သူစိမ်း

မင်းခိုက်စိုးစန်

(တစ်)

ကျွန်တော်သည် ကြောင်တစ်ကောင်ဖြစ်ပါသည်။ ပိုပြီး တိတိကျကျ ပြောရလျှင် ကျွန်တော်သည်
ကိုယ့်ကို ချစ်ခင်ယုယသူများ၏ လက်ပေါ်တွင် အပျင်းကြီးနေသည့် ကြောင်တစ်ကောင် ဖြစ်ပါသည်။

ခြင်္သေ့များ၊ ကျားများနှင့် ကျားသစ်များသည် ကြောင်ကြီးမျိုးနွယ်ဝင်အုပ်စုထဲတွင်
ပါဝင်သည်ဟူသော သတ္တဗေဒပါရဂူတို့၏ အဆိုအရ ကျွန်တော်သည် အဆိုပါ ]]အကောင်ကြီးများ}}နှင့်
အလိုလို နေရင်းဆွေမျိုးတော်စပ်နေသူလည်း ဖြစ်ပါသည်။

သို့သော်.. ကြောင်တစ်ကောင်သည် ဘယ်တုန်းကမှ ခြင်္သေ့လိုဟိန်းရန် ဟောက်ရန်
ကြိုးစားခဲ့ဖူးခြင်းမရှိသည်ကို သင်သတိထားမိပါသလား။..

စကားစပ်မိ၍ ပြောရလျှင် သင်ကော ကျွန်တော်ပါ နပိုလီယန်ကိုကောင်းစွာ သိကြသော်လည်း
]]နပိုလီယန်၏ယောက်ဖ}} အမည်ကို ( ဘယ်..သမိုင်းစာမျက်နှာကမှ မော်ကွန်းမထိုးခဲ့သောကြောင့်
) မသိခဲ့ကြပါ။ ထို့အတူ ]]အိုင်းစတိုင်း}} ကိုသိသော်လည်း အိုင်းစတိုင်း၏ မယားဘက်က
ပါသော တူတစ်ဝမ်းကွဲ၏အမည်ကို ဘယ်သူကမှ ကြားဖူးလိမ့်မည်မဟုတ်တာ သေချာပါသည်။

(ကျွန်တော့် အယူအဆကို သင်နားထောင်လိုမည် ဆိုပါက လောက၌ လူတို့မလိုအပ်ဘဲ လျှောက်လုပ်နေကြသော
ကိစ္စများ အနက်ဆွေမျိုးစပ်ခြင်းအလုပ်သည် မင်္ဂလာဆောင် အခမ်းအနားကျင်းပပုံမျိုးနှင့်
ခပ်ဆင်ဆင်တူကြောင်း ပြောပြလိုပါသေးသည်။ အတော်ရှုပ်ရှုပ်ထွေးထွေး လုပ်ရသော
ကိစ္စဖြစ်ပြီး နောက်ပိုင်းတော့လည်း ဘာမှ မဟုတ်ပါ။)

နပိုလီယန်နှင့် ဆွေမျိုး တော်စပ်ရရုံမျှဖြင့် နပိုလီယန်လို ဟိန်းဟောက်တတ်ကြသော
]] လူ}}များ၊ အိုင်းစတိုင်းနှင့် ဆွေမျိုးတော်စပ်ရရုံမျှဖြင့် အိုင်းစတိုင်းလို
ဟိန်းဟောက်တတ်ကြသော ]]လူ}}များသည် လမ်းမှာ ကြောင်တစ်ကောင်နှင့် ဆုံလျှင်ဦးညွှတ်
အရိုအသေပေးသင့်ပါသည်။



(နှစ်)

ကျွန်တော်တို့သည် ငှက်ကုလားအုတ်တစ်ကောင် ဖြစ်ပါသည်။ အများသူငါ ပြောကြသော စကားအရ
ငှက်ကုလားအုတ်သည် ရန်သူကို မြင်သည်နှင့် တစ်ပြိုင်နက် သူတို့၏ ဦးခေါင်းများကို
သဲထဲတွင် ထိုးဝှက်ဖုံးကွယ်ထားလိုက်တတ်ကြောင်း သိရပါသည်။ မျက်စိများကို သဲဖုံးသွားသောကြောင့်
ရန်သူကို မမြင်ရတော့ငြားသည် တကယ်စင်စစ် ရန်သူမရှိတော့ခြင်းမဟုတ်ကြောင်း
နားလည်အောင် ခက်ခက်ခဲခဲရှင်းပြစရာမလိုအပ်လှသော်လည်း ( ငှက်ကုလားအုတ်များနှင့်
တချို့သော လူများအတွက်မူ) နားလည်ဖို့ အတော်ခက်ခဲကြောင်း သင် ခက်ခက်ခဲခဲ ကြိုးစားပြီးမှ
သဘောပေါက်ပါလိမ့်မည်။

]]Óဏ်မျက်စိကို ကျယ်ကျယ်ဖွင့်ထား}} မည်သူပြောခဲ့ပါသနည်း။

သင်သည် တစ်စုံတစ်ရာကို လေးခွဖြင့် ပစ်လိုပါက သင့်မျက်စိတစ်လုံးကိုတော့ ပိတ်ထားပြီးမှ
ချိ်န်ရန် လိုအပ်ပါလိမ့်မည်။ ကျေးဇူးပြု၍ မျက်စိများကို သိပ်ကျယ်ကျယ်မဖွင့်ပါနှင့်။


ဆယ်ထပ်တိုက်ပေါ်က ခုန်ချပြီး ကိုယ့်ကိုယ်ကိုယ်သတ်စေရန် သင်စိတ်ကူးထားပါလျှင်မူ
သင့်မျက်စိ နှစ်လုံးစလုံးကို စုံမှိတ်ထားလိုက်ခြင်းသည်သာအကောင်းဆုံး ဖြစ်ကြောင်း
ကျွန်တော်အကြံပေးလိုပါသည်။



(သုံး)



ကျွန်တော်သည် နှံကောင် တစ်ကောင်ဖြစ်ပါသည်။

လောလောဆယ်တွင် ကျွန်တော် အစာရေစာ ငတ်မွတ်လျက် ရှိပါသည်ဟု ပြောလျှင်သင်တို့အနေဖြင့်
]]ပုရွက်ဆိတ်နှင့်နှံကောင် }} ပုံပြင်ကို ချက်ချင်းသတိရကြလိမ့်မည် ထင်၏။

သင်ထင်ထားသည့် အတိုင်းပင်ဖြစ်ပါသည်။

ကျွန်တော့်ထံသို့ ပုရွက်ဆိတ်တစ်ကောင် ရောက်လာ၏။

]]သင့်အနေနဲ့ အချိန်ရှိတုံးကတော့ အစာစုဆောင်းတဲ့ အလုပ်ကို မလုပ်ဘဲ အချိန်ဖြုန်းနေခဲ့ပြီး
အခုမှ ကျွန်ုပ် စုဆောင်းထားတဲ့အစာတွေကို တောင်းဖို့ စိတ်မကူးပါနဲ့၊ မပေးနိုင်ဘူး}}


ဟုပြော၏။

ကျွန်တော်အတော်စိတ်ဆိုးသွားပါသည်။

ဘာဖြစ်လို့များ နီတိတွေ၊ ပုံပြင်တွေထဲကအတိုင်း အားလုံးက လိုက်ပြီး သရုပ်ဆောင်နေကြပါလိမ့်ဟ လည်းတွေးမိ၏။


တကယ်ဆိုလျှင် ထို ]]ပုရွက်ဆိတ်နှင့် နှံကောင်}} ပုံပြင်သည် အတော်ရယ်စရာ
ကောင်းပါသည်။

နှံကောင်က ဘယ်လိုအကြောင်းနှင့်မှ ပုရွက်ဆိတ် တစ်ကောင် ၏အစာကို တောင်းစားဖို့
မဖြစ်နိုင်ပါ။ ( စားသော အစာပုံစံချင်း မတူသောကြောင့် ဖြစ်ပါသည်။ )

နှံကောင်သည် အက်ကရီဒိုင်အီဒေး ( ဗခမငိငငိနေ) အုပ်စုဝင်
ပိုးမွှားတစ်မျိုးဖြစ်ပြီး သစ်ရွက်စိမ်းများနှင့် သစ်ပင်ငယ်တို့၏ ပင်စည်များကိုသာ
စားသောက်တတ်သော သတ္တ၀ါဖြစ်ပါသည်။

ပုရွက်ဆိတ်များမူ ဟိုင်မင်းနော့ပ်တဲရာ
(ံပာနညသစအနမေ) အုပ်စုဝင် ဖော်မစ်ဒီမျိုး
စိတ်ဖြစ်သောကြောင့် ပျားရည်၊သကြား၊ ထမင်းတို့ကဲ့သို့ အချိုရည်ပါသော ပစ္စည်း၊
အသားအစအနများနှင့် ပျကဲ့သို့သော ပိုးမွှားငယ်ကလေးများကို စားပါသည်။

ပုရွက်ဆိတ်လိုမျိုး အစာကိုကြိုကြိုတင်တင် မစုဆောင်းထားရကောင်းလားဟု
အပြစ်တင်နေသည့်အစား နှံကောင်စားသော အစားအစာသည် စုဆောင်းသိုလှောင်ထားရန် မဖြစ်နိုင်သော
သဘောသဘာဝ ရှိကြောင်း အရင် နားလည်အောင် ကြိုးစားသင့်ပါသည်။

]]ချွေတာ စုဆောင်း သူဌေးလောင်း}} ဆိုသည့်စကားကိုမှားသည်ဟု ကျွန်တော်ပစ်ပစ်ခါခါ
မပြောလိုပါ။ နှံကောင်အနေဖြင့် စုတတ်ဆောင်းတတ်မည်ဆိုလျှင် သစ်ရွက်ခြောက်များ၊
သစ်ပင်ဆွေးများကို ပိုင်ဆိုင်သော ဇောတိက တစ်ကောင်ဖြစ်လာနိုင်စရာ ရှိသည်ဟုသာဖြေတွေး
တွေးလိုက်ပါသည်။

ချွေတာ စုဆောင်းနိုင်ရန် အခွင့်အလမ်းနည်းပါးလွန်းလှသည့် ဘ၀များသည် လောကမှာ ရှိနေသေးသည့်အကြောင်း အခွင့်အလမ်းသာသည့် တစ်ချိန်ချိန်တွင် ကျွန်တော်ပုံပြင် တစ်ပုဒ်ရေးပါဦးမည်