ဂျပန်နိုင်ငံကို ပညာတော်သင် သွားမယ့်သူများအတွက်သိကောင်းစရာများ

နှင်းပွင့်

ဂျပန်နိုင်ငံတွင် သွားရောက်ပညာ သင်ကြားမည့် ကျောင်းသား၊ ကျောင်းသူ များအတွက် မြန်မာနိုင်ငံတွင် အခါအား လျော်စွာကျင်းပသော ဝင်ခွင့်စာမေးပွဲများ၊ တစ်နည်းအားဖြင့် သံရုံးစာမေးပွဲကို တစ် နှစ်တစ်ကြိမ်ကျင်းပပြုလုပ်ပေးမည်ဖြစ် သည်။ နှစ်စဉ် ၁၂လပိုင်းတွင်သာ ပြုလုပ် ပေးပြီး EJU စာမေးပွဲကိုလည်း တစ်နှစ် လျှင် နှစ်ကြိမ်၊ ၆လပိုင်း တစ်ကြိမ်၊ ၁၁လ ပိုင်းတစ်ကြိမ် ကျင်းပပြုလုပ်မည်ဖြစ်သည်။ ယင်းစာမေးပွဲများ ဝင်ရောက်ဖြေဆို အောင်မြင်နိုင်လျှင် ဂျပန်နိုင်ငံတွင်ရှိသော တက္ကသိုလ်များ၊ ဂျပန်ဘာသာသင် ကျောင်းများတွင် တက်ရောက်နိုင်ရန် အထောက်အကူရမည်ဖြစ်သည်။

ဂျပန်နိုင်ငံတွင် ပညာသင်ရန်အတွက် ဂျပန်ဘာသာတွင် ရမှတ်ကောင်းသော ကျောင်းသားကို ဦးစားပေးခြင်း၊ မိမိတိုင်း ပြည်မှပညာရေးတွင်ထူးချွန်သောကျောင်း သား၊ ကျောင်းသူအား ဦးစားပေးပြီး ဗီဇာ ထုတ်ပေးသည့်စနစ်သစ်ဖြစ်သောကြောင့် ဂျပန်စာကို Basic မှ Kanji ထိ ထူးချွန် ရန် လိုအပ်လှသည်။

ဂျပန်ဘာသာကျွမ်းကျင်စွာ တတ် မြောက်လိုလျှင် Basic Course, Basic Conversation Course, Interme-diate Course, Inter-conversation Course, Pre-advanced Course, Kanji Level 2 Course, Advanced Course နှင့် Level Practice Course များ ပိုင်နိုင်ရမည်ဖြစ်သည်။ ယင်းဘာသာ ရပ်များ ကျွမ်းကျင်ပိုင်နိုင်ပါက ဂျပန်နိုင်ငံ တွင်းရှိ တက္ကသိုလ်များသို့ တက်ရောက်နိုင် ခြင်း၊ ဂျပန်နိုင်ငံသို့ ဂျပန်အစိုးရခွင့်ပြုချက်ရ အလုပ်သမားအဖြစ် သွားရောက်နိုင်ခြင်း၊ ဂျပန်နိုင်ငံသို့ မြန်မာနိုင်ငံတွင် အခြေခံ ပညာအထက်တန်းအောင်မြင်သူများဂျပန် ဘာသာကို ဆက်လက်ပညာသင်ကြားရန် သွားရောက်နိုင်ခြင်း၊ ဂျပန်နိုင်ငံအတွင်း အိုင်တီပညာရှင်များ အလုပ်အကိုင်ဖြင့် သွားရောက်လုပ်ကိုင်နိုင်ခြင်း စသည့်အခွင့် အလမ်းကောင်းများ ရရှိနိုင်မည်ဖြစ်သည်။

EJU စာမေးပွဲသည် ဂျပန်အစိုးရက ကြီးမှူးကျင်းပပြီး MaJa ခေါ် ဂျပန်ရောက် ကျောင်းသားဟောင်းများအသင်းက ကိုယ် စားပြုကျင်းပပေးသော စာမေးပွဲဖြစ်ပြီး EJU အမှတ်ကောင်းလျှင် ကောင်းသလို Nanzan University, Ko Kushi Kan, APU, Hakuho Women College, Tokyo University, Toku shima Coll-age of Technology စသည့် တက္ကသိုလ် နှင့် ကောလိပ်များကို တက်ရောက်နိုင်မည် ဖြစ်သည်။

၂ဝဝ၈ခုနှစ်၊ ၉လပိုင်း သို့မဟုတ် ၁ဝ လပိုင်းတွင် ဖွင့်လှစ်မည့်တက္ကသိုလ်နှင့် ဂျပန်ဘာသာသင်ကျောင်းများအတွက် လျှောက်ထားပေးခြင်းကို Japanese Language School များက မိမိတို့ ကျောင်းသား၊ ကျောင်းသူများအတွက် အသေးစိတ် လက်ခံဆောင်ရွက်နေကြပြီ ဖြစ်သည်။

Win Japanese School မှလည်း YOKOHAMA DESIGN COLLEGE LANGUAGE SCHOOL(YOKOHA-MA)အတွက် ကျောင်းသားအရေအတွက် ၃ဦး၊ လျှောက်လွှာပိတ်ရက် ၅လပိုင်းကုန် ၌လည်းကောင်း၊ AJC JAPANESE LANGUAGE SCHOOL(TOKYO) အတွက် ကျောင်းသားအရေအတွက် ၃ဦး၊ လျှောက်လွှာပိတ်ရက် ၄လပိုင်းကုန်၌ လည်းကောင်း၊ ကျောင်းဝင်ခွင့်ရနိုင်ရန် အကြံဉာဏ်ပေး၍ လျှောက်လွှာတင်ပေး ခြင်းများ လက်ခံပြုလုပ်ပေးနေပြီဖြစ် ကြောင်း သိရသည်။

‘ကျွန်တော်တို့ကျောင်းက အဓိက သင်ကြားတာ Japanese Language School ကို ကလေးတွေ သွားရောက်လေ့ လာသင်ကြားနိုင်အောင် အဓိကလေ့ကျင့် သင်ကြားပေးပါတယ်။ ကျောင်းဝင်ခွင့်ရ အောင်လည်း ပြင်ဆင်ဆောင်ရွက်ပေးပါ တယ်။ M&J သင်တန်းကျောင်း တည် ထောင်ရတဲ့ ရည်ရွယ်ချက်ကလည်း ဒီ ကျောင်းက ဆရာ၊ ဆရာမ အများစုက ဂျပန်နိုင်ငံမှာ နေထိုင်ပညာသင်ကြားဖူး ကြတဲ့သူတွေရှိပါတယ်။ ကျွန်တော်တို့ ဂျပန်မှာ နေထိုင်ခဲ့စဉ်က ညွှန်ပြပေးတဲ့သူ တွေမရှိလို့ အခက်အခဲတွေ အများကြီး ရှိ ခဲ့ပါတယ်။ ဂျပန်မှာ ပညာသွားသင်မယ့် ကျောင်းသား၊ ကျောင်းသူများ အခက်အခဲ လုံးဝမရှိအောင် ဒီကျောင်းကို တည်ထောင် ရခြင်းဖြစ်ပါတယ်။ EJU(First Ses-sion)ကိုဖြေဖို့ Level 1,2,3,4 ဆိုပြီး Level လေးခု သတ်မှတ်ထားတယ်။ အဲဒီ Test ကိုဖြေဖို့ တစ်နှစ်မှာ တစ်ခါပဲ Chance ရှိပြီး ဒီဇင်ဘာ ပထမအပတ်မှာ နှစ်စဉ်ကျင်းပလေ့ရှိတဲ့အပြင် နိုင်ငံခြားသား တွေက ဂျပန်ဘာသာကို ဘယ်လောက် ကျွမ်းကျင်လဲဆိုတဲ့ အရည်အချင်းစစ်စာ မေးပွဲလည်းဖြစ်ပါတယ်။ အဲဒီစာမေးပွဲရဲ့ Certificate ရှိမှသာ ဂျပန်နိုင်ငံရဲ့ တက္ကသိုလ်၊ အသက်မွေးဝမ်းကျောင်း၊ ကောလိပ်တွေ ဝင်လို့ရမယ်ဆိုတဲ့သတ်မှတ် ချက် ပိုများပါတယ်။ အဲဒီလက်မှတ်မပါဘဲ ဝင်လို့ရတဲ့ကျောင်းတွေလည်း ရှိကောင်း ရှိနိုင်ပါတယ်။ နိုင်ငံခြားသားရဲ့ ဂျပန်ဘာ သာကျွမ်းကျင်မှုကို စစ်မယ်ဆိုရင်တော့ အဲဒီစာမေးပွဲကို ဖြေဆိုဖို့ လိုအပ်ပါတယ်။ အဲဒီစာမေးပွဲကို မြန်မာပြည်မှာရှိတဲ့ ဂျပန် သံရုံးက ကြီးကြပ်ပြီး(မာဂျာ)ဆိုတဲ့ ဂျပန် နိုင်ငံမှာ ပညာတော်သင်သွားရောက်တဲ့ ကျောင်းသားဟောင်းများအသင်းက ကမ ကထလုပ်ပြီး စာမေးပွဲတွေ စစ်ပေးပါတယ်။ အဲဒီစာမေးပွဲကို အဓိကကျင်းပတာ ကတော့ ဂျပန်နိုင်ငံက ကျင်းပတာဖြစ်ပြီး ဂျပန်နိုင်ငံတက္ကသိုလ်ရဲ့အသက်မွေးဝမ်း ကျောင်းကို တက်မယ်ဆိုရင် Level 1 ဒါမှ မဟုတ် Level 2 ရှိရမယ့်အပြင် အကုန် လုံးပေါင်းစပ်စဉ်းစားပြီးမှ ပညာသင်ခွင့်ရှိ၊ မရှိဆိုတာ ဆုံးဖြတ်ပေးခြင်းဖြစ်ပါတယ်။ ဂျပန်မှာ ပညာသင်မယ့် ကျောင်းသား၊ ကျောင်းသူတွေကို အကြံပေးချင်တာက တော့ ဂျပန်မှာ ပညာသွားသင်မယ်၊ ဂျပန် နိုင်ငံကို သွားမယ်ဆိုရင် ငွေရှိမှ မဟုတ် ပါဘူး။ ငွေမရှိတဲ့ကလေးတွေကလည်း မြန်မာပြည်ထဲမှာ ကြိုးစားပြီး ဂျပန်နဲ့ပတ် သက်တဲ့လုပ်ငန်းခွင်တွေ၊ ဂျပန်ကျောင်းကို တက်မယ့်နည်းလမ်းတွေလည်း ရှာလို့ရပါ တယ်။ ဘာသာစကားဆိုတာကလည်း ကျွန်တော်တို့အတွက် အများကြီး အသုံး ဝင်ပါတယ်။ ဂျပန်နိုင်ငံဆိုတာကလည်း ကျွန်တော်တို့အတွက် အတုယူစရာ ကောင်းတဲ့ပညာရပ်တွေ အများကြီးရှိတဲ့ နိုင်ငံပါ။ ကိုယ်က ဂျပန်ကိုသွားချင်တယ် ဆိုရင် ဘာသာစကားကို ကြိုးစားလေ့လာ ဖို့လိုအပ်ပါတယ်။ အခါအားလျော်စွာ မြန်မာပြည်မှာပညာဒါနသင်တန်းကျောင်း တွေလည်း ရှိပါတယ်။ ကိုယ်လိုချင်တဲ့ ရည်မှန်းချက် ရောက်ချင်ရင် အတတ်နိုင် ဆုံး ကြိုးစားသင့်ပါတယ်’ လို့ M&J Japanese Language Center မှ တာ ဝန်ရှိသူတစ်ဦးမှ ပြောကြားခဲ့သည်။

‘Win Japanese Language School ကို ၁၉၉၇ခုနှစ်က စတင်တည် ထောင်ခဲ့တာပါ။ အဲဒီအချိန်တုန်းက ဂျပန် ဆရာကိုယ်တိုင် တိုက်ရိုက်သင်ပေးတဲ့ ကျောင်းတွေ သိပ်မရှိသေးတာရယ်၊ မြန်မာ ကျောင်းသားတွေဂျပန်မှာပညာတော်သင် သွားနိုင်ဖို့ဆိုတဲ့ရည်ရွယ်ချက်နဲ့ ဒီကျောင်း ကိုတည်ထောင်ခဲ့တာပါ။ ဒီကျောင်းမှာ သင်တာတွေကတော့ Basic Course, Intermediate Course, Pre-Advan-ced Course, Advanced Course, Basic Conversation Course, Inter-Conversation Course, Guide Course တို့ သင်ကြားတဲ့အထဲမှာ Basic Course နဲ့ Intermediate Course အောင်ရင် ဂျပန်နိုင်ငံမှာ သွားရောက် ပညာသင်နိုင်ပါပြီ။ ကျွန်တော်တို့ ကျောင်း တွင် ၁ဝနှစ်အတွင်း ထူးချွန်ကျောင်းသား၊ ကျောင်းသူအပါအဝင် ကျောင်းသား၊ ကျောင်းသူပေါင်း ၁ဝဝခန့် ဂျပန်နိုင်ငံတွင် ပညာသင်ကြားနေကြသည့်ပြင် Win Japanese Language School မှ ထူး ချွန်သည့် ကျောင်းသား၊ ကျောင်းသူ နှစ်ဦး ကို ပညာသင်စရိတ် အခမဲ့သင်ကြားခွင့် ပေးမည်ဖြစ်ပြီး ကျောင်းသား၊ ကျောင်းသူ များ ဂျပန်စကား ကျွမ်းကျင်စေဖို့နှင့် ကျောင်းဝင်ခွင့်ရအောင်၊ Visa ရအောင် ဝန်ဆောင်မှုပေးနိုင်ပါတယ်’ ဟု Win Japanese Language Schoolမှ တာဝန်ရှိသူတစ်ဦးက ပြောကြားခဲ့သည်။

‘ဂျပန်တွင် ပညာသင်မယ့် ကျောင်း သား၊ ကျောင်းသူတွေအနေနဲ့ သံရုံးစာမေး ပွဲ Level 1 ဒါမှမဟုတ် Level 2 အောင် လျှင် တိုက်ရိုက်ကျောင်းသွားတက်နိုင်ပြီး တခြားတက္ကသိုလ်တက်မယ်ဆိုရင်တော့ Language School တက်ရမှာ ဖြစ် ပါတယ်။ ကျောင်းတက်ရင်း အချိန်ပိုင်း အလုပ်လုပ်နိုင်တဲ့အပြင် တစ်နေ့ ၄နာရီ လုပ်နိုင်ပြီး စနေ၊ တနင်္ဂနွေ ၈နာရီခန့် တရားဝင် အလုပ်လုပ်ခွင့်ရမှ ဖြစ်ပါတယ်။ ဝင်းကျောင်းက ၂နှစ်ခွဲနဲ့ Level 1 အောင် တဲ့လူ ရှိခဲ့ဖူးပါတယ်။ ပုံမှန်အားဖြင့် ၄နှစ် ကြာရင် Level 1 အောင်နိုင်တာများပါ တယ်။ ဂျပန်တက္ကသိုလ် တက်ရောက်ခွင့် ရဖို့အတွက် အဓိကအခက်အခဲကတော့ ခန်းဂျိစာက အခက်ဆုံးပါပဲ။ မြန်မာ ကျောင်းသားတွေက ခန်းဂျိစာဘက်မှာ အားနည်းကြတယ်။ ခန်းဂျိစာအက္ခရာ မကျွမ်းကျင်ရင် မရပါဘူး။ ခန်းဂျိစာကို ပိုင်ပိုင်နိုင်နိုင်တတ်ကျွမ်းရင်တော့ အခက် အခဲ လုံးဝမရှိတော့ပါဘူး။ Win Japa-nese Language School က ဝန် ဆောင်ခအနေနဲ့ ဘာသာပြန်၊ စာရွက်စာ တမ်းအပါအဝင် ဒေါ်လာ၎ဝဝပဲ ယူပါ တယ်။ ဂျပန်နိုင်ငံမှာ ပညာသင်မယ့် ကျောင်းသား၊ ကျောင်းသူတွေအတွက် ကျွန်တော်အကြံပေးချင်တာကတော့ ဂျပန် မှာ အခွင့်အရေးများများရနိုင်တဲ့အတွက် အောင်မြင်ရင်လည်း အရမ်းအောင်မြင်နိုင် မှာပါ။ တက္ကသိုလ်အောင်ရင် ဂျပန်ကုမ္ပဏီ တွေမှာ အလုပ်လုပ်ခွင့်ရှိတဲ့အတွက် ငွေ ကြေးလည်း များများရနိုင်ပါတယ်။ တချို့ က စာမသင်ဘဲ အလုပ်ပဲ ဝင်လုပ်ကြ တယ်။ အဲဒီလိုဆိုရင် ကျောင်းပညာလည်း မအောင်မြင်ဘူး၊ visa သက်တမ်းကုန်ရင် ပြန်လာရမယ်။ အဲဒီတော့ ဘာပညာမှ မတတ်ဘဲ ပြန်လာရင် အလကားဖြစ်ကုန် မယ်။ အဲဒါကြောင့် ပညာသင်ပြီး အချိန် ပိုင်းလုပ်ရင် ပီပီပြင်ပြင်လုပ်ကြပါ’ ဟု Win Japanese Language School မှ School Master Mr.Osamu Nakani-shimက ပြောကြားခဲ့သည်။ ဂျပန်ဘာ သာ အရည်အချင်းစစ်စာမေးပွဲကို နှစ်စဉ် ဒီဇင်ဘာလ၌သာ ကျင်းပပြီး စာမေးပွဲ အောင်စာရင်းကို ဖေဖော်ဝါရီလ၌ ထုတ် ပြန်ကြေညာ၍ ဂျပန်နိုင်ငံသို့ ဧပြီလ သို့မဟုတ် အောက်တိုဘာလတွင် ပညာ တော်သင် စေလွှတ်မည်ဖြစ်သည်။ ဂျပန် ဘာသာအရည်အချင်းစစ်စာမေးပွဲဝင်ခွင့် ဖြေဆိုရန်အရည်အချင်းများမှာတက္ကသိုလ် တစ်ခုခုတွင် ပထမနှစ်ဖြစ်ရမည်။ ဂျပန်စာ Level 1 အဆင့်ရှိရမည်၊ လုံလောက် သော ငွေကြေးရှိရမည်၊ ခိုင်မာသောရည် ရွယ်ချက်ရှိရမည်ဖြစ်သည်။

ဂျပန်တက္ကသိုလ်တက်ရောက်ခွင့်ရ ရန်အတွက် မြန်မာပြည်မှာပဲ ပြင်ဆင် စရိတ် သုံးသိန်းနဲ့လေးသိန်းကြား ကုန်ကျ မည်ဖြစ်ပြီး ဂျပန်ပြည်မှ တစ်နှစ်သင်တန်း ကြေးအပါအဝင် ဂျပန်ပြည်အရောက် သိန်း၁၅ဝခန့် ကုန်ကျမည်ဖြစ်သည်။ စကောလားရှစ်ရလျှင် ရသလောက် ကုန် ကျစရိတ် သက်သာမည်ဖြစ်သည်။

EJU စာမေးပွဲကို ၂ဝဝ၈ခုနှစ်၊ ဇွန်လ ၁၅ရက်နေ့ တနင်္ဂနွေနေ့ ၁ဝနာရီမှ ၅နာရီ မိနစ်၅ဝ၌ ဖြေဆိုရမည်ဖြစ်ကြောင်း သိရသည်။