အိပ်မက်ကို အကောင်အထည်ဖော်ခဲ့သူတစ်ဦး

သူရထိုက်

လူတိုင်းမှာ အိပ်မက်တွေရှိခဲ့ကြပါ တယ်။ ကျွန်တော်တို့တစ်တွေ ငယ်ရွယ်စဉ် ကလေးဘဝမှာလည်း အိပ်မက်တွေ ရှိခဲ့ မှာပါ။ ဆရာဝန်ကြီးဖြစ်ဖို့၊ အင်ဂျင်နီယာ ကြီးဖြစ်ဖို့ စသဖြင့် တစ်ခုခုပေါ့။

အိပ်မက်ဆိုတာက အမျိုးမျိုးပါ။ သွေးလေချောက်ချားလို့မက်တဲ့အိပ်မက်၊ ဆောင်းတွင်းအိပ်မက် ကယောက်ကယက် စတဲ့ အိပ်မက်မျိုးတွေလည်းရှိတတ်ပါသေး တယ်။ အခု ကျွန်တော်ဆိုလိုချင်တဲ့ အိပ် မက်က ကပေါက်တိကပေါက်ချာမက်တဲ့ အိပ်မက်မျိုးကို ဆိုလိုတာမဟုတ်ပါဘူး။ ဖြစ်ကိုဖြစ်လာမယ့် နိမိတ်ပြအိပ်မက်မျိုးကို ဆိုလိုတာပါ။

ဒီကမ္ဘာပေါ်မှာရှိတဲ့လူတိုင်းဆီမှာ အိပ်မက်တွေရှိကြပါတယ်။ အဲဒီအိပ်မက် ထဲမှာ သူတို့ရဲ့အနာဂတ်အတွက် စီမံကိန်း တွေလည်း ရှိကောင်းရှိနိုင်ပါတယ်။

ကိုယ့်ရဲ့အိပ်မက်ကို အကောင် အထည်ဖော်ခဲ့တဲ့ဆရာဝန်တစ်ဦးရဲ့ အကြောင်းကို တစ်ဆင့်တင်ပြပါရစေ။ အဲဒီဆရာဝန်က စင်ကာပူနိုင်ငံမှာ စွန့်ဦး တီထွင်သူဆုကို ပေးအပ်ခြင်းခံခဲ့ရပါတယ်။ အဲဒီဆရာဝန်ရဲ့အိပ်မက်ကတော့ သား သမီးမွေးဖွားတဲ့ အမျိုးသမီးလူနာတွေ အတွက် သက်သောင့်သက်သာဖြစ်စေတဲ့ ဆေးရုံတစ်ခုဖြစ်ပေါ်စေခြင်းပါပဲ။

သားဖွားမီးယပ်ဆရာဝန်တစ်ဦးဖြစ် တဲ့ ဒေါက်တာချန်ဝေချန်းဟာ ၁၉၆ဝ ပြည့်နှစ်များဆီက ဆေးရုံအမျိုးမျိုးမှာ စင်ကာပူအမျိုးသမီးတွေမီးဖွားတဲ့အခါ တွေ့ကြုံရပုံတွေကို မျက်ဝါးထင်ထင်တွေ့ခဲ့ ရတယ်။ အဲဒီအချိန်က ရရှိခဲ့တဲ့အတွေ့ အကြုံတွေကို အခြေခံပြီး ဒေါက်တာချန် ဝေချန်းဟာ မီးဖွားမယ့်လူနာတွေအတွက် သက်သောင့်သက်သာရှိတဲ့၊ အဆင်ပြေ ချောမွေ့စေတဲ့နေရာဝန်းကျင်ကို ဖန်တီး ပေးဖို့ ဆုံးဖြတ်ချက်ချခဲ့ပါတယ်။ အဲဒီစိတ် ကူးအကြံဉာဏ်ယူဆချက်ကြောင့်Thom-son ဆေးဝါးကုသမှုဌာနကို ၁၉၇၉ ခုနှစ် မှာ စတင်ဖွင့်လှစ်ခဲ့တယ်။ တိုတောင်းတဲ့ အချိန်အတွင်းမှာပဲ အောင်မြင်မှုရခဲ့တယ် လို့ ဒေါက်တာချန်ဝေချန်းက ဆိုပါတယ်။ အသက် ၇၆နှစ်ရှိပြီဖြစ်တဲ့ ဒေါက်တာချန် ဝေချန်းဟာ အဲဒီဆေးရုံမှာ အလုပ်အမှု ဆောင်ဥက္ကဋ္ဌအဖြစ် ဆောင်ရွက်လုပ်ကိုင် နေတုန်းပါပဲ။

‘KK ဆေးရုံမှာ ကျွန်တော် ကလေး ၁ဝဝကို တစ်နေ့တည်း မွေးပေးခဲ့ရတယ်’ လို့ ဒေါက်တာချန်ဝေချန်းက သူ့ရဲ့အတွေ့ အကြုံကို ပြောပြပါတယ်။

အဲဒီမှာ လူနာတွေအနေနဲ့ မလိုအပ် တာတွေ ခံစားရတာကိုလည်း သိခဲ့ရ တယ်။ မီးဖွားတဲ့ကလေးမိခင်တွေအနေနဲ့ ကြောက်ရွံ့မှုတွေ၊ မိသားစုမဆန်တဲ့ပတ် ဝန်းကျင်တွေကို ကြုံတွေ့ကြရတယ်။

သူတို့တစ်တွေအနေနဲ့ သက်သောင့် သက်သာရှိမယ့် ကလေးမွေးရတာကို နှစ် သက်စေမယ့် အနေအထားမျိုးကို ကျွန် တော်ထောက်ပံ့ပေးချင်တယ်။ အခန်းတွေ ကို ဆေးရုံတစ်ရုံက အခန်းတွေလို အနေ အထားမျိုး ဖွဲ့စည်းပြင်ဆင်မထားချင်ဘူး၊ ဟိုတယ်တစ်ခုလို ဖြစ်ရမယ်။

ဘယ်နေရာမှာများ ကလေးမွေးတဲ့ မိခင်တွေက သူတို့ရဲ့အခန်းထဲကနေ လို ချင်တာ မှာပြီး သောက်နိုင်မလဲ’

ဒီနေ့မှာတော့ ကုတင်ခြောက်ဆယ် ဆန့်တဲ့ ဒေါ်လာ ၄၆ဒသမ၅သန်းတန် စီး ပွားရေးလုပ်ငန်းတွေဖြစ်ပေါ်လာခဲ့ပါပြီ။ ဗီ ယက်နမ်၊ မလေးရှားနဲ့အင်ဒိုနီးရှားနိုင်ငံတွေ မှာလည်း ဆေးရုံတွေ၊ ကျန်းမာရေးစောင့် ရှောက်မှုစီမံကိန်းတွေ ရှိလာခဲ့ပါပြီ။ ဒါက တော့ စီးပွားရေးလုပ်ငန်းအောင်မြင်မှုနဲ့ လူ မှုရေးတာဝန်ကို ရောစပ်ပေါင်းစည်းထား တဲ့ သူ့ရဲ့လုပ်ဆောင်ချက်တွေပါ။ဒါကြောင့် သူ့ကို ‘စွန့်ဦးတီထွင် လုပ်ငန်းရှင်’ ဆု ချီးမြှင့် ခဲ့ခြင်းပဲဖြစ်ပါတယ်။

ဒေါက်တာချန်ဝေချန်းကို ဆုချီးမြှင့် တဲ့အခမ်းအနားမှာ စင်ကာပူအမျိုးသား တက္ကသိုလ်က အဖွဲ့အစည်းတွေနဲ့ တခြား သောအဖွဲ့အစည်းများတက်ရောက်ခဲ့ပြီး တက်ရောက်သူ ၈ဝဝကျော်ရှိပါတယ်။

‘grand entrepreneur’ ဆု ဆိုတဲ့ အဲဒီစွန့်ဦးတီထွင်သူဆုကို အောင်မြင်သူ တွေအထဲကမှ အထင်ရှား အကျော်ကြား ဆုံးသူတွေကို ပေးအပ်ခြင်းပဲဖြစ်ပါတယ်။

ဒေါက်တာချန်ဝေချန်းဟာ ၁၉၅၈ ခုနှစ်မှာ Malaya တက္ကသိုလ်ကနေ မီး ယပ်သားဖွားခွဲစိတ်ကုဆေးပညာဘွဲ့ ရရှိခဲ့ သူဖြစ်တယ်။ စွန့်ဦးတီထွင်အောင်မြင်မှုနဲ့ ပတ်သက်ပြီး သူပြောဆိုခဲ့တာကတော့ ဒီလိုပါ။

‘ရိုးသားမှုနဲ့အိပ်မက်တစ်ခုရှိရမယ်၊ ပြီးတော့ အဲဒီအိပ်မက်ကို မပြောင်းလဲပစ် ရပါဘူး၊ ကိုယ်သွားမယ့်လမ်းတစ်လျှောက် မှာ တွေ့ရတဲ့အခက်အခဲတွေ၊ ကျဆုံးမှုတွေ ကို ပမာမထားဘဲ အလုပ်လုပ်ရပါမယ်’

ဒေါက်တာချန်ဝေချန်းဟာ သူ့ရဲ့ သေနင်္ဂဗျူဟာအရ သေးငယ်မှုကို ဆက် လက်သိမ်းဆည်းထားဆဲဖြစ်ပါတယ်။ ဘယ်လိုပဲ ကြီးထွားတိုးတက်လာခဲ့ပေမဲ့ လည်း မွေးဖွားတဲ့ဌာနတစ်ခုမှာ ကုတင် ၁၃ဝခန့်ပဲရှိပါတယ်။

ဝန်ထမ်းတွေထဲက ၁၅ရာခိုင်နှုန်းဟာ သူလုပ်ငန်းစတင်လုပ်ဆောင်ကတည်းက ရှိနေခဲ့တဲ့သူတွေလို့ ဒေါက်တာချန်ဝေချန်း ကဆိုပါတယ်။ သူတို့တစ်တွေဟာ သူနဲ့ အတူတူ ဟိုးနှစ်ပေါင်းများစွာကတည်းက ကလေးတွေ မွေးဖွားပေးခဲ့ကြတယ်တဲ့။

အဲဒါကတော့ အိပ်မက်ကိုအကောင် အထည်ဖော်ခဲ့တဲ့ လူတစ်ယောက်ရဲ့ အကြောင်းပါပဲ။

အညွှန်း-The Straits Times Wednesday, September 5, 2007.