အပြတ်သားနားလိုလျှင် နမ်းလည်းနမ်း၊ ချွေးလည်းထွက်

မောင်စူးစမ်း

စင်ကာပူစာအုပ်ဆိုင်

စာရေးသူသည် စင်ကာပူ အော် ချပ်လမ်း ‘ဘော်ဒါ’ စာအုပ်ဆိုင်ရှိ စင် တစ်စင်ရှေ့တွင် စာအုပ်တစ်အုပ်ကို ဝယ်ရကောင်းနိုးနိုးဖြင့် ဇဝေဇဝါဖြစ်နေ သည်။ စာအုပ်ထူထူ ခပ်ကြီးကြီးကြား ထဲ တစ်ထွာတောင်မရှိ၊ အနက်ရောင် စာအုပ်ငယ်ငယ်ကလေးက စာရေးသူ အား ‘မြည်းကြည့်လေ’ လို့ဖိတ်ခေါ်နေ ဘိသကဲ့သို့။ သူ့ထက် စိတ်ဝင်စားစရာ ကောင်းသည့်စာအုပ်တွေကြားထဲ စာ ရေးသူအား မျက်စပစ်ပြနေသဖြင့် မတ်တပ်ရပ်ရင်းစာအုပ်ကိုမြည်းကြည့် လိုက်သည်။

မာတိကာဖတ်ကြည့်လိုက်က တည်းက စာသားတွေကအတော် ‘မိုက်’ နေသဖြင့် တော်တော်များများ လျှောက်ဖတ်ကြည့်မိသည်။ စကားလုံး တွေက အတော်ပြောင်မြောက်သည်။ စူးစူးရဲရဲဖြစ်သည်၊ တစ်တစ်ခွခွဖြစ် သည်၊ ဒိန်းခနဲ၊ ခွပ်ခနဲ ဦးနှောက်ကို ပစ်သည်၊ မျက်လုံးပြူးပြူးသွားသည်။ ပညာတွင် ရင်းနှီးမြှုပ်နှံခြင်းမဟုတ်။ ချွေးမှာ ရင်းနှီးမြှုပ်နှံခြင်းဖြစ်သည်။ ဘာပြောပါလိမ့်ဟု စာရေးသူ၏သိလို စိတ်ကိုဆွလိုက်သည်။ မြန်မာတွေပြော လေ့ရှိသော ‘သွေးနှင့်ချွေးနှင့်ရင်းနှီး သည်’ ဆိုသောစကားကို သွားသတိရ မိလိုက်သည်။

ပညာခေတ်တွင် စီးပွားရေးဘိဇ နက်လုပ်လျှင် ပညာရေးအရေးကြီး သည်ဟုပြောသံကြားနေရစဉ်၌ ‘ချွေး ၌ ရင်းနှီးပါ၊ ပညာရေး၌ မရင်းနှီးနဲ့’ (invest in perspiration, not education) ဟု လမ်းညွှန်သံကိုကြားမိ လိုက်သဖြင့် အံ့ဩသွားသည်။ ချွေး တွင် ရင်းနှီးခိုင်းထားသဖြင့် ကာယ အလုပ်သမားအကြောင်းပေပဲလားဟု တွေးထင်လိုက်သည်၊ မဟုတ်ပေ။ စွန့် ဦးတီထွင်သူအကြောင်းဖြစ်သည်။

ကျမ်းရှင်ကရော့ဘ်ရွမ်းဖြစ် သည်။ ဘောလုံးအသင်းနည်းပြလို ဘိ ဇနက်နည်းပြဖြစ်သည်။ နည်းပြမှာမှ စွန့်ဦးတီထွင်သူတို့ကိုလေ့ကျင့်ပေး သော နည်းပြဖြစ်သည်။ သူကစာအုပ် မိတ်ဆက်ခန်းကစပြီး နည်းလမ်းတို့ဖြင့် လှန့်သည်။ ဥပမာ-’တစ်ခုခုအသစ် အဆန်းပြုလုပ်ပါ၊ သို့တည်းမဟုတ် အဟောင်းတစ်ခုခုကိုကိုင်တွယ်ပါ’ ဟု ပြောပုံမျိုး။

မီဒီယာ စန်းတင်ခြင်း

ရော့ဘ်ရွမ်းက tackle something old ဟူ၍သုံးနှုန်းထားသဖြင့် tackleဆိုသောဝေါဟာရ၏အဓိပ္ပာယ် တို့ကို ရှာကြည့်သည်။ (၁) ကိုင်တွယ် သည်၊ အရေးယူသည်၊ (၂) တစ်ဖက် လူ ဘောလုံးသယ်လာသည်ကို ဝင်လု သည်၊ ဘောလုံးသယ်လာသူကို လိုက် ဖမ်းသည်၊ (၃)ဆိုင်ရှင်းသည်၊ ဖျက် ထုတ်သည်၊ ဝင်လုံးသည်၊ အဝင်၊ အလု၊ အဖမ်းကောင်းသည် စသည် ဖြင့်အဓိပ္ပာယ်တွေမျိုးစုံကိုတွေ့သည်။ ဤအဓိပ္ပာယ်တို့အတိုင်းဆိုလျှင် အဟောင်းသည် သက်သာစရာမရှိ ပေ၊ အတော်ခံရမည်။

စာရေးသူ စိတ်အဝင်စားဆုံး အလှန့်မှာ စွန့်ဦးတီထွင်သူတို့ အကြောင်းကို မီဒီယာတို့ကစန်းတင် ခြင်းအား အလေးမမူ၊ ဂရုမစိုက်ရန် နှိုး ဆော်ထားသောအချက်ဖြစ်သည်။ disregard media hype about entrepreneurs ဟု ရေးသည်။ ဤ သို့လှန့်ရာ၌ မေးခွန်းတစ်ပုဒ်မေးသည်။ ‘စွန့်ဦးတီထွင်သူတို့သည် အထူးစပါယ် ရှယ်လူတွေလား’ ဟူ၍မေးသည်။ ‘ဟုတ်သည်၊ ရက်စ်’ ဟု ဖြေငြားအံ့။ မှားသည်ဟု လှန့်သူကပြောသည်။

စွန့်ဦးတီထွင်သူတို့သည် စပါယ် ရှယ်လူသားတွေမဟုတ်ပေ။ သို့သော် မီဒီယာတို့က စွန့်ဦးတီထွင်သူတို့ အကြောင်းကို ဇာတ်လမ်းအမျိုးမျိုးဖွဲ့ နွဲ့ရေးကြသည်။ စွန့်ဦးတီထွင်သူတို့ သည် ထူးခြားသောပုဂ္ဂိုလ်တွေဖြစ်ဟန် ရေးသည်။ အခြားလူသားလောကမှ အုပ်သင်းခွဲထွက်သူတွေဖြစ်ဟန် ပုံ ပြောသည်။ မီဒီယာတိုိ့သည် စွန့်ဦးတီ ထွင်သူအား ငယ်စဉ်ကပင် ကြိုးစား အောင်မြင်သူတွေအဖြစ် ဇာတ်လမ်း ဖွဲ့လိုသည်။ နွေရာသီ၌ ကျောင်းသား ချင်း ရေခဲရေရောင်းသည်၊ ငယ်စဉ် ကပင် ကြံရည်ဖန်ရည်ရှိပြီး ကိတ်မုန့် ဖုတ်ပြီး သူငယ်ချင်းတို့၏မိဘများထံ လည်ရောင်းသည်။

မီဒီယာတို့ကပြောသော ပုံပြင်တို့ သည် အကောင်းတွေချည်းဖြစ်သည်။ များသောအားဖြင့် အစစ်အမှန်တွေ မဟုတ်ဘဲ ဒဏ္ဍာရီတွေဖြစ်သည်။ ကျမ်းရှင်က မီဒီယာတို့က စန်းတင် သောပုံပြင်တို့ကို သူမဖတ်ဟုပြောပြ သည်။

အနမ်းနှင့်လူအစစ်

စာအုပ်ဆိုင်၌ စာမြည်းကြည့် သည့်အခါ လူတို့သည် မာတိကာမှ စ၍ မြည်းကြည့်လေ့ရှိသည်။ အခန်း တွေကစုံသည်။ ထိုအထဲ လူငှားခြင်း အကြောင်းလည်း ကဏ္ဍတစ်ရပ်အဖြစ် ပါသည်။ ခေါင်းစဉ်ကရဲသည်။ ‘နဂိုစိတ် ရင်း၊ ပင်ကိုစရိုက်အတွက် ငှားပါ၊ အရည်အချင်းအတွက် မငှားပါနဲ့’ ဟု ပြောင်ပြောင်မြောက်မြောက်ရေးထား သည်။ hire temperament, not qualification ဟုဆိုထားသည်။ လူ ငှားလျှင် လုပ်ရည်ကိုင်ရည်အရည် အချင်းကို ကြည့်လေ့ကြည့်ထရှိကြရာ ယခုအရည်အချင်းထက် နဂိုစိတ်ရင်း ကိုအလေးပေးထားသည့်အတွက် ‘တစ်မျိုးပါလား’ ဟု စာရေးသူစိတ်ထဲ ချက်ချင်းခံစားမိလိုက်သည်။ သမား ရိုးကျ ရှေးရိုးအတွေးမဟုတ်မှန်းတော့ သတိထားမိလိုက်သည်။

‘အနမ်း’ အခန်းလည်းပါသည်။ ဤအနမ်းကိုလည်း စာလုံးကြီး KISS ဖြင့် ရေးသားထားသဖြင့် အနမ်းကို အတော်အလေးပေးထားပုံရသည်။ ကျမ်းရှင်က ဘယ်သူ့ကိုမှ နမ်းခိုင်းသည် မဟုတ်။ ကိန်းဂဏန်းတို့ကို နမ်းခိုင်း ခြင်းဖြစ်သည်။ KISS the numbers ဟု ဆိုသည်။ ကိန်းဂဏန်းတို့ကိုနမ်း ခိုင်းကတည်းက စွန့်ဦးတီထွင်သူသည် စာရင်းဇယားတို့အပေါ် အတော်ချစ် မြတ်နိုးရမည်ဟုဆိုလိုကြောင်းသဘော ပေါက်လိုက်သည်။ စာရင်းဇယားတို့ကို အဘယ်ပုံ ချစ်မြတ်နိုးရမည်ကိုသက် ဆိုင်ရာအခန်း၌ အကျယ်ရှင်းပြထား ပါလိမ့်မည်။

အခြား စူးရဲသည့်ခေါင်းစဉ်တစ်ခု ကလည်း စာရေးသူဦးနှောက်ထဲမီးနှင့် ပစ်သွင်းသလိုဖြစ်သွားသည်။ ‘လူစစ်၊ လူမှန်ဖြစ်ပါစေ၊ ဘိဇနက်လူ မဖြစ်ပါ စေနှင့်’ တဲ့။ be a real person, not a business person ဟုဆို ထားသည်။ ‘ဘယ့်နှယ့်လဲဗျာ၊ ဘိဇ နက်လုပ်သူကို ဘိဇနက်လူမဖြစ်စေဖို့ ဘာ့ကြောင့်များ သတိပေးရပါသလဲ၊ တကယ့်လူနှင့် ဘိဇနက်လူ ဘာများ ခြားနားလို့လဲ’ စသည်ဖြင့် မေးခွန်းတွေ မေးကြည့်မိသည်။

စွန့်ဦးတီထွင်သူသည် အနက် အဓိပ္ပာယ်ဖွင့်ဆိုမှုအရ စွန့်ရဲသူဖြစ်၍ မိုက်ရသည်။ စွန့်ဦးတီထွင်သူ အကြောင်းရေးသူ သို့မဟုတ် စွန့်ဦး တီထွင်သူတို့ကို နည်းပြလုပ်သူက ပိုပြီး မိုက်ပြရသည်။ ကြည့်လေ၊ သူ၏ စကားချီးက ‘လာပါ၊ ဝန်ခံပါ’ တဲ့။ ဘာ ကို ဝန်ခံရမှန်းမသိ၍ ဆက်ဖတ်ကြည့် ရာ ‘စွန့်ဦးတီထွင်သူ ဖြစ်ရမည်ဆိုသော အိုင်ဒီယာသည်လည်းကောင်း၊ မိမိ သည်ပင်လျှင် မိမိဘော့စ်ဖြစ်ရမည်ဆို သော အိုင်ဒီယာသည်လည်းကောင်း အပြတ်သားနားသည်’ ဟု ရေးသား ထားသည်။

cool လို့ သုံးနှုန်းထားသဖြင့် စကားအဆက်အစပ်ကိုကြည့်ပြီး လူ ငယ်တွေပြောသော ဗန်းစကား ‘အပြတ်သားနားတယ်’ ဆိုသော အနက်အဓိပ္ပာယ်ကိုယူ၍ နားလည် လိုက်ရသည်။ ကိုယ်ပိုင်လုပ်ငန်းထူ ထောင်သည်ဆိုသည်မှာ ခေတ်စားနေ သောကော်ပိုရိတ်ဘိဇနက်မှ လမ်းခွဲ ထွက်ရခြင်းဖြစ်၍ အပြတ်သားနား သည်ဟုဆိုနိုင်သည်။ ကိုယ်ပိုင် လုပ်ငန်းလုပ်ခြင်းသည် ‘မိမိသည်ပင် မိမိဘော့စ်-your own boss ‘ ပြုခြင်း ဖြစ်၍ အပြတ်သားနားသည်လို့လည်း ဆိုနိုင်ပုံရသည်။

သို့ဖြင့် စာရေးသူသည် စာအုပ် ၏မာတိကာကို လှန်လှောကြည့်ပြီး နောက် စာအုပ်အပိုဖုံး နောက်ကျော နှင့် အတွင်းခေါက်ချိုးတို့တွင် ဖော်ပြ ထားသော စာအုပ်ဝေဖန်ချက်အတို အထွာတို့ကိုဖတ်ကြည့်သည်။ စာအုပ် ဝေဖန်သူတို့ကလည်း ကျမ်းရှင် လောက်ပင်မိုက်သည်၊ ရဲသည်။ ‘ကိုယ့် ဘော့စ်ကို ထုတ်ပစ်ပြီး ကိုယ့်လုပ်ငန်း ကိုယ်လုပ်ချင်လျှင် ဒီစာအုပ်ကိုဖတ် ပါ’ ဟုရေးထားသည်။ ကိုယ့်ဒူးကိုယ် ချွန်လိုလျှင် ဘော့စ်နှင့်လမ်းခွဲရမည် ဟုဆိုလိုဟန် တူသည်။ စာအုပ်ဝေဖန် သူအခြားတစ်ဦးက ‘ဤစာအုပ်သည် စည်းမျဉ်းတို့ကို ဘယ်နေရာမှာ ချိုး ဖောက်ရမည်နည်းဟု နည်းလမ်းနှင့် လမ်းညွှန်တွေ ပြထားသည်’ ဟုရေး သားသည်။

ဒါနဲ့ပဲ စာမြည်းပြီး စာရေးသူ လည်း ရော့ဘ်ရွမ်းရေးသည့် The Rules of Entrepreneurships စာအုပ်ကို မိုက်လို၍ဝယ်လိုက်သည်။