လျှော့ဈေးနှင့်ရတိုင်း ဝယ်သူဝမ်းသာမယ်ထင်ပါသလား

ဦးလှမြင့်(မားကက်တင်း)

သတ်မှတ်ဈေးနှုန်းနှင့်ရောင်းတဲ့ ဆူပါ မားကက်များမှလွဲပြီး အရောင်းအဝယ်လုပ်တဲ့ နေရာတိုင်းမှာ ဈေးထဲမှ ကုန်စိမ်း၊ အသား၊ ငါးများမှစပြီး ကုမ္ပဏီများမှာ ရောင်းချတဲ့ကုန် ပစ္စည်းများကိုဝယ်ယူရာမှာ ဝယ်သူတွေက ဈေးဆစ်ကြတာ ဓမ္မတာပါပဲ။

ဈေးဆစ်တဲ့နေရာမှာလည်း တချို့က အသာအယာဈေးဆစ်တတ်ကြပေမဲ့ တချို့ ကျတော့ ပေကပ်ပြီး မရမက ဇွဲနပဲကြီးကြီးနဲ့ ဈေးဆစ်တတ်တာမျိုးလည်းတွေ့ရတယ်။ ဒီနေရာမှာဖြစ်ရပ်တစ်ခုကိုတင်ပြလိုပါတယ်။ တစ်ခါက သက်လတ်ပိုင်းအရွယ် အမျိုးသမီး တစ်ယောက် အရောင်းပြခန်းထဲဝင်လာပြီး ဘဏ်ငွေရေစက်အမျိုးအစားကိုကြည့်ပါတယ်။ ငွေရေစက်ကိုအသေအချာစိတ်ကြိုက်စမ်းသပ် စစ်ဆေးပြီးတဲ့နောက် ဈေးနှုန်းကိုမေးပါတယ်။ အဲဒီတုန်းက ယင်းစက်ရဲ့ဈေးနှုန်းက ၂၅သိန်း ဝန်းကျင်မှာရှိမယ်ထင်ပါတယ်။ အဲဒီအမျိုး သမီးက အနည်းဆုံးဈေးနှုန်းကိုမေးတယ်။ဒါနဲ့ အရောင်းဝန်ထမ်းအမျိုးသမီးက သက်ဆိုင် သူကိုမေးပြီး အနည်းဆုံးထားနိုင်မယ့်ဈေးကို ဖြေကြားလိုက်ပါတယ်။ ဒါနဲ့ သူစဉ်းစားလိုက် ပါဦးမယ်လို့ပြောပြီးထွက်သွားတယ်။ နောက် နှစ်ရက်၊ သုံးရက်အကြာလောက်မှာ ယင်းငွေ ရေစက်ကို နောက်ထပ်အမျိုးသမီးတစ်ဦး လာကြည့်ပြန်ပါတယ်။သူကလည်း အနိမ့်ဆုံး ရောင်းဈေးကိုမေးပြန်ပါတယ်။ အနိမ့်ဆုံး ဈေးကိုပြောပြီးတဲ့အခါမှာတော့ အဲဒီဈေး နှုန်းနဲ့ ၅သောင်းခွာပြီး ဈေးဆစ်တယ်။ အဲဒီ ဈေးနဲ့ရရင် အခုပဲယူမယ့်အကြောင်း ပြောပါ တယ်။ အရောင်းဝန်ထမ်းကလေးမကလည်း မရကြောင်းပြောပေမဲ့ သက်ဆိုင်ရာတာဝန်ခံ လူကြီးကို မေးပေးဖို့၊ အဲဒီဈေးနှုန်းမှမရရင် မဝယ်ဘူးလို့ပြောလာတာကြောင့် အရောင်း လက်မလွတ်သွားစေချင်လို့အရောင်းကလေးမ ကလည်းမေးပေးပါတယ်။ နောက်ဆုံးဆစ်တဲ့ ဈေးနဲ့ပဲ ရောင်းပေးလိုက်ရပါတယ်။ ဒါနဲ့ ပစ္စည်းပေးပို့ပြီးငွေသိမ်းဖို့လိပ်စာပေးပါတယ်။ လိပ်စာအတိုင်း ပစ္စည်းပေးအပ်တဲ့အခါကျမှ အဲဒီရုံးခန်းမှာ ယခင်နှစ်ရက်လောက်က ငွေ ရေစက်လာကြည့်ဖူးတဲ့အမျိုးသမီးကို အမှတ် မထင်တွေ့လိုက်ရတယ်လို့ ပစ္စည်းသွားရောက် ပို့တဲ့အရောင်းမိန်းကလေး ပြန်ပြောင်းပြောပြ လို့သိရပါတယ်။ ဒီလိုဖြစ်ရပ်မျိုး တော်တော် များများရှိနေတတ်ပါလိမ့်မယ်။

အဲဒီဝယ်သူကတော့ သူရလိုတဲ့ ဈေး နှုန်းနဲ့ရသွားလို့ပျော်သွားမယ်ထင်ပါတယ်။ ဒါက ဝယ်သူအနေနဲ့ နည်းတဲ့ဈေးနှုန်းနှင့် ဝယ်လိုတဲ့ဆန္ဒကြောင့်ဖြစ်ပါတယ်။ ဒီလို စိတ် ဆန္ဒနဲ့ ဈေးလျှော့ခိုင်းရတဲ့အကြောင်းရင်းက သဘာဝအကျဆုံးအကြောင်းရင်းလို့ပြောနိုင် ပါတယ်။ ဒါကြောင့် ဝယ်သူအများစုကဈေး ဆစ်လို့ရရင်ဝမ်းသာကြမှာအမှန်ပါပဲ။ သို့ပေမဲ့ တချို့နေရာမှာတော့ ဒီလိုရိုးစင်းမှုမရှိပါဘူး။ ဝယ်သူတွေရဲ့ဈေးဆစ်ခြင်းနောက်ကွယ်မှာ အကြောင်းအမျိုးမျိုးရှိနေနိုင်ပါတယ်။

တခြားအကြောင်းကြောင့် ဒါမှမဟုတ် ဝယ်သူက သူ့ရဲ့အဆစ်အပြုကျွမ်းကျင်မှုကို အပျော်အပျက်အနေနဲ့ဈေးဆစ်ခြင်းဖြစ်တာ ကြောင့် ရောင်းသူသင်က ချက်ချင်းလက်ငင်း ဈေးလျှော့ပေးလိုက်တဲ့အတွက် အမြဲတစေ ဝမ်းသာမယ်လို့မဆိုနိုင်ပါဘူး။ ဘာကြောင့် ဒီလိုပြောရပါသလဲ။ ဝယ်သူဘက်က ဒီလို စဉ်းစားလာနိုင်လို့ဖြစ်ပါတယ်။ သူဈေးဆစ် လိုက်တာ နည်းများနည်းသွားလား။ ရောင်းသူ ဘက်မှလိုက်လျောခြင်းအားလုံးကိုသူရရှိလိုက် ပါသလား။ သူသာ ဒီ့ထက်အတင်းအကျပ် ပြောဆိုအတိုက်အခံလုပ်ခဲ့ရင် ဒီ့ထက်မကရရှိ နိုင်လိမ့်ဦးမယ်။ ယခင်အကြိမ်တွေက ဝယ် ယူမှုတွေမှာ သူဈေးမဆစ်ခဲ့တာ သိပ်ကို နာတာပဲလို့လည်း နောင်တရကောင်းရနေ မယ်။ သူ့အတွက် ဒီလောက်ဈေးလျှော့ပေး နိုင်တယ်ဆိုရင် တခြားသူတစ်ယောက်ဆိုရင် ဒီ့ထက်ပိုပြီးတော့တောင် ဈေးချပေးမှာပဲ စသဖြင့် တွေးနိုင်ပါတယ်။

အရောင်းသမားဖြစ်တဲ့သင်ကတော့ သင့်ဝယ်သူကို ဈေးနှုန်းနဲ့ပတ်သက်ပြီး သက်သာအောင် လုပ်ပေးလိုက်တယ်လို့ စဉ်းစားမိပြီး ဝမ်းသာကောင်းဝမ်းသာမယ်။ ဒါပေမဲ့ သင်သူ့ကိုပေးလိုက်တာက ကြီးထွား လာနိုင်တဲ့၊ ကြာရှည်တည်တံ့နေမယ့်ပြဿနာ တစ်ခုဆိုတာကိုတော့ သင်တွေးမိချင်မှတွေးမိ ပေလိမ့်မယ်။

ဈေးနှုန်းတစ်သမတ်တည်းမဟုတ်ဘဲ တစ်ယောက်လာ တစ်မျိုးဖြစ်ခြင်းကြောင့် ဖြစ်လာနိုင်တဲ့ နောက်ဆက်တွဲကိစ္စတစ်ရပ် ကတော့ ဝယ်သူအနေနဲ့ အဲဒီအရောင်း ကုမ္ပဏီအပေါ် လေးစားယုံကြည်မှုဆုံးရှုံး တတ်ခြင်းပါပဲ။ ဒါ့အပြင် မိမိလက်အောက် ဝန်ထမ်းကို တစ်စုံတစ်ခုဝယ်ခိုင်းလို့ အဲဒီ ဝန်ထမ်းရဲ့အဝယ်ဘောက်ချာမှာ ဈေးလျှော့ ထားတာ(discount)မတွေ့ရရင် အထက် လူကြီးကဘယ်လိုထင်မလဲ၊ ဘယ်လိုမြင်မလဲ။ Discount ငွေကို သူ့လက်အောက်ဝန်ထမ်းက အိတ်ထဲထည့်လိုက်ပြီလို့မတွေးဘဲနေပါ့မလား။ တကယ်တမ်းကျတော့ အကြောင်းကြောင်း ကြောင့် အဲဒီအကြိမ်ကျမှ ဈေးမလျှော့ပေးတာ လည်းဖြစ်နိုင်ပါတယ်။ ဘယ်လိုပဲဖြစ်ဖြစ် ပစ္စည်းဝယ်သူကတော့ သံသယဖြစ်ခံရမှာက မလွဲပါဘူး။

သတ်မှတ်ဈေးနှုန်းနဲ့ရောင်းတဲ့ကုမ္ပဏီတွေ

ပစ္စည်းရောင်းချတဲ့ကုမ္ပဏီတချို့က ဈေးနှုန်းကို တစ်သမတ်တည်းထားရောင်း တာမျိုးလည်းရှိပါတယ်။ ပြိုင်ဆိုင်မှုပြင်း ထန်တဲ့အချိန်ကာလမှာ ဈေးနှုန်းကိုတည် တည်တံ့တံ့ထားရောင်းတဲ့ ကုမ္ပဏီများအနေနဲ့ အခက်အခဲကြုံနိုင်စရာရှိနိုင်ပါတယ်။ မကြာ ခဏ အမှာလက်လွတ်ဆုံးရှုံးနိုင်ပါတယ်။ ဒါပေမဲ့ အဲဒီလိုမျိုးအခက်အခဲကိုတောင့်ခံပြီး ဆက်လက်ရပ်တည်သွားနိုင်တာကိုလည်း တွေ့နေရပါတယ်။ ခြုံပြီးကြည့်လိုက်ရင် ယင်းကုမ္ပဏီတွေက မိမိဈေးနှုန်းမူဝါဒ(price policy)နဲ့ မိမိအောင်မြင်စွာရပ်တည်ပြီး ဝယ်သူဖောက်သည်များရဲ့လေးစားမှုကိုခံယူ ရရှိကြပါတယ်။ သူတို့ရဲ့အောင်မြင်မှုက သူတို့ရဲ့လုပ်ကိုင်ဆောင်ရွက်ပုံ၊ ရှေ့နောက် ညီညွတ်မှုနဲ့အားထားယုံကြည်မှုရရှိခြင်းအပေါ် မူတည်ကြောင်းရှင်းပြလို့ရနိုင်ပါတယ်။ တည်ငြိမ်တဲ့ဈေးနှုန်းမူဝါဒမရှိရင်ရေရှည်မှာ ပြဿနာတစ်ခုမဟုတ်တစ်ခု ဝင်တိုးနိုင်တယ် ဆိုတဲ့အချက်ကို သတိထားရပါလိမ့်မယ်။

အရောင်းသမားနဲ့ဈေးနှုန်း

ဈေးနှုန်းနဲ့ပတ်သက်ပြီး အရောင်း သမားဘက်မှာ ပျော့ညံ့ချက်ရှိတာတွေ့ရပါ တယ်။ ဈေးဆစ်သန်တဲ့ဖောက်သည်နဲ့တွေ့တဲ့ အခါ အရောင်းသမားအများစုက ရပ်တည် ရာမရဖြစ်တတ်တယ်။ ဖိအားပေးမှုကို လိုက် လျောချင်တဲ့ဆန္ဒက သူတို့ကိုယ်နှိုက်မှာကိုက များနေတယ်။ ‘လူတိုင်းဈေးနှုန်းအပေါ်မှာ ဝယ်ယူတာချည်းပဲ’ ဆိုတဲ့ခံယူချက်မျိုးထားတဲ့ အရောင်းသမားကများသား။ အဲဒီလိုမျိုး ခံယူ ချက်ရှိတဲ့အရောင်းသမားက စိတ်ဓာတ်ကြံ့ခိုင် မှုလိုသလို အောင်မြင်ထွန်းပေါက်တဲ့အရောင်း သမားဖြစ်လာနိုင်စရာအကြောင်းမရှိပါဘူး။ ဈေးနှုန်းကိုသာရောင်းတတ်တဲ့အရောင်း သမားပဲဖြစ်ရော့မယ်။ ဒါမျိုးက သာမန် ဘယ်သူမဆိုလုပ်နိုင်တဲ့အရာပါ။ အရောင်း သမားကောင်းတစ်ယောက်အနေနဲ့မိမိရောင်း ကုန်ပစ္စည်းရဲ့ဈေးနှုန်းပေါ်မှာ ရဲရဲဝံ့ဝံ့ ရပ်တည်ရပါမယ်။ မိမိပစ္စည်းကပြိုင်ဘက်ရဲ့ အလားတူပစ္စည်းနှင့်ဈေးကြီးနေသည့်တိုင် အမှတ်တံဆိပ်မှမတူတာဘာကြောက်စရာရှိ သလဲ။ သူ့အမှတ်တံဆိပ်နဲ့သူ၊ သူ့တန်ဖိုးနဲ့ သူကို ဈေးနှုန်းနဲ့သွားနှိုင်းယှဉ်လို့မရပါဘူး။ အမျိုးအစားချင်းတူတဲ့စက်၊ လုပ်ဆောင် ချက်ချင်းတူတဲ့စက်ချင်းဖြစ်ပါစေ၊ စက်ကို တည်ဆောက်ထားတဲ့ပစ္စည်းများက အမျိုး အစားရာနှင့်ချီရှိပါတယ်။ စက်တစ်မျိုးမှာက ပလတ်စတစ်အစိတ်အပိုင်းသုံးထားမယ်။ မိမိစက်မှာက အဲဒီအစိတ်အပိုင်းကိုသတ္တုနဲ့ သုံးထားမယ်။ ဒီလိုနေရာကစ ကွာခြားမှု၊ ကွဲပြားမှုရှိကြောင်းကို ဝယ်သူဖောက်သည်ကို နားလည်အောင် ရှင်းပြနိုင်တယ်။ ဒါ့အပြင် အခြားတစ်ပန်းသာတဲ့အင်္ဂါရပ်များနဲ့ထပ်တိုး တန်ဖိုးရှိတာမျိုး(value added)ဆိုလည်း ယင်းတို့ကိုတင်ပြပြောဆိုနိုင်ပါတယ်။ ဒီလို အချက်တွေရှိလို့ ဈေးမလျှော့နိုင်ကြောင်း ယဉ်ယဉ်ကျေးကျေးတင်ပြပြောဆိုနိုင် ပါတယ်။

ဒီလိုမှမဟုတ်ရင် ဈေးလျှော့မယ့်အစား ဝယ်သူကို မိမိရောင်းကုန်အမှတ်တံဆိပ်ပါတဲ့ ပစ္စည်းမျိုးကိုလက်ဆောင်ပေးတာ ဒါမှမဟုတ် ဆူပါမားကက်မှာပစ္စည်းဝယ်ယူနိုင်တဲ့ gift voucher ပေးတာမျိုးလုပ်ခြင်းက ပိုကောင်း မယ်ထင်ပါတယ်။ ဒါမှမဟုတ် ဈေးနှုန်းလျှော့ ခြင်းနဲ့ပိုမိုကြီးမားတဲ့အမှာ ဒါမှမဟုတ် နောက် ထပ်အမှာပြုလုပ်မယ်ဆိုတဲ့ကတိကဝတ်ပြုမှုနဲ့ ချိတ်ဆက်ထားနိုင်ပါတယ်။ ဒီလိုအကြံပေး တင်ပြချက်ကအမြော်အမြင်ရှိတဲ့ဈေးနှုန်း မူဝါဒရဲ့သဘာဝကျတဲ့အစိတ်အပိုင်းကောင်း ဖြစ်ရုံမျှမကအချီကြီးအမှာအတွက် သို့မဟုတ် သာလွန်ကောင်းမွန်တဲ့အမှာအတွက် ဈေး ကစားခွင့်ကိုလည်းပေးပါတယ်။

ဈေးဆစ်ခြင်းရဲ့နောက်ကွယ်ရှိအကြောင်း ရင်းများ

ဝယ်သူများရဲ့ဈေးဆစ်ခြင်းနောက် ကွယ်ရှိအကြောင်းရင်းများကို သိရှိထားခြင်း ကသူ့ကိုဘယ်လိုတုံ့ပြန်သင့်သလဲဆိုတာနဲ့ ပတ်သက်ပြီး အထောက်အကူပြုနိုင်ပါတယ်။အရောင်းသမားများစွာကိုမေးမြန်းစစ်တမ်း ကောက်ချက်အရအကြောင်းရင်းခံ စိတ် သဘာဝ ၃ဝကျော်ရှိကြောင်းသိရပါတယ်။ ဒီအထဲမှာ အရေးပါပြီးအတွေ့များတာတွေ ကတော့

၁။ ဝယ်သူက သာပြီးနည်းတဲ့ဈေးနဲ့ဝယ် လိုတာ(သဘာဝအကျဆုံးအကြောင်းရင်း)။

၂။ အရောင်းသမားနဲ့အနိုင်ရအောင် ငြင်း လိုပြီး သူ့ရဲ့ဈေးဆစ်တတ်မှုကို သက်သေထူပြ လိုခြင်းဖြစ်တယ်။

၃။ အခြားအကျိုးကျေးဇူးများရရှိဖို့ ဈေး ဆစ်ခြင်းကို နည်းဗျူဟာတစ်ရပ်အနေနဲ့ အသုံးချတာ။

၎။ သူလုပ်နိုင်ကြောင်း သူ့အထက်အရာ ရှိကိုပြသလိုလို့ဖြစ်တယ်။

၅။ သူအလိမ်အညာခံရမှာကို စိုးရိမ်တဲ့ အတွက်ဖြစ်တယ်။

၆။ အထူးအခွင့်အရေးပေးမှုကို ထောက် ထားညှာတာမှုတစ်ရပ်လို့ထင်မြင်ယူဆတယ်။

၇။ ဈေးဆစ်ခြင်းမှ အမြတ်ရနိုင်ကြောင်း သူသိလို့ဖြစ်တယ်။

၈။ အရောင်းသမားရဲ့အကြံပေးတင်ပြ ချက်တန်ဖိုးကို သူနားမလည်လို့ဖြစ်တယ်။

၉။ ဈေးနှုန်းအစစ်အမှန်ကို သိလိုလို့ဖြစ် တယ်။

၁ဝ။ ရောင်းသူနောက်တစ်ဦးထံမှ သာလွန် သက်သာတဲ့ဈေးနှုန်းနဲ့ဝယ်ယူလိုလို့ ဖြစ်တယ် ဆိုတဲ့အချက်များပဲဖြစ်ပါတယ်။

အရောင်းသမားအနေနဲ့ ဝယ်သူရဲ့ ဈေးဆစ်ဈေးဆိုနည်းဗျူဟာ နောက်ကွယ်ရှိ အကြောင်းရင်းခံများကို ဦးစွာခွဲခြမ်းစိတ်ဖြာ နိုင်မယ်ဆိုရင် ယင်းဝယ်သူဖောက်သည်အား မိမိတင်ပြပြောဆိုချက်ကို လက်ခံလာအောင် ပြုလုပ်တဲ့နေရာမှာ ပိုမိုအောင်မြင်နိုင် ကြောင်းပါ။