လူငယ်လူရွယ်နှင့်ကျန်းမာရေး

ဒေါက်တာအေးကျော်(ဇီဝကမ္မဗေဒ)
M.B;B.S, Dip Med Sc GP Family/Medicine DA Psychology;MPA

ဆရာခင်ဗျား ကျွန်တော်တို့ လူငယ်လူရွယ်တွေ စတင်အရွယ် ရောက်လာကြတဲ့အခါ ပြောင်းလဲမှုတွေ ဖြစ်ပေါ်လာပါတယ်။ အဲဒါ ဘာကြောင့်ပါလဲ ခင်ဗျာ။

ကိုကျော်သူမေးတာ လူငယ်လူရွယ်တွေအားလုံး သိထားသင့်တဲ့ ကိစ္စတစ်ခုပါ။ ယောက်ျားလေးပဲဖြစ်ဖြစ်၊ မိန်းကလေးပဲဖြစ်ဖြစ် အရွယ်ရောက်လာရင် ခန္ဓာကိုယ်ရုပ်ပိုင်းဆိုင်ရာ ပြောင်းလဲမှုတွေ၊ စိတ်ပိုင်းဆိုင်ရာ ပြောင်းလဲမှုတွေ ဖြစ်လာကြစမြဲပါ။ အရွယ်ရောက်ခြင်း ပြောင်းလဲမှုတွေ Pubertal Changes ဘာကြောင့် ဖြစ်လာသလဲဆိုရင် အဓိကကတော့ ဟော်မုန်းပြောင်းလဲမှုကြောင့်လို ဆိုရမှာပါ။ အရွယ်ရောက်စဉ်မှာ လိင်ဟော်မုန်းအပါအဝင် ခန္ဓာကိုယ်မှာ ဟော်မုန်း တော်တော်များများ ပြောင်းလဲမှုတွေ ဖြစ်ပေါ်လာပါတယ်။

အရွယ်ရောက်ချိန် ပြောင်းလဲမှုဟာ ဟော်မုန်းပြောင်းလဲမှုကြောင့်ဆိုတာ သိရပါပြီ။ ဟော်မုန်းပြောင်းလဲမှုဟာ ဘာကြောင့် ဖြစ်တာပါလဲ။ အဓိက ဘယ်လို ဟော်မုန်းတွေ ပြောင်းလဲပါသလဲ သိပါရစေဆရာ။

အရွယ်ရောက်ချိန်ရဲ့ မူလအစ ပြောရရင် ဦးနှောက်ရဲ့အစိတ်အပိုင်းတစ်ခုဖြစ်တဲ့ ဟိုက်ပိုသားလမတ် (Hypothalamus) လို့ ဆိုနိုင်ပါတယ်။ ဆေးပညာမှာ အရွယ်ရောက်လာတာကို အိပ်ပျော်နေတဲ့ ဟိုက်ပိုသားလမတ် နိုးထလာလို့ (Awakening of Hypo-thalamus) လို့တောင် တင်စားသုံးကြပါတယ်။ ငယ်ရွယ်စဉ်ကလေးဘဝမှာ ဟိုက်ပိုသားလမတ်ရဲ့ လုပ်ငန်းတချို့ဟာ ငြိမ်သက်နေခဲ့တယ်။ (အိပ်ပျော်နေခဲ့တယ်) ဟိုက်ပိုသားလမတ်က ပီကျူထရီ ဂလင်း (Pituitary Gland)၊ ပီကျူထရီ ဂလင်းကတစ်ဆင့် ဝှေးစေ့(Testes) သို့မဟုတ် မမျိုးဥအိမ် (Ovary) ကို လှုံ့ဆော်ပေးပါတယ်။ အဲဒီမှာပဲ ဟော်မုန်းတက်စတိုစတီးရုန်း သို့မဟုတ် အီစထရိုဂျင်ထွက်လာပြီး ပြောင်းလဲမှုတွေ ဖြစ်ပေါ်လာတာပါ။

ဘယ်လို ပြောင်းလဲမှုတွေ ဖြစ်ပေါ်လာပါသလဲဆရာ။

ပြောင်းလဲမှုတွေအကြောင်း ဆွေးနွေးရင် ခန္ဓာကိုယ်ရုပ်ပိုင်းဆိုင်ရာ ပြောင်းလဲမှုနဲ့ စိတ်ပိုင်းဆိုင်ရာ ပြောင်းလဲမှု၊ ယောက်ျားလေးများမှာ ပြောင်းလဲမှု၊ မိန်းကလေးများမှာ ပြောင်းလဲမှုလေးတွေကို အပိုင်းလိုက် စဉ်းစားကြည့်တာပေါ့နော်။

ယောက်ျားလေးတွေ အကြောင်း အရင်ပြောပြပါမယ်။ ယောက်ျားလေးများ အရွယ်ရောက်ချိန်ဟာ ပျမ်းမျှအားဖြင့် ၁၄နှစ်မှာ စပါတယ်။ တချို့တော့ ၁၂နှစ်လောက်မှာပဲ စတင်တာတွေ့ရပါတယ်။ တချို့တော့ ၁၄နှစ်ထက် နောက်ကျတတ်ပါတယ်။ စောစောကပြောသလို ထူးခြားမှုကတော့ ခန္ဓာကိုယ်မှာ ဟော်မုန်း တက်စတိုစတီရုန်း များပြားလာခြင်းပါပဲ။

လိင်အင်္ဂါတွေဖြစ်တဲ့ လိင်တံ၊ ဝှေးစေ့၊ ပရော့စတိတ်ဂလင်း၊ ဆီမင် အိတ်တွေရဲ့ အရွယ်အစားဟာ ကြီးထွားလာပါတယ်။ လုပ်ငန်းများလည်း စတင်ဆောင်ရွက် လာနိုင်ကြပါတယ်။ လိင်တံဟာ အရွယ်အစား ကြီးထွားလာပါတယ်။ ပရော့စတိတ်ဂလင်းနဲ့ဆီမင်အိတ်တို့က အရည်များ ထုတ်လုပ်လာကြတယ်။ ဝှေးစေ့ကလည်း သုတ်ပိုးများကို အောင်မြင်စွာ ထုတ်လုပ်လာနိုင်ပါတယ်။

ယောက်ျားလေးများမှာ လိင်အင်္ဂါများ ဖွံ့ဖြိုးမှုဟာ ၁၂နှစ်ဝန်းကျင်မှာ စတင်ဖြစ်ပေါ်ပြီး ၁၅နှစ် ၁၆နှစ် အရွယ်မှာ လိင်အင်္ဂါအားလုံးဟာ လူကြီး အရွယ်အစား ဖြစ်လာပါတယ်။ ခန္ဓာကိုယ်မှာကြွက်သားများ ဖွံ့ဖြိုးလာခြင်း၊ ဆီးခုံ၊ ချိုင်းနဲ့မျက်နှာတို့မှာ အမွေးအမှင်များပြားလာခြင်း၊တချို့ရင်ဘတ်မှာ အမွေးအမှင်ပေါက်လာခြင်း၊ အသံပို၍ အောလာခြင်း၊ ပခုံးကျယ်လာခြင်း စတာတွေ တွေ့ရမှာပါ။

စိတ်ပိုင်းဆိုင်ရာမှာ ဘယ်လို ပြောင်းလဲနိုင်ပါသလဲ ဆရာ။

စိတ်ပိုင်းဆိုင်ရာပြောင်းလဲမှုကို ကြည့်ရင်...သူတစ်ပါးအပေါ် မှီခိုလိုမှု မရှိတော့ဘဲ ကိုယ့်ကိုယ်ကို မှီခို အားထားလာခြင်း၊ ရှေ့ဆောင်ရှေ့ရွက် ပြုလာခြင်း၊ စိတ်တို စိတ်ဆတ်ဒေါသ ဖြစ်မှုပိုလာခြင်း၊ ဆန့်ကျင်ဘက် လိင်အပေါ် စိတ်ဝင်စားလာခြင်း၊ လိင်ဆန္ဒ ပိုလာခြင်း(Independence, Active Attitute, Aggressive behavior, Interest to Opposite Sex, Increased Libido)။

အခြား ထူးခြားမှုလေးတွေကော သိပါရစေခင်ဗျာ။

အသက် ၁၃နှစ်မှ ၁၅နှစ်အရွယ် ယောက်ျားလေးများမှာ ညအိပ်ပျော်နေစဉ် လိင်အင်္ဂါ (လိင်တံ) တောင့်တင်းမှု ပျမ်းမျှလေးကြိမ်ခန့် ဖြစ်တတ်ပါတယ်။ ညအိပ်ပျော်စဉ် သုတ်လွှတ်ခြင်း Nocturnal Emission/Wet dreams ဟာလည်း ၈ဝရာခိုင်နှုန်းသော အမျိုးသားများမှာ ဖြစ်လေ့ရှိပါတယ်။

ဆရာ ကြားဖြတ်မေးပါရစေ။ အဲဒီလိုဖြစ်တာ ကျန်းမာရေးအတွက် ထိခိုက်နိုင်ပါသလား။

ဒါဟာ ဇီဝကမ္မဖြစ်စဉ်များ၏ အစိတ်အပိုင်းတစ်ခုလို့ ဆိုနိုင်ပါတယ်။ ဆိုလိုချင်တာ သဘာဝ ဖြစ်စဉ်တစ်ခုပါ။ ကျန်းမာရေးအတွက် အန္တရာယ် မရှိပါဘူး။

စိတ်ဖြေဖျောက်မှုနဲ့ ပတ်သက်ပြီး ပြောပြပါဦးဆရာ။

လူငယ်လူရွယ်တွေ စိတ်ဖြေဖျောက်မှု ပြုလုပ်ကြတယ်။ ဒါကို ညစ်ပတ်တဲ့ အပြုအမူ၊ အပြစ်မကင်းတဲ့ အပြုအမူ၊ ကျန်းမာရေးကို ထိခိုက်စေတယ်၊ အသက်တိုစေတယ် စသည်ဖြင့် အထင်အမြင် မှားယွင်းမှုတွေ ရှိပါတယ်။ စိတ်ဖြေဖျောက်ခြင်းဟာလည်း သဘာဝ ဖြစ်ရိုးဖြစ်စဉ် ကိစ္စတစ်ခုပါပဲ။

အမျိုးသား ၁ဝဝ မှာ ၉၅ ယောက်ဟာ စိတ်ဖြေဖျောက်မှု ကိုယ်တိုင်ပြုခဲ့ဖူးသူများ ဖြစ်ကြပါတယ်။ နေ့စဉ်ပြုလုပ်သူများရှိသလို တစ်လ တစ်ကြိမ်လောက်ပဲ ပြုလုပ်တတ်သူတွေ ရှိပါတယ်။ ဆယ်ကျော်သက်များမှာ အများဆုံး တွေ့ရပါတယ်။ အဲဒီကိစ္စဟာ ကျန်းမာရေးအတွက် ထိခိုက်စေခြင်း မရှိပါဘူး။

ဆရာခင်ဗျား ကျွန်တော့်မေးခွန်းရိုင်းသွားရင် ခွင့်လွှတ်ပေးပါ။ အမျိုးသားတစ်ယောက်ရဲ့ လိင်အင်္ဂါ အရွယ်အစားဘယ်လောက်ရှိသလဲ သိချင်ပါတယ်။

ဒါကတော့ လူမျိုးတစ်မျိုးနဲ့ တစ်မျိုး၊ ခန္ဓာကိုယ် အချိုးအစားအလိုက် ကွဲပြားမှုတွေ ရှိနိုင်ပါတယ်။ အတိအကျပြောဖို့ ခက်ပါတယ်။ အကြမ်းသဘောပြောရရင် သာမန် အချိန်မှာ အရှည်အားဖြင့် ၅စင်တီမီတာမှ ၉စင်တီမီတာကြား ဖြစ်ပါတယ်။

တစ်ဆက်တည်း မေးပါရစေဦး ခင်ဗျား၊ လိင်အင်္ဂါအရေပြား ဖြတ်တာ ကောင်းပါသလား ခင်ဗျာ။

ဆေးပညာရှုထောင့်အရ ကျန်းမာရေးအတွက် ပြောရင်တော့ ကောင်းပါတယ်။ ကာယကံရှင်ကိုယ်တိုင်အတွက် ကောင်းသလို ဇနီးမယားအတွက်ပါ ကောင်းပါတယ်။