အင်တာနက်ကို ကြီးစိုးနေသည့် ဂူးဂဲလ်ကုမ္ပဏီကြီး

ဦးလှမြင့်(မားကက်တင်း)

လာရီပေ့ခ်ျနှင့်ဆာဂျေဘရင်းတို့ တည်ထောင်ခဲ့သည့် ဆီလီကွန်ဗယ်လီမှ ကုမ္ပဏီတစ်ခုဖြစ်သည့် ဂူးဂဲလ်(Google) သည် ယခုအခါ အင်တာနက်ကို ကြီးစိုး နေသည့် လူထုအား သူတို့လိုချင်သည့် မည်သည့်သတင်းအချက်အလက်မဆို ရ အောင် အင်တာနက်မှတစ်ဆင့် ဆောင် ကြဉ်းပေးနေသည့် ကုမ္ပဏီကြီးတစ်ခုပဲ ဖြစ်သည်။

ဂူးဂဲလ်၏ရှယ်ယာတန်ဖိုးမှာ ၁ဝနှစ် အတွင်း တဖြည်းဖြည်းချင်း မှန်မှန်တိုးတက် လျက်ရှိသည်။ အမေရိကတွင် ယင်း၏ရှယ် ယာဈေးနှုန်းသည် ၂ဝဝ၇ခုနှစ်၊ ဇူလိုင်လ အတွင်း ၆၄ရာခိုင်နှုန်းခန့်တက်ခဲ့သည်။ ယင်းပမာဏသည် ယင်း၏အနီးကပ်ဆုံး ပြိုင်ဘက် ယာဟူး(Yahoo!)ရရှိသည့်ကိန်း ဂဏန်းထက် သုံးဆခန့်ရှိသည်။ ဥရောပ၊ အိန္ဒိယနှင့်လက်တင်အမေရိက အစိတ် အပိုင်းတချို့တွင် ဂူးဂဲလ်၏ရှယ်ယာတန်ဖိုး မြင့်တက်မှုမှာ ယင်းထက်ပင် ပိုမိုမြင့်မား နေသေးသည်။ တောင်ကိုရီးယား၊ ဂျပန်၊ တရုတ်၊ ရုရှားနှင့်ချက်သမ္မတနိုင်ငံများ၌ သာ ဂူးဂဲလ်ကဒေသခံကုမ္ပဏီများနောက် ကလိုက်နေသည်။ ဂူးဂဲလ်၏ရှယ်ယာဈေး သည် ၂ဝဝ၄ခုနှစ်မှစ၍ လေးဆတက်လာ ခဲ့သည်။ ယခုအခါ ဂူးဂဲလ်၏တန်ဖိုးမှာ ဒေါ်လာ၁၆ဝဘီလျံရှိနေသည်။ ဂူးဂဲလ် တည်ထောင်ခဲ့သည်မှာ ၁ဝနှစ်သားပင် မပြည့်မြောက်သေး။ ရင်းနှီးမြှုပ်နှံမှုဘဏ် တစ်ခုက ဂူးဂဲလ်သည် ၂ဝဝ၇ခုနှစ်တွင် ဝင် ငွေဒေါ်လာ ၁၆ဘီလျံနှင့်အမြတ်ငွေဒေါ် လာ ၄ဒသမ၃ဘီလျံရရှိလိမ့်မည်ဟုခန့်မှန်း ထားသည်။

ဂူးဂဲလ်၏အောင်မြင်မှု

ဂူးဂဲလ်၏အောင်မြင်မှုမှာ အဓိက အရင်းဇာစ်မြစ်တစ်ခုမှ ရနေဆဲပဲဖြစ်သည်။ ယင်းမှာ တခြားမဟုတ်။ ကြော်ငြာစာသား အနည်းငယ်ကို ယင်း၏ရှာဖွေရရှိသည့် ရလဒ်များ(search results)အနီးနှင့် အခြားဝက်ဘ်စာမျက်နှာများပေါ်တွင် တင် ထားပေးခြင်းဖြစ်သည်။ စားသုံးသူများက ယင်းကြော်ငြာများကို ‘ကလစ်ခ်’ (click) လုပ်မှသာ ကြော်ငြာရှင်များက အခကြေး ငွေပေးရသည်။ တစ်ကြိမ် ‘ကလစ်ခ်’ လုပ် လျှင် ဆင့်၅ဝဖြစ်သည်။ သို့သော် ယင်း အောင်မြင်မှုမျိုး ရှေ့ဆက်နိုင်ရန်မှာ ကိစ္စ အတော်များများဖြစ်မြောက်ရန် လိုအပ် သည်ဟုဆိုသည်။

ပထမအချက်မှာ ဝက်ဘ်စာမျက်နှာ ပေါ် ရှာဖွေမှုအတွက် ဂူးဂဲလ်၏ဝေစုက တည်ငြိမ်ရမှာဖြစ်သည်။ ဂူးဂဲလ်အမှတ်တံ ဆိပ်၏ကျော်ကြားမှုအရှိန်ကြောင့် ယင်း အခြေအနေကိုထိန်းချုပ်ရနိုင်ပုံရှိသည်။ ဒုတိယအချက်မှာ ကြော်ငြာများကို ‘ရှာ ဖွေမှုများ’ (searches)အနီးကပ်ထားရာ တွင် လုပ်ဆောင်ရည်ဆက်လက်ထိန်းနိုင် ရမှာ သို့မဟုတ် ပိုမိုကောင်းမွန်အောင် လုပ် ဆောင်နိုင်ရမှာဖြစ်သည်။ ဒီနယ်ပယ်တွင် လည်း ဂူးဂဲလ်စိုးမိုးထားမှုမှာ အထင်ကြီး လေးစားစရာဖြစ်သည်။ မားကက်တင်း အတိုင်ပင်ခံ Alan Rimin Kaufman ၏ မကြာသေးမီ ခွဲခြမ်းစိတ်ဖြာဆန်းစစ်မှုအရ search engine များအပေါ် ကြော်ငြာ သည့်ကုမ္ပဏီများ၏ဘတ်ဂျက်ငွေ ၇၃ရာ ခိုင်နှုန်းကို ဂူးဂဲလ်က မြင့်မြင့်မားမားရရှိ ထားကြောင်းဆိုသည်။ နှိုင်းယှဉ်ချက်အား ဖြင့် ယာဟူးနှင့်မိုက္ကရိုဆော့ဖ်တို့ထက် လည်း အရေအတွက် ပိုမိုများပြားကြောင်း Mr.Rimin Kaufman ကတွေ့ရှိသည်။ ယာဟူးက ‘Ranama’ အမည်ဝှက်ဖြင့် ယင်းကွက်လပ်ကိုဖြည့်ရန် တစ်နှစ်ပတ်လုံး မီးကုန်ယမ်းကုန် ကြိုးပမ်းခဲ့ပါလျက်နှင့် ယင်းသို့ဖြစ်ရခြင်းမှာ အံ့ဩစရာကောင်း သည်ဟုဆိုသည်။

ဂူဂလာများ သို့မဟုတ် ဂူးဂဲလ်ဝန်ထမ်းများ

ဂူးဂဲလ်သည် ဝန်ထမ်းသစ်များကို အံ့ဩလောက်အောင် ကောင်းသည့်နှုန်း နှင့်ငှားရမ်းနေသည်။ ၂ဝဝ၄ခုနှစ်၊ ဇွန်လ တွင် ဝန်ထမ်းဦးရေ ၂၂၉၂ဦး ရှိရာမှ ယခု နှစ် ဇွန်လတွင် ၁၃၇၈၆ဦးရှိလာသည်။ ယခုကဲ့သို့ ဝန်ထမ်းများအား ငှားရမ်းနိုင် သည့်စွမ်းရည်သည်ပြိုင်ဆိုင်ရာတွင် အသာ စီးရစေသည့်လက်နက်တစ်မျိုးပဲဖြစ်သည်။ ဂူးဂဲလ်က လက်ဦးမှုယူပြီး ဝန်ထမ်းများကို ငှားရမ်းနိုင်ခြင်းကြောင့် မိုက္ကရိုဆော့ဖ်နှင့် ယာဟူးအတွက် ဝန်ထမ်းမရ ဖြစ်သွားစေ သည်။ ဂူးဂဲလ်က ထက်မြက်ဝန်ထမ်းများ ရရှိရေးစစ်ပွဲကို အနိုင်ရလေ့ရှိရခြင်းမှာ ယင်း၏အမှတ်တံဆိပ်က ပိုမိုစွဲမက်စရာ ဖြစ်စေသည့်နည်းတူ ဝန်ထမ်းအပေါ်ပေး သည့်ရာထူးအလိုက် ခံစားခွင့်များမှာ ထူး ထူးခြားခြားကြီးကို ရက်ရောသည့်အတွက် ဖြစ်သည်။ ပမာအားဖြင့် ဂူးဂဲလ်ဝန်ထမ်း များက ဘရော့ဘင်တပ်ဆင်ထားသည့် ဘတ်စ်ကားများဖြင့် ဌာနသို့လည်းကောင်း၊ ‘ဂူးဂဲလ် ပလက်ဇ်’ (Googleplex)ခေါ် လှပသည့်ကစားကွင်းသို့လည်းကောင်း လွန်းပျံသယ်ယူပို့ဆောင်ပေးသည်။ ဂူး ဂဲလ်ပလက်ဇ်တွင် ဘောလီဘောကွင်းများ၊ ရေကူးကန်များ၊ အခမဲ့စားသောက်နိုင် သည့် စားသောက်ခန်းများ၊ အနှိပ်ခန်းများ စသဖြင့် ပါရှိသည်။

ဂူးဂဲလ်တွင် နာမည်ကြီး ‘၂ဝရာခိုင် နှုန်းအချိန်’ ဆိုသည့်စာတမ်းရှိသည်။ ယင်း ၏သဘောမှာ ဧည့်ကြိုအပါအဝင် ဂူးဂဲလ် ဝန်ထမ်းများအားလုံးသည် သူတို့အချိန်၏ ငါးပုံတစ်ပုံ(၂ဝ%)ကို အယူအဆသစ်(အိုင် ဒီယာသစ်)တစ်ခုအပေါ် စူးစမ်းရန် အချိန် ပေးနိုင်ခွင့်ရရှိခြင်းပင်။ ယင်းသဘောတရား မှ ကောင်းမွန်သည့်အရာများ အမှန် တကယ်ဖြစ်လာခြင်းများရှိခဲ့သည်။ ယင်းတို့ အထဲတွင် ဂူးဂဲလ်သတင်း(Google News)၊ ဂျီမေးလ်(G-mail)၊ Wi-Fi စနစ် များ စသည်တို့ပါဝင်သည်။ သို့သော် ကုမ္ပဏီတစ်ခုလုံးအနေနှင့် ယင်းအကျိုး ဆက်ကြောင့် ပိုမိုတီထွင်မှုဖြစ်လာ၊ မလာ မှာ ရှင်းရှင်းလင်းလင်း မသိရပေ။ ကြီးမား သည့်တီထွင်မှုများဟုဆိုနိုင်သည့် You Tu- be, Google Earth စသည့်အများစုမှာ အခြားကုမ္ပဏီများကို သိမ်းပိုက်ဝယ်ယူခြင်း မှ ရရှိလာခြင်းဖြစ်သည်ဟုဆိုသည်။

အောင်မြင်ပါသည်ဆိုသည့်ကုမ္ပဏီ တွင်လည်း အကောင်းမမြင်သည့်ဝန်ထမ်း ဟောင်းများ(Xooglers)လည်းရှိနေသည်။ ယခင်အမှုဆောင်အရာရှိဟောင်းတစ်ဦး က ကုမ္ပဏီ၏ဝန်ထမ်းရေးရာဌာနက တကယ့်ကို ပရမ်းပတာဖြစ်နေသည်ဟုဆို သည်။ သူမကို အလုပ်ခန့်စဉ်က သူမ ဘယ်အချိန်၊ ဘယ်နေရာတွင် အလုပ်လုပ် ရမည်ကို မည်သူတစ်ဦးတစ်ယောက်မျှ မသိရှိကြောင်း သူမကပြောပြသည်။ အများပိုင်ကုမ္ပဏီမဖြစ်မီကဆိုလျှင် ဝန် ထမ်းများကဗျူရိုကရက်များနှင့်တူကြောင်း၊ အင်ဂျင်နီယာများကသာ လုပ်ငန်းအတွက် ချီးကျူးဂုဏ်ပြုမှုအများဆုံးရကြောင်း၊ အခြားသူများက ယင်းသို့မရရှိကြောင်း ဆိုသည်။

ကောလိပ်၊ တက္ကသိုလ်များမှ ထွက် ခါစ ထက်မြက်သည့်လူငယ်များက ဂူးဂဲလ် ကို ကြိုက်နှစ်သက်သည်။ ဂူးဂဲလ်ပလက်ဇ် က ၎င်းတို့၏တက္ကသိုလ်ပရဝဏ်နှင့်တူနေ ခြင်းကြောင့်ပင်။ ယင်းကွင်းထဲတွင် ချစ်သူ ချင်း ချိန်းတွေ့သည့်ရှုခင်းကို တွေ့နိုင် သည်။ အဝတ်လျှော်၊ မီးပူတိုက် ဝန်ဆောင် မှုရှိသည်။ ရက်သတ္တပတ်အားရက်တွင် အခြားနေရာများသို့ သွားစရာမလိုသည့် နေရာမျိုးဖြစ်သည်။ သို့သော် အသက်ကြီး ပြီး မိသားစုရှိသည့်ဝန်ထမ်းများက ဂူးဂဲလ် ပလက်ဇ်ကို ကြိုက်နှစ်သက်ခြင်းလျော့ပါး ကြောင်းဆိုသည်။ အကြောင်းမှာ မိခင်ငယ် များပင်လျှင် ရက်သတ္တပတ်ခုနစ်ရက် အလုပ်လုပ်နေရခြင်းကြောင့်ပင်ဖြစ်သည်။

အနာဂတ်အလားအလာ

ယခုအချိန်ထိတော့ ဂူးဂဲလ်ကပန်းပန် လျက်ပင်ရှိနေသေးသည်ဟု ဆိုနိုင်ပါသည်။ သို့သော် ဝင်ငွေက ဝေါလ်စထရိ မျှော်မှန်း ထားသည်ထက် နိမ့်ကျခဲ့လျှင် သို့တည်း မဟုတ် တစ်စုံတစ်ရာသောအဖြစ်ဆိုးကျ ရောက်ပါလျှင် ဘာဖြစ်လာမလဲ။ ယာဟူး နှင့်အခြားပြိုင်ဘက်များက သည်သို့မျိုး အကျပ်အတည်းများကို ခံရဖူးပြီ။ သိက္ခာ ကျခဲ့ရသည်။ ဂူးဂဲလ်ကတော့ မကြုံရသေး ပေ။ ‘ကုမ္ပဏီတွေက နောက်ဆုံးတစ်နေ့မှာ အကျပ်အတည်းများနှင့်ရင်ဆိုင်ကြရတာ အမှန်ပါပဲ’ ဟု ဂူးဂဲလ်၏အမှုဆောင်အရာ ရှိချုပ် အဲရစ်စမစ်ထ်က ပြောသည်။

ဂူးဂဲလ်က လက်ရှိလုပ်ငန်းကောင်းနေ ဆဲရှိသော်လည်း အခြားနယ်ပယ်များသို့ တိုးချဲ့ရန်လုပ်နေသည်။ ယင်းက အခြား အွန်လိုင်းကြော်ငြာဈေးကွက်တွင် အင် အားကြီးတစ်ခုဖြစ်သည့် Double Click ကို ဝယ်ယူရန် ကြိုးစားနေသည်။ ယခုအခါ ဂူးဂဲလ်က သမားရိုးကျ ရေဒီယို၊ ရုပ်မြင်သံ ကြားချန်နယ်များနှင့်သတင်းစာများအတွက် ပွဲစားအလုပ်လုပ်ပေးနေသည်။ ဝေဖန်သူ တို့က လုပ်ငန်းတစ်ခု တိုးချဲ့တိုင်း ဂူးဂဲလ် အတွက် အမြတ်ငွေကျဆင်းကြောင်းဆို သည်။ ဝင်ငွေကို အခြားသူများနှင့်ပိုမိုခွဲဝေ ယူရမည်ဖြစ်ခြင်းကြောင့်ပင်။ ပမာအားဖြင့် ဝက်ဘ်ဆာဖာ(web surfer)တစ်ဦးက တတိယပုဂ္ဂိုလ်၏ဘလော့ဂ်(blog)အနီး တွင်ထားသည့် ကြော်ငြာစာသားတစ်ခုကို ‘ကလစ်’ (click)လုပ်ပါလျှင် ဂူးဂဲလ်က ဝင် ငွေကို ဘလော့ဂ်ဂါ(Blogger)နှင့် ခွဲဝေ ယူရမည်ဖြစ်သည်။ ဂူးဂဲလ်က သတင်းစာ များထဲ သို့မဟုတ် ရေဒီယိုထဲ ကြော်ငြာ ထည့်လျှင် ကြော်ငြာဝင်ငွေကို သတင်း စာတိုက် သို့မဟုတ် ရေဒီယိုထုတ်လွှင့် သည့်စခန်းနှင့်ခွဲဝေယူရမှာဖြစ်သည်။

သို့သော် ဂူးဂဲလ်က ထိုသို့မမြင်ပေ။ ယင်း၏ကုန်ကျစရိတ်များမှာ ပုံသေနီးပါး ဖြစ်သည်။ သည့်အတွက် တိုးလာသမျှ ဝင် ငွေသည် အမြတ်ချည်းဖြစ်သည်။ ယင်းသို့ ဖြစ်နိုင်ရန် တည်ဆောက်ထားသည့် ဂူးဂဲလ် ၏ယန္တရားမှာ လျှို့ဝှက်ချက်ပဲဖြစ်သည်။ ဂူးဂဲလ်က ကမ္ဘာ့အကြီးဆုံး ‘စူပါကွန်ပျူတာ ကြီး’ ကို တည်ဆောက်ထားခဲ့သည်။ ယင်း တို့ထဲတွင် ဆာဗာအစုအဝေးများက ကမ္ဘာ တစ်ဝန်းရှိ ဧရာမ ‘ဒေတာစင်တာများ’ (data centres)တွင် ဖြန့်ကြက်ထား သည်။ အသေးစိတ်များကိုမူ ဂူးဂဲလ်က အထူးလျှို့ဝှက်ထားသည်။ သို့သော် နောက်ဆုံးအကျိုးရလဒ်မှာ ‘ကွန်ပျူတာစွမ်း ရည် တိမ်တိုက်တစ်ခု’ ဖန်တီးရရှိခြင်းပင်။ ယင်းစွမ်းရည်ကြောင့် ‘ဝန်’ ကို အလို အလျောက်ဒေတာစင်တာများအကြား ဖြန့်ဝေရွေ့လျားနိုင်စွမ်းရရှိစေသည်။ ပမာ အားဖြင့် G-mail များ အဆမတန်ဝင်လာ လျှင် လူက ကြားဝင်လုပ်ရန်မလိုဘဲ စနစ် က ချက်ချင်းအလိုအလျောက် ပရိုဆက် ဆာကို ပိုမိုအသုံးပြုပြီးဆောင်ရွက်ပေးမည် ဖြစ်သည်။

ယင်းအခြေခံ အဆောက်အအုံမျိုးက ဂူးဂဲလ်သည် မည်သည့်ဝန်ဆောင်မှုအသစ် တစ်ရပ်ကိုမဆို ကုန်ကျစရိတ်မရှိဘဲ သို့ မဟုတ် စွန့်စားရမှုမျိုးမရှိဘဲ လုပ်ဆောင် နိုင်သည့်သဘောပင်။ ကျရှုံးလျှင်လည်း ကိစ္စမရှိပါ။ အောင်မြင်လျှင်တော့ ‘တိမ် တိုက်’ က နေရာရအောင် လုပ်ပေးမှာဖြစ် သည်။ သည့်အတွက် ဂူးဂဲလ်ကစိတ်ကူး ပေါ်လာသည်နှင့်အမျှ ယင်း၏ရည်မှန်း ချက်ပန်းတိုင်ကို ထပြီးလုပ်နိုင်သည်။ ပြန် လည်သတ်မှတ်နိုင်သည်။ ဒါကြောင့်လည်း လက်ရှိအနေအထားအရ ဂူးဂဲလ်က ဘာမျှ စိုးရိမ်ပူပန်နေစရာမရှိနိုင်ကြောင်း ကျွမ်းကျင်သူတို့က ထင်မြင်ယူဆလျက်ရှိ ကြောင်းပါ။