မြောက်ကိုရီးယားနိုင်ငံတွင် လုပ်၍ စင်ကာပူ၌ ရောင်းမည်

	ကီဆုံး (မြောက်ကိုရီးယား) စီးပွားရေး လုပ်ငန်းရှင် ကိုချစ်မန်း (Koh Chit Meng) သည် မြောက်ကိုရီးယား နိုင်ငံသို့ တစ်ကြိမ် တစ်ခါမှ မရောက်ခဲ့ဖူးပေ။ သို့သော် သူ နေထိုင်သည့် စင်ကာပူ နိုင်ငံ၏ ကုန်ပဒေသာဆိုင် များ၌ ရောင်းချမည့်
ကုန်ပစ္စည်းများကို မြောက်ကိုရီးယား နိုင်ငံမှ မှာယူ တင်သွင်း၍ ရောင်းချ နေခဲ့သည်မှာ နှစ်အတန် ကြာခဲ့ပြီ ဖြစ်သည်။
သူဝယ်ယူ ရောင်းချသည့် ကုန်ပစ္စည်း အများစုကလည်း အလူမီနီယမ်နှင့် စတီး ပစ္စည်းများချည်း ဖြစ်သည်။ အထူးသဖြင့် စတီး ခွက်၊ စတီး အိုးနှင့် စတီး ရေနွေးကရားများ ဖြစ်ပြီး ယင်း ပစ္စည်းများ အားလုံးသည် ကေဆွန်စက်မှုလက်မှု လုပ်ငန်းကို Kaesong Industrial Complex မှ ထုတ်လုပ်ခဲ့ခြင်း ဖြစ်သည်။ ကေဆွန်း စက်မှုလုပ်ငန်းသည် ကိုရီးယား နှစ်နိုင်ငံ နယ်စပ် လုံခြုံရေး အလွန် တင်းကျပ်စွာ ရှိသည့် နယ်စပ် တစ်နေရာ၌ ရှိသည်။
အသက် ၅၀ ရှိပြီ ဖြစ်သည့် Hong Kwang Entp မှ အုပ်ချုပ်မှု ဒါရိုက်တာ Koh က ပြောပြခဲ့သည်။ တရုတ်ပြည်က တချို့ ကုန်ပစ္စည်း တွေနဲ့ ယှဉ်လိုက်ရင် Kaesong စက်မှု လုပ်ငန်းက အရည်အသွေး ပိုမြင့်တယ်။
Koh သည် လွန်ခဲ့သည့် နှစ်အနည်းငယ်က ဟောင်ကောင်တွင် ပြုလုပ်သည့် ကုန်သွယ်ရေး ပြပွဲ တစ်ခု၌ တောင်ကိုရီးယား နိုင်ငံမှ ကိုယ်စားလှယ် တစ်ဦးနှင့် တွေ့ခဲ့ပြီး Kaesong လုပ်ငန်း အကြောင်းကို စတင် ကြားဖူးခဲ့ခြင်း ဖြစ်သည်။
ယင်းကုန်သွယ်ရေး ပြပွဲ၌ တောင်ကိုရီးယား နိုင်ငံ စက်မှု လုပ်ငန်းများမှ ကုမ္ပဏီပေါင်း ၅၀၀ ကျော်တို့ ပါဝင်ပြသ ခဲ့ကြသည်။ Koh သည် ယင်းပြပွဲမှ ကုန်ပစ္စည်းများကို သဘောကျ၍ Kaesong ကုန်များကို တင်သွင်းကာ ရောင်းချခဲ့သည်။
Koh သည် နှစ်စဉ် နှစ်တိုင်း ကွန်တိန်နာ နှစ်လုံးဖြင့် ပစ္စည်းများ ၀ယ်ယူကာ ရောင်းချလေ့ ရှိ၏။ ယင်း ပစ္စည်းများနှင့် အလားသဏ္ဍာန်တူ ပစ္စည်းများကို ဥရောပ၊ တရုတ် (တိုင်ပေ) နှင့် ဟောင်ကောင်ကျွန်း များမှ မှာယူ တင်သွင်းသည်ထက် ၁၀ ရာခိုင်နှုန်း သက်သာသည်။ ထို့ပြင် ယင်းပစ္စည်း များနှင့် ပတ်သက်၍ စားသုံးသူများ ထံမှ မည်သို့သော မကျေနပ်မှု အပြစ်တင်မှုများမှ မရရှိခဲ့ပေ။
Kaesong စက်မှုလုပ်ငန်းရှိ လုပ်သားများ၏ လုပ်ခ လစာမှာ အလွန် နည်းသည်။ ထို့ကြောင့် Kaesong လုပ်ငန်း ထုတ်ကုန် ပစ္စည်းများ၏ ဈေးမှာ သက်သာနေခြင်း ဖြစ်၏။
မြောက်ကိုရီးယားနိုင်ငံ စက်ရုံ လုပ်သားများ၏ တစ်လ ၀င်ငွေမှာ အမေရိကန် ဒေါ်လာ ၇၀ သာ ရကြသည်။ တောက်ကိုရီးယား နိုင်ငံ လုပ်ငန်းတူ လုပ်သားများထက် ဆယ်ပုံတစ်ပုံပင် မရကြပေ။
Kaesong လုပ်ငန်းကို တောက်ကိုရီးယား နိုင်ငံက ငွေကြေး၊ ကုန်ကြမ်းနှင့် ကုန်ထုတ်လုပ်မှု နည်းပညာများ တာဝန်ယူပြီး၊ မြောက်ကိုရီးယား နိုင်ငံက မြေနေရာနှင့် လုပ်ခ သက်သာသော အလုပ်သမားများ ပံ့ပိုး၍ လုပ်ကိုင်နေခြင်း ဖြစ်သည်။
စင်ကာပူနိုင်ငံမှ ကုန်သည် Koh သည် လုပ်ငန်း အစည်းအဝေးများ၌ ဖောက်သည်များ မှာယူသည့် အရောင်၊ အရွယ်၊ အသုံးပြုသော ပစ္စည်း အမျိုးအစားမှ စ၍ အသေးစိတ် တင်ပြလေ့ ရှိသည်။
“တရုတ်နိုင်ငံမှာဆိုရင် သူတို့ လိုချင်တဲ့ အရောင်နဲ့ ဒီဇိုင်းက အစ အသေးစိပ်နဲ့ အရေအတွက် အနည်းဆုံးကိုပဲ ပြောကြတယ်။ Kaesong လုပ်ငန်း ကတော့ သူတို့ဘက်က အကောင်းဆုံး မဖြစ်၊ ဖြစ်အောင် လုပ်ပေးတယ်”
ပစ္စည်းများ၏ ဈေးနှုန်းတွင်လည်း Kaesong လုပ်ငန်းက ပို၍ သက်သာသည်။ ၁.၂ လီတာ ရေနွေးအိုး တစ်လုံးလျှင် Kaesong လုပ်ငန်းမှ ရောင်းဈေးမှာ စင်ကာပူ ဒေါ်လာ ၂၀ သာ ဖြစ်သော်လည်း တောင်ကိုရီးယား နိုင်ငံမှ ထုတ်လုပ်ပါက ဒေါ်လာ ၃၀ ပေးရတတ်သည်။
ဝယ်ယူ သုံးစွဲသူများ အနေဖြင့် ယင်းပစ္စည်း နှစ်ခု၌ ခြားနားမှု မရှိကြောင်း မည်သို့မှ မပြောနိုင်၊ မြောက်ကိုရီးယား နိုင်ငံမှ ထုတ်လုပ်သော ကုန်ပစ္စည်း များသည် ထုပ်ပိုးမှု သေသပ် လှပသည်။ အရောင်အသွေး စုံသည်။ ဂျပန် နိုင်ငံထုတ် ပစ္စည်းများနှင့် မခြားနားလှပေ။
Koh ရောင်းချနေသော Kaesong ပစ္စည်းများကို နာမည်ကြီး ကုန်တိုက်ကြီးများ၏ စင်ပေါ်၌ ကိုရီးယား နိုင်ငံမှ ပြုလုပ်သည် Made in Korea ဆိုသော စာတန်း ရိုက်နှိပ်ထား၏။
စင်ကာပူ နိုင်ငံသည် Kaesong ထုတ်ကုန် ပစ္စည်းများကို ပထမဦးဆုံး အသိအမှတ် ပြုသော နိုင်ငံ ဖြစ်သည်။ တောက်ကိုရီးယား နိုင်ငံထုတ် ပစ္စည်းအဖြစ် လက်ခံကာ ၂၀၀၅ ခုနှစ်တွင် လွတ်လပ်သော ကုန်သွယ်ရေး သဘော တူညီမှု FTA အရ လက်ခံခဲ့၏။
အမေရိကန် နိုင်ငံ အပါဝင် အခြားသော နိုင်ငံများနှင့်လည်း တောက်ကိုရီးယား နိုင်ငံသည် ကုန်သွယ်ရေး သဘောတူညီမှု ရခဲ့၍ Kaesong ပစ္စည်းများ တင်ပို့ နိုင်ခဲ့သည်။ စင်ကာပူ နိုင်ငံမှ လက် တစ်ဆုပ်စာသော ကုမ္ပဏီများက Kaesong လုပ်ငန်းမှ ထုတ်လုပ်သော အ၀တ် အထည်များ တင်သွင်းကာ ရောင်းချခဲ့သည်။
လွန်ခဲ့သည့် လက စင်ကာပူ နိုင်ငံတွင် ကျင်းပခဲ့သည့် ကိုရီးယားနိုင်ငံထုတ် ပစ္စည်းများ ပြပွဲတွင် တောင်ကိုရီးယား နိုင်ငံမှ ဖက်ရှင် ကုမ္ပဏီ တစ်ခု ဖြစ်သော J.Fashion Corp က ခေတ်မီ လှပသော ခြေအိတ်ပုံစံ အမျိုးမျိုးကို ပြသခဲ့သည်။ ယင်းပစ္စည်းများ အားလုံးသည် Kaesong လုပ်ငန်း ထုတ်ကုန် ပစ္စည်းများချည်း ဖြစ်၏။
စင်ကာပူ နိုင်ငံအပြင် အခြားသော အရှေ့တောင် အာရှ နိုင်ငံများမှ လုပ်ငန်းရှင်များက ကားအပို ပစ္စည်းများ၊ လေဖိအားသုံး ပစ္စည်းများ ၀ယ်ယူရန် ကမ်းလှမ်းလျက် ရှိနေသည်။
ယင်းပြပွဲသည် Kaesong လုပ်ငန်း၏ နိုင်ငံတကာ အဆင့် ပြပွဲများတွင် ဒုတိယ အကြိမ် ပြသခြင်း ဖြစ်ပြီး စောစောပိုင်း ကာလက တရုတ်နိုင်ငံ၌ ပထမဦးဆုံး ပြသ ခဲ့ဖူးသည်။
Kaesong လုပ်ငန်း၏ ဖွံ့ဖြိုးလာမှုကြောင့် ၂၀၀၀ ပြည့်နှစ်တွင် ပြုလုပ်ခဲ့သည့် ကိုရီးယား နှစ်နိုင်ငံ ထိပ်သီး အစည်းအဝေးအရ မြောက်ကိုရီးယား အလုပ်သမား နှစ်သောင်းခန့် အလုပ် ရခဲ့သည် ဆို၏။
Hyundai Asan ဆိုသည့် Hyundai Group မှ လက်ခွဲ လုပ်ငန်း တစ်ခုသည် ၂၀၀၃ ခုနှစ်မှ စ၍ ထိုနေရာ၌ ဆောက်လုပ်ရေး လုပ်ငန်းများ လုပ်ကိုင် လျက် ရှိသည်။
ယင်းနေရာသည် အခြားသော စက်မှုဇုန်များနှင့် မခြားနားလှဘဲ ၀န်ထမ်း အိမ်များ၊ စက်ရုံများဖြင့် ပြည့်နှက်နေသည်။ လူနေ အိမ်ခန်းများကမူ ၁၅ ထပ် ထက် မမြင့်ပေ။
အစိမ်းရင့်ရောင် ခြံစည်းရိုး ခတ်ထားသော ယင်း စက်မှုဇုန် အတွင်းသို့ မသက်ဆိုင်သူများ ၀င်ခွင့် မရပေ။
Stafild ဖိနပ် စက်ရုံ တစ်ခုလုံး၌ ကိုရီးယား နိုင်ငံ၏ တေးသီချင်း သံများက စက်ယန္တရား သံများ အောက်ဝယ် ပျောက်ကွယ်နေသည်။
သေသပ် လှပသော ၀တ်စုံ ၀တ်ဆင်ထားသော အလုပ်သမားများသည် စက်ချုပ်ခြင်း၊ ကော်ကပ်ခြင်းဖြင့် အားကစား ဖိနပ်များကို ချုပ်လုပ်လျက် ရှိ၏။
စက်ရုံ ကြည့်ကြပ်သူ တောင်ကိုရီးယား နိုင်ငံမှ အဆင့်မြင့် ၀န်ထမ်းများက ထိုစက်ရုံ၌ တစ်နှစ်ကြာ တာဝန် ထမ်းဆောင်ခဲ့သော်လည်း မြောက် ကိုရီးယား ၀န်ထမ်းများနှင့် အဆွေ ခင်ပွန်း ဖွဲ့၍ မရဟု ဆိုသည်။
“မြောက်ကိုရီးယား အလုပ်သမားတွေကို တောက်ကိုရီးယား တွေနဲ့ သီးခြား တွေ့ဆုံလို့ မရဘူး။ အစားအစာ စားတော့လဲ သူတို့က သပ်သပ်၊ ကျွန်မ တို့နဲ့အတူ မစားရဘူးလေ” ဟု ၀န်ထမ်း တစ်ဦးက ပြောပြ၏။
Kaesong စီးပွားရေး၏ ပထမ အဆင့်သည် ယခုနှစ် အောက်တိုဘာလ၌ ပြီးဆုံး သွားခဲ့သည်။ တတိယနှင့် နောက်ဆုံး အဆင့်သည် ၂၀၁၂ ခုနှစ် တွင် စီမံကိန်း အဆုံးသတ်မည်။ လုပ်ငန်းခွဲ ၂၀၀၀ ခန့် ရှိပြီး မြောက်ကိုရီးယား ၀န်ထမ်း ၇ သိန်းခန့် ရှိနေသည်။
ယင်းစက်မှုဇုန်၌ ဟိုတယ်၊ ဂေါက်ကွင်းနှင့် အပန်းဖြေ နေရာများ ရှိသည်။ ယခုနှစ် ဇွန်လတွင် စင်ကာပူ နိုင်ငံခြားရေး ၀န်ကြီး ဂျော့ယိုးသည် ထိုစက်မှု ဇုန်သို့ ရောက်ရှိလာပြီး ကိုရီးယား နှစ်နိုင်ငံ ပေါင်းစီး ပြီးသည်နှင့် ရင်းနှီး မြှုပ်နှံမှုများ လုပ်ငန်းသစ်များ ချဲ့ထွင်နိုင်မည်ဟု ဆို၏။
Hyundai မှ အထွေထွေ မန်နေဂျာ Byun Ha Jung က သတင်းသမားအား ပြောပြရာ၌ “ဒီနှစ်နိုင်ငံ ပူးပေါင်းသွားမယ် ဆိုရင် မြောက်ကိုရီးယားဟာ မြန်မြန်ဆန်ဆန် တိုးတက်လာပြီး ဈေးကွက် စီးပွားရေးကို နားလည် သဘောပေါက်လာမယ်” ဟု ဆိုသည်။