တရုတ်တက္ကသိုလ်များ ကမ္ဘာအဆင့် တက္ကသိုလ်များနှင့် ရင်ဘောင်တန်းနိုင်ရန် ကြိုးပမ်း

ဦးလှမြင့်(မားကက်တင်း)

တရုတ်နိုင်ငံသည် စီးပွားရေးဖွံ့ဖြိုးတိုးတက်မှုနှုန်း တွင် ဆယ်ဂဏန်းရှိနေခြင်းနှင့် ၂ဝဝ၈ခုနှစ်၊ အိုလံပစ် အားကစားကျင်းပခွင့်ရခြင်းတို့ကြောင့် ဂုဏ်ယူနေရ သော်လည်း ပြည်တွင်း၌အလွန်အရေးကြီးသည်ဟု ယူဆထားသည့်ပညာရေးနယ်ပယ်တွင် နောက်ကျနေ ကြောင်းခံစားမိသည်။ တရုတ်နိုင်ငံသည် ပညာရေး အပေါ်တွင် အလေးအနက်ထားသော်လည်း နိုင်ငံ၏ တက္ကသိုလ်များသည် ကမ္ဘာ့အကောင်းဆုံးတက္ကသိုလ် များနှင့်နှိုင်းယှဉ်လိုက်သည့်အခါ ညံ့နေသေးသည်။

၁၉၈၈ခုနှစ်၊ မေလတွင် တရုတ်နိုင်ငံ၏သမ္မတ ကျန်ဇီမင်းက နိုင်ငံ၏သက်တမ်းအရင့်ဆုံး တက္ကသိုလ် များထဲမှတစ်ခုဖြစ်သည့် ပီကင်းတက္ကသိုလ်၏ နှစ်၁ဝဝ ပြည့်ဂုဏ်ပြုပွဲတွင် ‘နိုင်ငံခေတ်မီရေးအစီအစဉ်ကို အကောင်အထည်ဖော်ရာတွင် တရုတ်နိုင်ငံ၌ နိုင်ငံ တကာအဆင့် ကျော်ကြားထင်ရှားသည့်တက္ကသိုလ် လက်တစ်ဆုပ်စာမျှလောက်တော့ရှိရမည်’ ဟုမိန့်ကြား သွားသည်။

သမ္မတမိန့်ခွန်းပြီးနောက် နိုင်ငံဂုဏ်ဆောင် တရုတ်တက္ကသိုလ်အတော်များများက ကမ္ဘာ့ထိပ်တန်း တက္ကသိုလ်များအဆင့်တက်လှမ်းရန် ကြီးမားသည့် ရည်မှန်းချက်ပန်းတိုင်များကိုတင်ပြလာသည်။ ပမာ အားဖြင့် တရုတ်နိုင်ငံ\MIT ဖြစ်သည့် ဆင်ဟွာ တက္ကသိုလ်(Tsinghua University)သည် ယင်း၏ နှစ်၁ဝဝမြောက်ပြည့်သည့် ၂ဝ၁၁ခုနှစ်တွင် ကမ္ဘာ့ထိပ် တန်းတက္ကသိုလ်များစာရင်းဝင်ရန် စီမံချက်တစ်ရပ်ကို ကြေညာခဲ့သည်။

ဆင်ဟွာတက္ကသိုလ်၏ရည်မှန်းချက်ပန်းတိုင်ကို ပထမဆုံးချမှတ်ပေးသူနှင့် တက္ကသိုလ်ဥက္ကဋ္ဌဟောင်း ဖြစ်သူ ဝမ်ဒေဟွန်းက ‘ထိပ်တန်းအဆင့် တက္ကသိုလ် များတည်ဆောက်ခြင်းက တရုတ်နိုင်ငံရဲ့အဆင့်မြင့် ပညာရေးတစ်ခုလုံးကို ပိုမိုမြင့်မားတဲ့ အဆင့်တစ်ဆင့် သို့တွန်းတင်ပေးရုံမျှမက တရုတ်နိုင်ငံ၏အမျိုးသားအင် အား၊ နိုင်ငံတကာနှင့်ယှဉ်ပြိုင်မှုနှင့်စဉ်ဆက်မပြတ်စီး ပွားရေးနှင့်လူမှုရေးတိုးတက်ဖြစ်ထွန်းမှုကို မြှင့်တင်ရာ မှာ မဟာဗျူဟာကျတဲ့အရေးပါမှုရှိနေပါတယ်’ ဟု ပြောသည်။

ရှန်ဟဲအခြေစိုက် ဖူဒန်တက္ကသိုလ်၏ ဥက္ကဋ္ဌ ဟောင်းနှင့် ဗြိတိန်ရှိ နော်တင်ဟမ် တက္ကသိုလ်၏ အဓိ ပတိဖြစ်သူ ယန်းဖူဂျီယာက ၁၉၉ဝပြည့်လွန်နှစ်များ နှောင်းပိုင်းမှစပြီး တရုတ်တက္ကသိုလ်များ၏တိုးတက် မှုနှုန်းမှာလျင်မြန်လှသည့်အတွက် ကမ္ဘာ့အကောင်း ဆုံးတက္ကသိုလ်များအဆင့်သို့ တက်လှမ်းရေးသည် အိပ်မက်တစ်ခုမျှ မဟုတ်တော့ပါဟုပြောသည်။

‘တရုတ်တက္ကသိုလ်များက ဘာသာရပ်ဆိုင်ရာ နှင့်နည်းပညာသုတေသနအရာတွေမှာ ကမ္ဘာ့ထိပ် တန်းတက္ကသိုလ်များနှင့် ရင်ဘောင်တန်းမလိုက်နိုင် သေးပါ။ သို့သော် ပညာအဆင့်အတန်းအနေနှင့် တက္ကသိုလ်တချို့က ကမ္ဘာ့အကောင်းဆုံးတက္ကသိုလ် များရဲ့စံချိန်တော့မီလာနေပါပြီ’ ဟုယန်းဖူဂျီယာက ပြောသည်။

တရုတ်နိုင်ငံ၏နှစ်စဉ်အထက်တန်းကျောင်း အောင်သူများသည် ကြီးမားသည့်စွမ်းအားအစုအဝေး ကြီးဖြစ်လာနေသည်။ ယင်းတို့အတွက်ပထမတန်းစား တက္ကသိုလ်များနှင့်အဆင့်မြင့်ပညာသင်ကြားရေးဌာန များတည်ထောင်ပေးရန် ပို၍အရေးတကြီး လိုအပ် လာသည်။ ထူးချွန်ပြောင်မြောက်သည့်တက္ကသိုလ် များဆိုသည် ‘ကျိုအိုးများ’ နှင့်တူသည်။ သံကောင်းမှ သံမဏိကောင်းထုတ်လုပ်ပေးသည့်ကျိုအိုးများနှင့် မခြားပါဟု ယန်းကထောက်ပြသည်။

အားတက်စရာမရှိသေး

၂ဝဝ၇ခုနှစ်၊ ဧပြီလတွင် ဝူဟန်တက္ကသိုလ်၏ တရုတ်သိပ္ပံပညာအကဲဖြတ်မှုသုတေသနဌာနကကမ္ဘာ့ တက္ကသိုလ်များ၏အဆင့်သတ်မှတ်ချက်စာရင်းကိုထုတ် ပြန်ခဲ့သည်။ ယင်းစာရင်းအရ ပီကင်းတက္ကသိုလ် (Peking University)က အဆင့် ၁၉၂ရှိပြီး ဆင်ဟွာ တက္ကသိုလ်က၁၉၆နေရာမှာရှိသည်။ မနှစ်ကကြေညာ ခဲ့သည့်စာရင်းနှင့်စာလျှင် အဆင့်၆၁နှင့်၆၈ နေရာ တက်လာခဲ့ခြင်းဖြစ်သည်။ ယင်းအချိန်ထက်စောပြီး ထုတ်ပြန်သည့်နယူးစ်ဝိခ်၏အဆင့်သတ်မှတ်ချက် စာရင်းတွင် ထိပ်တန်းတက္ကသိုလ်၁ဝဝ၌ တရုတ် တက္ကသိုလ် တစ်ခုမျှမပါချေ။

‘ခေတ်မီပညာရေးစနစ်တည်ဆောက်ရေးဘက် မှာ အကဲဖြတ်မယ်ဆိုရင် တရုတ်တက္ကသိုလ်များက ကမ္ဘာ့ထိပ်တန်း တက္ကသိုလ်များနောက် ကျန်ရစ်နေ ဆဲပဲဖြစ်တယ်’ ဟု ပြောလိုက်သူမှာ ဘေဂျင်းနည်း ပညာတက္ကသိုလ်(BIT)မှ ပါမောက္ခယန်းဒေါင်ပင်ဖြစ် ပါသည်။

ကမ္ဘာ့အဆင့် တက္ကသိုလ်ဖြစ်ရေးအတွက် လုပ်ကိုင်နေပုံ

ကမ္ဘာ့အဆင့် တက္ကသိုလ်များတည်ဆောက်ရန် ဆန္ဒဇောဖြင့်တက္ကသိုလ်အများအပြားကငွေအမြောက် အမြားချေးယူပြီး တက္ကသိုလ်ပရဝဏ်တိုးချဲ့ခြင်းနှင့် အဆောက်အအုံ၊ ဓာတ်ခွဲခန်းစသည်တို့ကို အသစ် ဆောက်လုပ်ကြသည်။ သို့ဖြင့် တက္ကသိုလ်အချို့မှာ ချွတ်ခြုံကျလုနီးအခြေသို့ရောက်သွားသည်။ ဘဏ္ဍာ ရေးအခက်အခဲကိုထေမိစေရန် တက္ကသိုလ်တချို့က ကျောင်းလခကိုတိုးမြှင့်ကောက်ခံသည်။ တချို့က ကျောင်းသားဦးရေတိုးချဲ့လက်ခံသည်။ သို့ဖြင့် ပညာ အရည်အသွေးနိမ့်ကျလာစရာရှိနေသည့်အတွက် စိုးရိမ်မှုကိုဖြစ်စေသည်။

တက္ကသိုလ်တချို့က သင်ကြားရေးနှင့် သုတေ သနဘက်တွင် ဂုဏ်ယူဝင့်ကြွားနိုင်စေရန် ၎င်းတို့၏ သင်ကြားရေးဝန်ထမ်းများ(ဆရာ၊ ဆရာမများ)ကို သုတေသနစာတမ်းများ ပိုမိုထွက်ရှိအောင် တွန်းအား ပေးနေကြသည်။ တချို့တက္ကသိုလ်များဆိုလျှင် ဆရာ၊ ဆရာမများ၏အကျိုးခံစားခွင့်၊ ဆုကြေးများနှင့် သုတေသနစာတမ်းအရေအတွက်ကိုချိတ်ဆက်ထား ခြင်းမျိုးပင်ရှိသည်။ ယင်းနည်းသည် တချို့နေရာတွင် အတုအယောင်စာတမ်းများဖြစ်ပေါ်မှုကို ဖန်တီးပေး သလိုရှိနေသည်။ သိပ္ပံသုတေသနများမှာ ဆန်းသစ် တီထွင်မှုမရှိလှ။ နိုင်ငံတကာအပေါ် ရိုက်ခတ်လွှမ်းမိုးမှု လည်းရှိခဲသည်ဟုဆိုသည်။

အားနည်းချို့ယွင်းချက်များ

တက္ကသိုလ်ဟူသည် ယဉ်ကျေးသည့် လူ့အဖွဲ့ အစည်း၏အကျိုးရလဒ်ဖြစ်ခြင်းကြောင့် ငွေကြေး သည် အဓိကကျသည့်အရာမဟုတ်။ တရုတ်နိုင်ငံတွင် ကမ္ဘာ့အဆင့်မီတက္ကသိုလ်များ ခေါင်းပါးရခြင်းမှာ ငွေ ကြေးရင်းနှီးမြှုပ်နှံမှုချို့တဲ့ခြင်းကြောင့်ဆိုသည့်သဘော တရားကို ပါမောက္ခယန်းကငြင်းဆိုသွားသည်။ တက္ကသိုလ်များ အဓိကလိုအပ်သည်က လွတ်လပ်စွာ ဆောင်ရွက်နိုင်သည့်စိတ်ဓာတ်ပင်ဖြစ်ကြောင်း သူက ယုံကြည်သည်။

တက္ကသိုလ်တစ်ခုသည် အနှစ်သာရအားဖြင့် ပညာရှင်များ(scholars)ပါဝင်သည့် ကိုယ်ပိုင်အုပ် ချုပ်ရေးအဖွဲ့ပင်ဖြစ်ကြောင်း၊ ယင်းသည်ပင် ခေတ် သစ်ပညာရေးစနစ်၏ မဏ္ဍိုင်ဖြစ်ကြောင်း ပါမောက္ခ ယန်းကရှင်းပြသည်။ သို့သော် တရုတ်တက္ကသိုလ်များ ၏စီမံကွပ်ကဲမှုတွင်သဘောတရား အရောင်ဆိုးခြင်း များရှိနေသည်။ တက္ကသိုလ်များတွင်ပညာရှင်များ၏ အဆင့်နိမ့်ကျနေမှုကြောင့်လူငယ်ပညာရှင်တချို့သည် ၎င်းတို့အတွက် အလားအလာရှိနိုင်မည့်သင်ကြားရေး အသက်မွေးဝမ်းကျောင်းအလုပ်ကိုစွန့်ပစ်ပြီးအခြား ဌာနများသို့ ဦးလှည့်နေကြသည်။

ကွပ်ကဲမှုစနစ် ပြောင်းလဲရမည်

ပညာရေးဘက်တွင် ကျွမ်းကျင်သူတချို့၏အလို အရ တရုတ်နိုင်ငံတွင် ပထမတန်းစားတက္ကသိုလ် များတည်ထောင်ရန် အဓိကသော့ချက်မှာ အုပ်ချုပ် ရေးမှူးကြီးစိုးသည့်စနစ်မှပညာရှင်ကြီးစိုးသည့်စနစ်သို့ ကူးပြောင်းရေးပင်ဖြစ်သည်ဟုယုံကြည်သည်။ ထိုသို့ လုပ်ဆောင်ရန်မှာ ပြဿနာနှစ်ရပ်ကို ဖြေရှင်းရမည် ဖြစ်သည်။ ပထမအချက်မှာ တက္ကသိုလ်များကို လွတ်လပ်စွာ ဘယ်လိုစီမံကွပ်ကဲမည်၊ နှစ်အချက်မှာ သင်ကြားရေးဝန်ထမ်းများအား ခန့်အပ်ရာတွင် မျှတ မှုရှိရန်၊ ထင်သာမြင်သာဖြစ်ရန် ဘယ်ကဲ့သို့ ဖန်တီး စီစဉ်မည်၊ ၎င်းတို့၏သင်ကြားမှုဘက်တွင် လုပ်ဆောင် ရည်ကို ဘယ်လိုအကဲဖြတ်မည်ဆိုခြင်းပင်။

အနည်းငယ်မျှသော တက္ကသိုလ်များကအထက် ဖော်ပြပါလမ်းကြောင်းအတိုင်း ပြုပြင်ပြောင်းလဲမှု များကို စတင်နေပြီဖြစ်သည်။ ပမာအားဖြင့် ဆင်ဟွာ တက္ကသိုလ်သည် ပညာရှင်များနှင့်ပါမောက္ခများကိုစီမံ ကွပ်ကဲရေးအပိုင်းတွင် ပိုမိုတက်ကြွစွာ ပါဝင်လုပ် ဆောင်ရန် ဖိတ်ခေါ်လျက်ရှိနေကြောင်းပါ။

Ref:Beijing Review, Sept 6,2007.