတော့ ဆေး ဝါးမှီဝဲခြင်းပါ။ တချို့ဆေးဝါးတွေကို ကြာ ရှည်မှီဝဲရင် ပန်းသေ၊ ပန်းညှိုး ဖြစ်နိုင်ပါ တယ်။ ဥပမာ- သွေးတိုးရောဂါရှိလို့ သွေး ကျဆေး ကြာရှည်သောက်တဲ့အခါ ပန်း သေ၊ ပန်းညှိုးဖြစ်နိုင်ပါတယ်။ စိတ်ကျ ဝေဒနာအတွက် ဆေးဝါးများဟာလည်း ပန်းသေ၊ ပန်းညှိုးဖြစ်စေတတ်ပါတယ်။ ဒီနေရာမှာ တစ်ခုသတိပြုစရာအချက်က စိတ်ကျဝေဒနာကိုယ်တိုင်က ပန်းသေ၊ ပန်း ညှိုးဖြစ်နိုင်သလို စိတ်ကျဝေဒနာကုသတဲ့ ဆေးဝါးတွေကလည်း ပန်းသေ၊ ပန်းညှိုး ဖြစ်စေနိုင်တယ်ဆိုခြင်းပါပဲ။

ပန်းသေ၊ ပန်းညှိုးခြင်းကို ဘယ်လို များကုသနိုင်ပါသလဲ ဆရာ။

ကုသနည်းကတော့ အမျိုးမျိုးရှိတယ် လို့ ဆိုရမှာပါ။ ပထမဦးဆုံးကတော့ ပန်း သေ၊ ပန်းညှိုး၊ ပန်းမလန်းတာ ဘာကြောင့် ဖြစ်တာလဲဆိုတဲ့အကြောင်း ဇာစ်မြစ်ကို ရှာဖွေဖော်ထုတ်ဖို့ဖြစ်ပါတယ်။ ဇာစ်မြစ်ကို ဖယ်ရှားပစ်ဖို့က အရေးကြီးဆုံးပါ။ ပန်း သေ၊ ပန်းညှိုးဝေဒနာကိုဖြစ်စေတဲ့ဇာစ်မြစ် ကို ဖယ်ရှားပစ်နိုင်ရင် အကောင်းဆုံးဆို ပေမဲ့ ပန်းသေ၊ ပန်းညှိုးခြင်းကို ပုံမှန်ပြန် လည်လန်းဆန်းအောင် ပြုလုပ်ပေးနိုင်ပါ သေးတယ်။

သောက်ဆေးတွေရှိပါတယ်။ ဆေး ဝါးများကို ဈေးကွက်မှာ အလွယ်တကူ ဝယ်ယူရနိုင်ပါတယ်။ လွယ်လွယ်ရပေမဲ့ မိမိသဘော၊ မိမိဆန္ဒနဲ့တော့ မသောက် သုံးကြစေချင်ဘူး။ မိမိရဲ့မိသားစုဆရာဝန်နဲ့ အရင်တိုင်ပင်သင့်တယ်လို့ပြောချင်ပါတယ်။

ဆေးပညာမှာတော့ MUSE (Medicated Urethral Suppository for Erection)ခေါ်တဲ့ ဆီးလမ်းကြောင်း ထည့်သွင်းတဲ့ဆေးလည်းရှိသေးတယ်။ လိင်တံရဲ့ကာဗာနိုဆဲလ်အတွင်း ထိုးသွင်း တဲ့ဆေးတွေလည်းရှိပါတယ်။

အခြားကုသနည်းတွေများ ရှိပါ သေးသလား သိပါရစေဦး။

လိင်တံထဲကို သွေးဝင်စီးဆင်းမှုများ အောင် ပြုလုပ်တဲ့ Vacuum Constri-ction Devices ဆိုတာလည်း ရှိပါတယ်။ လိင်တံက သွေးအထွက်ကို လျော့နည်း စေပြီး သွေးဝင်စီးဆင်းမှုများအောင် ထိန်း ထားတဲ့နည်းပါ။ ဟော်မုန်းအစားထိုးကုသ ခြင်း(Hormone therapy)ဆိုတာလည်း ရှိပါသေးတယ်။ ပန်းသေ၊ ပန်းညှိုးခြင်းကို ခွဲစိတ်ကုသနည်းနဲ့လည်း ကုသနိုင်ပါတယ်။

ဆရာပြောပြတဲ့ ကုထုံးတွေထဲမှာ ဘယ်ကုထုံးက အကောင်းဆုံး ဖြစ်ပါ သလဲ ဆရာ။

ဘယ်ကုထုံးကောင်းတယ်ဆိုပြီး ပြော ဖို့ခက်ပါတယ်။ လူတစ်ဦးချင်းစီပေါ်မှာ မူတည်ပါတယ်။ မိမိနဲ့သင့်တော်ရာ ကုထုံး ကအကောင်းဆုံးဖြစ်ပါတယ်။ ဒီလူတစ် ယောက်ဟာ ဒီကုထုံးကောင်းပေမဲ့ အခြား လူအတွက် ကောင်းချင်မှ ကောင်းနိုင်မှာ ပါ။ ဒါကြောင့် ကုသမှုအပိုင်းနဲ့ပတ်သက် ရင် ဆရာဝန်များရဲ့အကူအညီ ရယူဖို့လို အပ်ပါတယ်။ ပန်းသေ၊ ပန်းညှိုးဝေဒနာ ကုသရာမှာ စိတ်ကျန်းမာရေးဆရာဝန်၊ စိတ်ပညာရှင်နဲ့ နှစ်သိမ့်ဆွေးနွေးပညာပေး သူများ(တချို့နိုင်ငံမှာတော့ Sex thera-pist) ရဲ့ အကူအညီလည်း လိုအပ်နိုင် ပါတယ်။